kathelnah: JOHN THANG HUM

PS umlo te na ngawn in gimna lianpi hong tung ding theihna nei in, lau in ki ging khol uh hi. Gentehna in, Sen (China) kumpi te bangin Christian te LST pen mangmuhna bu om kei leh hoih hi, mangmuhna in hong lausak lel hi, ci uh hi. Gimna lianpi pen gam khenkhat (local) bek ah piang ding thu hilo in leitung maitang khempeuh ah a piang ding ahihi. Kial tuna, zinlina, huih leh guah (khuahun siatna), patau kangmei, mihing gitlohna te ki dal zolo ding hi.

Leitung kumpi tuamtuam te in gimna lianpi pen Pasian piak ding a hih lam thei lo in, mihing te sep ding sa ahih manin kigin kholna tuamtuam bawl uh hi. Gimna tuamtuam te lak ah Nuclear galvan kilau pen ahih man in tua dal na ding sum million a sim bei in bawl uh hi. Hih galvan a nei gam nih (US leh RS) te hi pan hi. Tua bang Neuclear thautang zang a kikap ding hi leh, mipi a si zongin gam makai, mi thupi leh sumhaute a buk theihna ding leisung ah bukna bawl in, a nuammahmah, an leh tui tawh om theihnang bawl uh hi.

US ten lei sungah buk theih na ding mun 130 nei uh hi. Engineering siam pen te in, duhtawk tak a abawl uh hi a, mitmuh na ah muanhuai in, nopci sak mahmah hi.

Ahi zong in…Mang 6:16, Lk 23;30 leh Isai 2:19 te ah, mite in gimna thuakhaksa lua in, mualte aw, kote tungah hong cim un, ci ding hi. Hih lei sung munbitna ah a bute in, thautang pan suakta theih kha ding hi ta leh, PS piak gimna pan suakta lo ding hi. Banghang hiam cih leh gimna pen thautang hang hilo in, zinlin na hang hi zaw ding hi. Thautang a dal theih hangun zin linna dal thei lo ding a, a bukna uh kulh te kilok in cim mang ding uh hi. Tua mite gimna nasia tak thuaknapi in, kisik tuan lo in dawi mah bia veve ding uh hi (mang 9:20).

US Kumpi thak munlakna leh thupha piakna tuni Jan 20, 2017 zingsang nai 11:00 CT hun in kibawl a, vai khempeuh nai khat sungin zo hi.Kumpi thak Donald Trump leh aki thuahpih ding Vice President Mike pence in kiciamna la a, tua khit ciangin kumpi pa in thugenna nei hi.

Tutung kumpi ki-aapna pen nidangte tawh kibanglo khat om hi. Thungen ding kisehte lak ah, nidangin Muslim siampi te zong thupha pia ding a kihel sak hamtang in stage tungah bangah Muslim siampi te tu deetdaat uh pen, tutung in ahih leh Muslim siampu kihel lo hi. RC Bishop Orthodox siampi, Baptist, Presbeterian leh Parachurch minister te, mivom, mikang leh Hispanis pastor ki kihel kim hi. Parachurch Ministry pastor te lak pan Flanklin Graham leh Paula White a hihi.

Thungetna (thupha piakna) te ah, Jewish siampu pa simloh in Jesu Khirs min in kong ngen uh hi, ci tangtang hi. President Obama hun lai in, Rick Warren in thupha piakna leh thungetna a neih pen, Jesu min suanglo in thungen hi. A kiup mawhna ah Jesu min zat loh ding ngiahsutna kipia hi kha ding hi.

Donald Trump in a thugenna ah, “Kei” zangh lo in, “Eite, I Gam, I minam, eimau” cih tamzat ahih manin miten diksa hi. Lai siangtho kammal nihvei azat ki mu hi. “ En un sanggam te pumkhat suak a, a tutkhop ciangin bangzah et lawm hiam? cih mun pen, ki thutuakna ding, pumkhat suah ding a kulna tawsawn na in zangh hi. Tua leh, I gampen galkap ten hong kem ding a, a hi zong tua tungah Pasian in hong kem ding hi, cih zangh ahih manin Pasian muang mahmah ahihna ki mu thei a, thu-um mita ding husan hong nuam hi.

Kha lamah nang kuan hong mentor hiam? cih a kidot ciangin, Positive Thinking a pan khia pa Norman Vincen Peal hi, ci in gen hi. Ahi zong a pianthakna pen Paula White hi ding ki um mawh hi. Paula White a kidot ciangin, ka gen dingte tang takin ka gen hi, Jesu Khris a san ding ka gen hi, ka biakinn ah hong kikhawm zel hi, ci in gen hi. A daan ah, Flanklin Graham leh Paula White pen Pasian nasem te lakah a pahtak pen ding ki muthei hi.

A beisa a ama mai a thupiangsa vai pawlkhat bel hong nilkhia hamtang ding ki um mawh hi. Gentehna in, gay marriage leh nauphiatna, numei pasal tuibuk zat khop nate leh pawlpi in neih kibang te kiten sak theih nading te pen Chritian upna tawh kilehbulh a, freedom of religions sukha in, US thukhun tawh kituak lo hi. Hi te pawl sumai kha ding hi.

Politician ten amau summet bawlna bel in a mun uh zangh hi. Mizawng te donlo hi. Tu’n tua hun beita hi, ci giapgiap hi. Anungah tu, president luite, senator te pawl in a mit uh phe laplap uh hi.

Pasian thutawh a gente leh midia te in kuakua kumpi a sem zongin vai sah mahmah, chalenge tam mahmah ci in gen hi.

Hun man ciangin kumpi thakpa te nupa leh anuai-a vice-P te nupa in, kumpi luipa aciah nading, helicopter kiang dong vakha a, nuihmai sa in kihoho uh a, nopci mahmah hi. Amu kha ten I makaite nopci lua ci ding hizen hi.

US kumpi thak tawh kisai in, adeihlo ten lungphona nei ding a kisasa zong om a, zomi te na ngawn (pastor pipi) net sung, facebook leh viber te sungah ki totpih, ki ko bawl liangzong ki om a, Tu in tua hun beita a, hong kahto kumpi te panpih ding bek hi ta hi.

Tuni kumpi thak muakna ah vantung gimnam kisa mahmah hi.

“ En in, kei kong pai baih ta ding hi, Mikhempeuh a gamtatna tawh kituak in thaman kong keng ding hi” A puansilh a sawpsiangte in nutakna sungkung ne ding a, khuapi sungah lutkhuan ngah ding hi, Topan ci hi. Mang 22:12-15)

Src:zonet