Pages

Kathelnah ong hawh khempeuh tung' lungdam mahmah ei. Hih blog ah pen Zomi Pasian nasem te, Zomi lasa siam te, Zomi tumging siam te,Zomi minthang tuamtuam te, Zomi lamsang' te,...akipan Zomi tawh kisai hun ngah dandan le sep zawhzah zah, kaihkhop zawhzah koih ding ki hanciam hi.

Tuesday, July 29, 2014

HUMAN DEVELOPMENT REPORT 2014, TOKYO!

 
24th July 2014 ni Japan gam Tokyo khuapi aa om United Nations University Headquarters ah Global Launch of Human Development Report 2014 ah Leitung aa om gam khempeuh te ii khantohna leh khantohlohna te gamsung aa om mipite income tawh etkak in genkhiatna nei uh hi.

Tua report sungah, Leitung ah mi 1.2 billion pen nisim a sumngah (income) uh 1.25$ sang tawm zaw lai in, Gam khangtonailo (Developing Countries) 91 ah mi 1.5 billion bang zawng mahmah lai in Pilna (Education) leh Cidamna (Health) hoihtak ngahlo in nuntakna tualniam lai mahmah hi. Tualo mi 800 million bang thakhatthu aa a zawngkik thei dinmun ah om lai hi ci in gen uh hi.

Human Development Report 2014 ii genna ah Leitung aa gamkhangto/nuamsa pen 10 te: 1) Norway, 2) Australia, 3) Switzerland, 4) Netherlands,5) United States, 6) Germany, 7) New Zealand, 8) Canada, 9) Singapore leh 10) Denmark hi in, United Kingdom (UK) pen a 13th , Sweden 12thna ah om hi.

Leitung ah Singapore pen ah a 9th na hi in Asia aa ding in a sang pen hi, Afghanistan pen 169th na ah om in Asia a ding in a zawng pen gam hi. Kawlgam (Myanmar) pen 150th na ah om in Southeast Asia ah a zawng pen gam hi (Cambodia 136th, Laos 139th) , a nuai ah Afghanistan 169thbek om ahihman in Asia ah a zawng pen nihna hong suak hi. India zong 135th na pek ah om hi. Leitung ah a zawng pen Gam a kiciamteh Africa pan Nigar 187th hi in Population pen 16.6 million, Biakna Muslim leh Kampau ah French pen official in zang in Arabic zong zang uh hi.

Leitung ah azawngpen gamkhat ahi Kawlgam (Myanmar) pan azawngpen ii Zogam (Chin State) leh ii  Zomi pihte khantohna ding in akua maciat in hanciam in mabang pangkhawm ciatni!
 

Zomi Sungah,
Suan Tawng
London
__._,_.___

Wednesday, July 16, 2014

A PHAMAWH PAWLKHAT NA OM VEVE!

Pawlkhat pen theilo lel theihloh lel tawh hici  koih/om    nop huai
Ahih hang theihkul theihloh  a  phamawh pawlkhat na om veve

Pawlkhat pen genlo lel genloh lel tawh hici   koih/om   nop huai
Ahih hang genkul  genloh a  phamawh  pawlkhat na om veve

Pawlkhat  pen  nuilo  lel  nuihloh  lel  tawh hici  koih/om   nop  huai 
Ahih hang nuihkul  nuihloh  a  phamawh  pawlkhat  na  om  veve

Pawlkhat  pen  kaplo  lel  kahloh  lel  tawh  hici koih/om   nop  huai
Ahih  hang  kahkul  kahloh  a phamawh  pawlkhat  na om  veve 

Pawlkhat pen utlo lel  utloh  lel tawh hici koih/om  nop huai
Ahih hang utkul utloh a  phamawh  pawlkhat na om veve

Pawlkhat pen semlo lel seploh lel  tawh hici koih nop huai
Ahih hang sepkul  seploh  a  phamawh  pawlkhat na om veve

Pawlkhat pen pailo lel pailoh lel tawh hici koih/om  nop huai 
Ahih hang paikul  pailoh a   phamawh pawlkhat  na  om veve

Pawlkhat pen deihlo lel  deihloh lel tawh hici koih nop huai
Ahih hang deihkul deihloh  a  phamawh  pawlkhat  na om  veve


Aban,....


Kathelnah!


Saturday, July 12, 2014

LEITUNGHAI aka WORLD CUP, BRAZIL LE A TUAMTUAM!


Leitunghai  aka Worldcup, Brazil le Atuamtuam!
Brazil te aw, a thumna tuh nawnse kei unla Holland te piasuk ziau un 
ka cih na ut loh uh, tun na vang' uh lei ah akia bek hilo leisung ah 
kiphumsuk beh lailai hi,..,... 
No paizia ci mawk in mithak   teng  bek tawh leitunghai na suih detkei uh tu tung
teh nabil uh ong puak ding in lam-en ing. 
I cih sam hang in Neymar pi pen asiampen ding kitel kholh na lak ah ong
helsak sam uh a hih man in kiheh nep noptuam cih ding hi in cei. 

Tutung Leitunghai kimawl na pan asiampen aka Golden Ball ngah ding
a kitel khol teng:
1. Angel Di Maria  ( Argentina ) 
2. Mats Hammels  ( Germany ) 
3. Toni Kroos  ( Germany ) 
4. Phillip Lahm  ( Germany ) 
5. Javier Mascherano ( Argentina ) 
6. Lionel Messi ( Argentina ) 
7. Thomas Mueller ( Germany ) 
8. Neymar ( Brazil ) 
9. Arjen Robben ( Netherlands ) 
10.James Rodrigues ( Colombia ) 
NB: Zingciang Final mankhit teh a ngah pen  kithei pan ding. 

Golden Ball a ngah ngeisa te:
1982 FIFA World Cup Spain : Paolo Rossi ( Italy ) 
1986 FIFA World Cup Mexico : Diego Maradona ( Argentina ) 
1990 FIFA World Cup Itlay : Salvatore Schillaci ( Italy ) 
1994 FIFA World Cup USA : Romario ( Brazil ) 
1998 FIFA World Cup France : Ronaldo ( Brazil ) 
2002 FIFA World Cup Korea/Japan : Oliver Kahn ( Germany ) 
2006 FIFA World Cup Germany : Zinedine Zidane ( France ) 
2010 FIFA World Cup S. Africa : Diego Forlan ( Uruguay ) 

Tutung Leitunghai kimawl na pan Kungpansiampen aka Golden Glove ngah
ding a kitel khol teng:
1.  Keylor Navas ( Costa Rica ) 
2.  Manuel  Neuer ( Germany ) 
3.  Sergio Romero ( Argentina ) 
NB: Zingciang Final kisuih man teh a ngah pen  kithei pan ding. 

Golden Boot bel James Rodriguez ( Costa Rica ) in nga vei a kimawl 
na sung ah Kung-guk  tawh a mah a sang pen hi phot. 
Tualo Thomas Muller, abeisa 2010 a Golden Boot ngahpa in zong Kung-nga mah hiphot. Final ah kung a ngahbeh leh amah a ding hikha thei. 
Tualo Messi le Neymar zong kung-li tuak hi ven, Neymar bel hi thei nawnlo. 
Messi zong Final ah Kung-nih ciang a ngah zawh leh zong lam-et om tuan nailo
a hih manin Muller in Kung angah beh zawh nawn kei leh Rodriguez ( Costa Rica ) 
pa mah in ong ngah kha thei ding. 


Bangbang hi leh tutung Leitunghai Brazil bel Kadeih mahmah gam nih 
a kimu ding hi mawk in Lungdam huai. Kimawl zia en leng German te 
muanhuai zaw. Deihzawkna lam pan hi leh Argentina deih zaw ing. 
Tukhitciang Argentina te tutung Final a kah cilna uh himawk in Champion 
deihsak hi pong ing. German te'n bel 3vei khawng ngahkhin uh a hih 
man in tutung gamdang te pia phot le uh,...hehehe,...kei deihdan a sut 
pong hing ei. Ahihhang a siam zawzaw in ong zo ding hi mawk in aman 
teh ong kithei ding tuamah ong hi phot. 

Tutung Leitunghai Brazil bel ka deihdan hi leh: 
1. Argentina ( Champion ) 
2. Brazil 
3. Germany 
4. Netherlands 

Ciamnuihloh: Germany tawh kidem ni zong Brazil mipi te khuasung ah akitom 
                         khawng om ziahziah ci uh in a kibang kawikawi lel dan hi hang ei. 
                         Tuni athumna tuh in ngahlo leuleu ci leng bang teng a piang 
                          leuleu zel tam maw,......

By-Kathelnah!
July, 12th 2014
WC Final Eve!


ZOGAM LAPI BY KATHELNAH!