AG PAWLPI HONG PIAN KHIAT NA
Topa Jesu hong kamciam sa mah bangin pentecost ni-akipan, ahunhun in kha
Khanlawhna mun tuamtuam ah piang tawntung hi. Sawltak te khit ciang Pasian
Nasem minthang Pachomius ( AD. 292-364 ); Vincent Ferrer ( AD.1506-1552 )
Te zong kamtuam in, na pau ciat uh hi. ( Carl Brumback, Suddenly From Heaven)
Kha khanlawhna a om simin, kamtuam pau-na om den hi.
Tulai, hun nunung kha khanlawhna 1900 kumkhit ciangin hong kipan kik-a, tuni ciang
Charles Fox Parham akici mipa-in Laisiangtho sang, Bethel Bible College na phuan
Khia hi. Laisiangtho bu bek zangin, thunget na leh Laisiangtho sung-a om bang in,
Khia hi. Laisiangtho bu bek zangin, thunget na leh Laisiangtho sung-a om bang in,
Nuntakna, sepkhiatna te bulphuh uhhi. Khat vei, Parham in khualzin pak nading
Khat hong nei-a, a sangnaupang te kiangah, “ Ka khual zin kal-in, Khasiangtho
Ah kiphumna thu na tel et un, “ ci-in vaikhak hi. Hong ciah kik ciangin, a sang
Naupang te kiangah, “ bang na cih muh uh hiam” ci-in a dot leh, Pentecost ni a kipan
Kha sung kiphumna pen kam tuam pau tawh kilang hi, ci-in dawng uhi.
1.1.1901 ni ciangin kha sungah kiphum na lunggulh na lianpi tawh thungen in,
Ki-ap na hong nei uh hi. Asawt lo-in Miss Agnes N. Ozman in kamtuam pau hong
Ngah pah hi. Nithum sung in a lawmdang ten zong hong ngah uh-a, tua khit asawt lo-in
Parham in zong hong ngah hi. Charks Parham teci pang in vak kawikawi-a, Pasian in
Thupha pia-a, cina dam tampi zong hong om hi. Ahih hangin pawlpi tuamtuam te-in nakpi
Tak-in nial uh hi.
1905 kumciangin, Parham in Houston khuapi-ah Laisiangtho sang khat na phuan khia leu
Leu-a, Negro mi, thuhilhsia WJ Seymore zong na kah hi. Seymore in, Parham thugen’ ahi,
Kha sungah kiphum na thu, um mahmah a, ahih hangin aman ngahnai lo hi. 1905 kum
Sung mahin Los Angeles khua-a Negro Nazarene pawlpi ten kamtuam pau ngah nai lo pi
Mah, kha sungah kiphum na thu mah hilh pah hi. Kikhop man khit teh aciah leh azintun
Na inn tawh na kikalh hi. Nupi khat-in a inn ah tung sak-a thuhilh theih nang vaihawm sak hi.
9.4.1906 ni, nitak kikhop laitak-in keek kia bangin avekpi-un thuphah tung pan, sual tungah kia suk uh hi. Mi sagih in kamtuam pau in, Pasian thu hilh uh hi.
Seymore in tua khit ni 3 ciang in, kamtuam pau ngah pan hi. Kikhopna mun ah mi
hong tam semsem in, ta zo nawn lo uh ahih manin, 312 Azusa Street a
Methodist te biakinn lui khat zang uh hi. Kha khanlawh na nasia tak-in hong kizom a,
kum thum sung tawntung kikhop kizom suak in, Thungetna zong neisuak uh hi.
Gupngah thak, siangtho nuntakna, khasung kiphumna, damna
Ngah thak te, nisim in ki behlap den hi. Khasiangtho nasep na nasia mah mah-a, khat veivei a tutna uh ki ling gawp thei hi.
Hih khanlawhna mei, leitung gam tuamtuam te-ah kizel in, mi tampi hongpai uh hi. Pawlpi tuamtuam ah a sangthei hong tam tektek-a, pawl kikhen na zong
hong om kawkawi-in, pawl neu tampi zong hong piang khia hi. Gensiat na leh langpan
na zong tam mahmah-a, ahih hang khanlawh na kizom pai suak hi.
A uang lua-a, kalsuan pawl zong amunmun ah hong om hi.
1913 kum ciang, kipawlna cian neilo in hong kalsuan uh hi. Kumsim in khawmpi nei zel
Uh-a, buaina hong tam mah mah hi. Hih thu te hangin, E.N.Bell leh H.A.Goss te makai-in
Kipawl na khat neih ding hong vaihawm uh hi. Upna tuamtuam te zong hong piangpiang
In, a uang lua-a kalsuan zong hong tam mahmah a, Laisiangtho thusim nawnlo-in thusuak
Leh mangmuhna te bek bulphuh na hong tam mahmah hi.
1914 April 2-12 hun sung teng Hot Springs, Arkansas ah E.N.Bell in Chariman,
J.Roswell Flower in Secretary semin, mi ( 300 ) val bang kikhawm uh hi. Ki thu tuah
Loh na tampi te kawmkal ah, kipawl khop na khat neih ding hong thukim uh hi.
Apawlpi min dingin Khasiangtho sung kiphumna, asang pawl neu tuamtuam te khem
Peuh a huam kim dingin, “ Assembly of God “ ( Pasian mite ki khop na ) ci-in phuak
Uh a, 12.4.1914 ni-in kikhop na man uh hi.
AG pawlpi-in lungdam na thu puak khiat ding nakpi-in ki bulphuh-a. Leitung gam ( 120 )
Val te-ah pawlpi om khin hi. Leitung bup AG pawlpi zumpi, USA gam Missouri State,
Springfield khua-ah om hi. Leitung gam tuamtuam te-ah Laisiangtho sang, ( 270 ) val
Ki nei hi.
AG PAWLPI KAWLGAM HONG TUN NA
Pasian hong itna khauvak puak ding in, American Adoniram Judson Kawlgam ah hong
Sawl-a, 13.7.1814 ni-in Yangon hong tung hi. Kum ( 6 ) ciangin kawlmi U Naw ngah
Pan hi. Zomi te lak ah 1905 kum in Pasian khuavak hong tung hi.
Kawlgam sung ah AG mission nasep na, Kachin gam sak lam pan hong lut masa hi.
1919 kumin Sen gam ah Pasian nasem dingin, Miss Ada Buchwate hong tung-a,
Mekong gun hong zuih toto leh lisu te tawh kimu-in, 1921 kumin Kawlgam ah teci
Pangin hong pai uh hi.
1924 kum ciangin England mi, Leonard Yangon hong tung-a Irrawaddy gun zui-in
Gunkuang tawh Bhamo dong kah to-a, sen gam dong pai to hi. 1929 kum ciangin
Sen gam-a Pasian nasem a om, Clifford Morrison te innkuan, Sen kumpi ( communist )
Te lau na hangin, Potao khua ciang ni ( 55 ) sung akhe uh tawh hong pai suk uh hi.
1931 kum ciangin nasep hong kipan uh hi. Leonard Bolton zong 1933 le 1942 kumte
In hong pai kik zel uh hi. Galpi nihna madeuh in Sweden leh Finland gamte pan zong
Hong pai zel uh hi.
Morrison te nasep na panin, 1931 kumin Lisu mi ( 60 ) bang kikhel uh hi. Khanlawhna
Kizom toto-a, Japan gal sungin akikhel tam mahmah ta hi. 1948 kum ciangin tui phumsa
Mimal ( 2000 ) bang om-a, biakinn 22 leh Pasian nasem ( 12 ) bang om khin hi. 1954 kumin
Sang khat zong na hong uh hi. 1951 kumin Walter Erda Kawlgam hong tungin, Mugok ah
Phual sat-a, Rawang mi tampi te-in Pasian thu hong sang uh hi.
1956 kum ciangin, Leonard Bolton te innkuan, Yangon ah nasep hong kipan kik uh-a, Kala
Mivom innkuan khat in sang thei pah-a, amau inn kikhop na-in zang pah uh hi. Asawt loin
Erok leh Bolton te ki laih uh a, 1957 kum ciangin Yangon khua-aom Erola mun ah Gleen
Stanfford in laih leuleu hi. 1960 kum ciangin Prome Road 471 , ah kikhopna tuah uh a, mi
Zong khang mahmah hi. 1961 july kha sungin Yangon khua-ah khanlawhna nakpi-in hong
Tung in mitampi te-in khasung ah kiphumna hong ngah uh hi. Hih khanlawhna hun sungin
Kawlmi U Myo Chit na ki khel kha-a, gamdang mi Pasian nasem te aki ciahsak ciangin,
Yangon pawlpi kem hi.
1966 kum ciangin biakinn U Ba Wa lampi ah tuah in, mizong tampi ki beh lap hi. Amasa in
Gambup AG zumpi Potao khua-ah kikoih-a, 1970 kum ciangin Myitkyina khua ah kituah
hi. 1980 kum ciangin Yangon khua ah kituah leuleu hi. Pasian in AG pawlpi thupha hong pia-in, kawlgam sungah akhang pen pawlpi in kici ciamteh hi.
( David B.Barrett ( ed ) , World Christian Encyclopaedia, 1982 page 203 ).
1981 January kha in, AG pawlpi kiphuh zawh kum ( 50 ) cinna pawi ( Golden Jubilee )
Potao khua ah kibawl-a, mi ( 60,000 ) kikhawm hi. 2006 kumin kawlgam sung AG pawl
Kip mi vekpi ( 111, 394 ) val kipha hi.
AG PAWLPI ZOGAM HONG TUN NA
1970 kum khit-akipan, Tedim gamsung teng ah kha khanlawhna hong tung kawikawi-a,
Pawl kikhen na zong hong om to pah hi. 1975 kumin Tedim tuiphum pawlpi sungah
Pawl kikhenna hong piang-a khua kim teng ah zong pawl kikhenna hong om kawikawi hi.
1975 kum sung mah in Tedim khua pan EBC ( Evangelical Baptist Church ) pawlpi hong
Kiphuan khia hi.
Hi bangin khanlawhna hong om hun sung teng in Yangon AG pawlpi pan Rev.Myo Chit
Leh Sia Ahong te makai-in, Tedim leh khua kim ah Gospel hong pai zel uh hi. AG pawlpi
Kalsuan na te hoih kisa-a, ki lung lut mahmah hi. 1976 kum ciangin, Tuilang, Gam ngai, Lophei,
Phaiza leh Thuklai te, abanban in AG pawlpi-ah hong lut uh hi. Tedim EBC pawlpi sungah
Zong AG pawlpi sung lut nop na hong lian semsem-a, 1977 kum ciangin AG pawlpi sungah
Kilut hi.
Tedim gam sungah AG pawlpi hong kizo toto in, 1977 kum ciangin AG pawlpi khawmpi
Masa pen Tedim khua ah kinei hi. Tonzang, Falam, Haka leh Thantlang te-ah abanban in
AG pawlpi kiphut hi. 1990 kum in Tedim khua ah Bethel Bible College sang kihong hi.
CIAPTEH HUAI KAWLGAM AG PAWLPI KUM TE
- Leitungbup AG Pawlpi kiphuh kum -12.4.1914
- Miss Ada Buchwate, Lisu minam te kiang teci apan kum - 1921
- Leonard Bolton Kawlgam hong tun kum - 1924
- Clifford Morrison hong tun kum - 1931
- Lisu minam te kiang AG pawlpi pian kum - 1931
- Walter Erola kawlgam hongtun kum - 1951
- Rev.Gleen Stafford kawlgam hongtun kum - 1957
- Yangon khua khanlawhna pian kum - 1957
- Yangon khua ah AG pawlpi phuh kum - 1961
- Myitkyina ( EBS ) Laisiangtho sang hon kum - 1965
- AG Pasian nasem gamdang mite aki ciah sak kum - 1966
- Yangon AG Biakinn U Bawa Street ah akituah kum - 1966
- Gamdang mite tungpan, kawlmite tung makaih kilaih kum - 1966
- AG zumpi Potao pan Myitkyina ah kituah kum - 1970
- Zogam AG pawlpi ah lut masak kum (tuilang,gamngai,lophei) - 1976
- Tedim gam AG khawmpi masa pen - 1977
- Yangon Evangel Bible College hon kum - 1979
- Kawlgam AG pawlpi Golden Jubilee ( Potao ) - 1981
- Kawlpi Maranatha Bible College hon kum - 1988
- Tedim Section Constituition and Bylaw kipsak kum (thangnuai ) - 1990
- Tedim District Council din kum - 1990
- Tedim Bethel Bible College hon kum - 1990
Src: Tungtuang Christian Centennial Jubilee ( 1906-2006 ) & MORIAH Assembly of God
Church Silver Jubilee ( 1982-2007 ) page 103-106https://www.scribd.com/doc/307589962/AG-PAWLPI-HONG-PIANKHIAT-NA
0 coment�rios:
Post a Comment