1. Kalaymyo ah, Zomi Nam Ni pen ZBCM huangah Zomi te'n bawl ding. SHS No.2 ah Chin National Day kibawl ding. KU te'n a sang huangsung uh ah bawl sawm.Zozaang khua pansanin khua kiim khua paam kipawl, khua 10 in Zozang khua ah Feb.20, 2016 (Sat) AM.10-12 sungteng In nasiatak bawl ding uh hi. Hih pen nung kum a kipanin ZCF min tawh a bawl uh a nihvei nading ahi hi.
2. Kalaymyo ah VIP Mei kingah dekdek ta.
Gangaw pan a hong kizom Kumpi mei, VIP Mei pen tukha bei lamah 24 hrs kingah ta ding ci hi. U Teinsein in honpawi bawlna nei ding cih thu kiza. Tu'n zong zanni sun a kipan mei hong vaak suak a, tusunin hong mit kik phot hi. Neh mahmah ta cih ding ahi hi.
Kalaymyo ah VIP Meter Box neisa inn 4000 val om khin ta hi. A thak siau thei ding cih thu kiza hi. A nei nai lote bilpil huai kha ding hi.
3. Laibung/Vongmual khua kituahte' dinmun:-
Tai 9 khua. saklam galkhat ah kumpi in munpia a, tu-in inn 100 kiim bang kibusa phot uh hi. Innmun bel om mel lo in, sikkaang inn leh tuipuan buuk tawh hi lai phot hi. Laibung veeng a teeng teng, Germany panin mimal khat ii panpihna tawh a kilam sikkang inn neu khat ciat pia khin a, Vongmual veeng lam teng Korea panin lametna tawh a kingak lai phot hi, cih thu kiza hi.
4. Saipimual ah ZYA Kiphut khia ta:-
Feb.7, 2016 (Sun) ni-in Saipimual khua ah ZYA kiphut khia ta hi. Kum 3 term ding ahi a, Committee mi 9 leh Advisor pawlkhat koih uh hi. ZYA Central pan a kicing zaw a hong zaksak ding uh lamen hang.
5. Kawlgam Phone/Handset Porpular phadiak:-
A masa lamin Samsung leh I Phone te hong porpular khit nungah Huawai hi a, tulaitakin Shiangmi/ MI Neo 2/3 leh OPPO Neo 7 te a porpulai phadiak laitak ahi hi. Hihte pen Ks.2 panin 2.1/2 manpawl hi-in hoih mawh het lo hi.
6. Handset te kidembawl zeel:-
MPT te'n tu nung diak, Jan.31 panin Feb.9 dong Top Up, Bonus pia uh a, Ks.10,000/- i lei leh 10,000/- mah piathuah uh a, top up kilimlei mahmah hi.
7. Gui-awk ki-om puut zeel:-
Jan.13/14 pawlin Zaanggam Zomite' teenna khua khat ah Papi la, Pa... kum 31 amah leh amah gui-awk lum a, khasiathuai mahmah hi.
8. Dahpihna:-
Nungkal sungin TEC Boarding neipa, Pa Lang Sian Kam (Kum 62), Zomi M.B.,B.S mi 2/3 te' pianna pa (Heilei-Kalaymyo) in hong nusia hi.
Zan diak mahin, Pa Cin Khan Go (Haupi-Kalaymyo), KG Store. (kum 72), Lansone in hong nusia leuleu hi.
9. NGO & Tendar tawh nasemte pawkhat kinawhkhah:-
Zogam ah Lampi, Mei, Tui leh Sanginn te a kipan vaipuak la aa nasemte, Feb.kha bei ma a zawh dingin bullam pan thu paisak uh a. a zo lote kumpi in la kik ding cih, thuging om a, a ciangciangah buai thei mahmah uh hi.
10. Gamdang pan Zi nei ding hong ciah ziahziah uh:-
(1) Tg.Thangtawng (Pa Kam Kham') Suangzaang tapa leh Lia CingCing, Pa Cin Lam Khup, tungzang. tanute Emmanuel BC ah Revd Hau aGo Kham' tungtawnin pumkhatsuahma nei uh hi.
(2) Alex Kapno leh Ygn.Pa Gin Hau. Thangnuai' tanute Judson Biakinn ah Sia Enno' tungtawnin pumkhatsuahna nei uh hi.
(3) Paubawi (Tuikhal-Florida) leh Paalnu, Pa H.Nangtawngte' tanu in AMC, Kalaymyo ah Sia Go Nang' tungtaenin pumkhatsuahna nei uh hi.
(4) Dr.Lian Sian Mung (Ph.D) leh Lia Ngai Tawi Lung Cing (Tonzang) te in, Jan.30, 2016 ni-in, Judson Church ah pumkhatsuahna nei uh hi.
(5) A sawt lo-in, Tg.Hau Suan Mung (Zozang) zong zi nei dingin hong ciah laitak ahi hi. Pasian' thupha ci ni.
NB:- A tunga teng ommuan a theihphaat teng ahi hi. Lai hong simsak mimal tungah lungdam.
Peter Khampu.
0 coment�rios:
Post a Comment