KA SANG INNPI

Thumasa

Ei Zomite i pupa masate khan lai-in lai na nei ngei uh hi. Ahi zongin laidal om nailo
ahih manin savun dal tungah gelh uh a, tua pen ui in neksakin mansuah uh hi.
Bang lai bulpite tawh kigelh cih pen kikan thei vet lo hi. Kum zalom 19 bei kuan
ciangin lai thei nuamte in kawl lai na sin uh hi. Mualbem khuami Sukte Pau Cin
Hau in lai na phuan khia-in i kam malte ki gelh thei hi napi kizang paisuak lo hi.
American Missionary Rev. E. Carson leh Rev. Eastte Zogam Hakha hong tun
khit teh a mel theihsa uh Karen sia pawl khat sam toin Pasian thu gen leh Kawl
lai hilh hong kipatsak ciangin Zogamah Kawllai kisin pan hih tuak hi. Tuate
Zomin J.H. Cope hong tun teh Manglai bulpite tawh i Zo pau aw suakin kigelh thei
ahih lam hong mu khia a, tua a ki panin Zolai a kinei ahi hi.

1. TONZANG  AH  LAI  THEI   MASA  PEN
Tonzang panin Hautual beh Pu Suan Pum leh Sukte Pu Thawng Paute in Kawllai
na thei uh hi. Pu Suan Pum pen Kawlpi gei Kanpalet Phungzi sangah Kawllai
tan 4 a zawh khit ciangin Sihzang mi a lawm Hang Pum tawh palik bu dingin
palik na tum uh a san thum a ngah lai takin Kam Hau Gam Ukpi zumah lai-atpi
dingin Pu Hau Cin Khup in na ngen khia hi. Tua ahih manin Tonzangah Suan Pum
leh Thawng Pau in laithei khin ahih teh lai thei dang kul non lo hi, kici ngei hi.

2. TONZANG AH SANG A OM CILNA
1905 kum ciangin Pu Hau Cin Khup' vaihawmna tawh Tedim panin Sia Po Ku
hong tung to a, nitak simin Pasian thu hilh leh Kawllai hilh hong thuah ciang bek
in laisinna Sang hong om hi pan hi.
( 1 ) Sia Po Ku' sangah Kawllai sin a Pasian thu a zui pawl khat 1906 kumin
        Dr. East in na tuiphum hi.
1. Son Vungh. ( Tuitum )
2. Hen Za Kham ( Tuitum )
3. Tuang Khawm ( Tuitum )
4. Hen Khaw Thang ( Kansau )
5. Vai Za Deng ( Kansau )

( 2 ) 1908 kumin Sia Po Ku in Ordination a ngah ciangin a sangnaupangte lak
         ah hih a nuai a teng tuiphum hi.
1. Vial Nang
2. Hat Go
3. Tun En
4. Neng Gin
5. Vum Tuan
6. Vung Awn
7. En Khai
( 3 ) Sia Po Ku' sangah Pasian thu a zuilo sang naupangte:-
1. Vum Za Lang
2. Awn Thawng
3. Vum Go
4. Sian Lang
5. Bel Khaw Tuan
6. Suan Za Am
7. Thawng Za Gin
( 4 ) Kawllai tawm sin mana Zolai a sin sang naupangte:-
1. Hau Cin Pau
2. Lian Cin Thang
3. Kai Khaw Tuan
4. Gin Za Nang
5. Nok Za Hang
6. Nok Za langh
7. Kam Za Vungh
8. Lian Khaw Mang
9. Vial Khen Pau
10. Mang Cin Khup
11. Sel Za Thawng
12. Kam Ken Pau
13. Vungh Zen
14. Gin Za Mang
15. Go Mang
16. Vum Zam
17. Gul Suan
18. Aih Thang
19. Kam Cin Thang
20. Khup Za Nang
21. Kai Za Thang
22. Lian Khen Pau
23. Bel Khaw Thang
24. Kam Khaw Thang
25. Awn Khaw Hau
26. Vial Za Thang
27. Thang Za Khawm
28. Khup Khen Pau
29. Let Khaw Mang
30. Khup Za Tung
31. Zam Do
32. Thawng Cin
33. Khai Khup
34. Tel Za Gin
35. Gin Nang
36. Kam Ai

Sia Po Ku' Kawllai nitak sang pen 1909 kumin kumpi tan li sang hong suak hi.
Mandalay panin siapi ding Sia Maung Sein hong tung hi. Tonzang panin Tedim ah
Zato a kituah suk ciangin cinate lupna inn pen Pu Khup' lamsa ahih manin kinusia
hi. Tua zato inn pen Pu Khup in sang inn dingin siapi Maungsein tungah pia hi. Tua
inn pen khuamun lui cingzang a cihna ah a kilam hi a, 1929 kum teh tua laitak ah
sanginn mun kadaang ah kituah to zo pan hi.

1) St. JOSEPH' PRIVATE A/V MIDDLE SCHOOL:-
Ukpipa Pum Za Mang in Tonzang Sang leh zato hong honsak dingin RCM-te sam
ahih manin 1939 kumin Cathecist Sia Ba Maung leh Sia Htun Yin hong tung uh hi.
1940 kumin Rev. Fr. Moses leh Sia Aung Min hong tung leuleu uh a, Sia Bah
Maung Lailui ah, Sia Htun Yin Mualpi ah kipuak hi. Fr. Moses leh Sia Aung Min
Tonzang phualah om suak uh hi. Sang leh zato hon' ding pen Japan gal in hong lap
pah ahih manin Pasian thu gen loh ngal bangmah hong sem thei nai lo uh hi. Japan
gal ven 1945 kum teh ukpipa Pu Mang leh Mandalay Sayadaw thu ciamna omsa
mah bangin Rev. Fr. Moses in Private Sang khat hong phuan a, kum khatin tan
khat ta, tan sagih dong khan toto hi. Tua sang min pen St. Joseph's Private A/V
Middle School, Tonzang ci-in hong phuak hi. Hih sangah a nuaia teng in Sia sem
ngei uh hi.
1. Hau Cin Pau 
2. Aung Min
3. Tun Za Thang 
4. Pum Za Vung ( P.T. sia )
5. Mang Za Lian (matric a zawh khitteh )
 6. Kam Khaw Mang
( Mandalay St. Peter sangah a kah theih nadingin 1950-'51 sangkum kum khat
sung huh hi. )
Hih sangah tan sagih ciang kihilh tain 1952-'53 kum sung Rev. Fr. Moses makaihna
tawh hoih takin ding zo hi.

2) ABM PRIVATE A/V MIDDLE SCHOOL:-
1948 kum ciangin hausa Sia Vial Nang makaihna tawh Tonzang, Tuitum, Tungtuang
hih khua thumteng kipawlin ABM Private A/V Middle School khat hon ding vai
hawm uh hi. Vaihawm upa teng:-
1. Sia Vial Nang 
2. Sia Thawng Khawm Nang
3. Sia Thang Cin Kham 
4. U Khup Za Nang
5. U Son Tual 
6. U Go Khan Pau

Sang honcil kumin inn kinei nailo ahih manin Tonzang Tuiphum Biakinn Suang-
san inn kizangh phot hi. A kumkik caingin kadaang sang khang, tu laitaka
basket ball Court ah bi-inn khat kilamin a sual lei tak, cipeeka ki-um, a tung
bi kikhuh nuai ah lai kisin hi. Sang hon tunga sang kah sang naupangte:-
1. Tun Khaw Nang 2. Go Khaw Thang
3. Gin En Cin 4. Vung Khaw Thawng
5. Thang Khan Suan 6. Thawng Suan Thang
7. Tuan Khan Dal 8. Cin Min Thang
9. Laang Khan Suan 10. Thual Khan Pau
11. Gin Za Khen 12. Hau Khan Pau
13. On Khan Pau 14. Kham Za Cin
15. Pau Cin Thang
Hih sangah a nuaia-teng in Sia sem ngei hi.
1. Khaam Za Thang ( Tonzang )
 2. Zam Do ( Kawllai sia-Tonzang)
3. Ngul Khaw Thang ( Tonzang )
4. Cin Khaw Hau ( Mualkawi )
5. Gin Za Dal ( Tungtuang )
6. Dam Za En ( Tonzang )
7. Vial Kham ( Nahnuai )
Hih sangah tan sagih ciang mah kihilh a, 1952-1953 sangkum dong vaihawm
upate hawm siamna tawh hoih takin ding zo hi.

3. KUMPI TAN SAGIH SANG NGAH NADING HANCIAMNA:-
Private sang pen sang naupangte adingin haksa lua ahih manin biakna min kihel
lo Private Middle A/V School khat kiphuan leh Kumpi in hong labaih zaw ding
cih kiphawk ahih manin, ABM sang board-te leh RCM sang boardte Fr.Moses
innah 10/2/1952 ni-in thu kikupna nei leuleu uh a, sang tegel gawmin Taangpi
Private Tan Sagih sang khat phuat dng thu kimna kikipsak hi.

23/2/1952 ni-in Private A/V Middle School Sia ding a nuaia bangin kiseh hi.
1. Mang Za Lian Siapi Khasum Ks. 150/
2. Kam Khaw Mang Sianeu Ks. 120/
3. Aung Min Sianeu Ks. 70/

Taangpi tan sagih sang thu vaihawm dingin sang board a nuaia bangin kiseh hi.
Vung Za Kham President
Rev. Thawng Khaw Nang Secretary
Rev. Fr. Moses Treasurer
Rev. Vial Nang Member
AungMin Member
Thang Cin Kham Member
Khup Za Nang Member

1952-1953 kum St. Joseph sang inn mah thu kimna omsa bangin kizang phot hi.
1953-1954 kum ciangin, Zolai Tanli sang geiah sang innthak khat kilam a,
St. Joseph sang tutphah sabuaite kikawm phot hi.

Mang Za Lian leh Thang Do Pau-te 1953 April kha sungin nasep zongding, muh
kei leh galkap tumpah ding cih ngimna tawh Maymyo ah Bo Gen Za Thangte
kiang ah zin suk uh hi.

Tualai takin Phaitu khua-ah zong Private Middle School khat kihong hi. Tonzang
ah tua kum Sang Sia ding ngadong a bat keei lai takun innpi kongah lai khat
kisuang a, " Tonzangte aw, no sang na hon zawh kei ding uh leh Phaitu ah koih
un Kawlbuh an kong vak ding uh a, bawngbi khat leh song kholh khat zong kong
guan lai ding uh hi. " a kicih sawnsawn ciangin Tonzang hausa upate lungkham
mahmah uh a,Maymyo ah Bo Gen Za Thang sikkhau sat uh hi. Lianbawi leh Pauta
peuhmah hong ciahsak in la, tukum i sang hong honkhiat kei uh leh, i khua a bei
hiau ding hi a cih uh teh, Bo Gen Za Thang in thu tampi tak genpihin a
zingteh Mandalay ah khasukin, vanleng letmat leisak mawk a, khua lamah ciahto
sak hi.

Mang Za Lian pen 1951 kumin tan sawm a zosa hi. 1953 kumin Tonzang pan
Thang Do Pau, Sian Za Kham, Sian Lian Pau amau teng thum in tansawm phi
uh hi. Lian Bawi leh Pauta a tun ni uh a zing ciangin Sangboard upa U Vung
Za Kham' innah, hih tangval li-te samin meeting bawl uh hi. Tua lai takah U Sian
Lian Pau in, ka kia-a ka vuanzo zongin pel loin sang zop dingin tuat ing, a cih teh
kimap hi. U Sian Za Kham in zong, ka lai ka zawh leh, ka ute in College zop
ding hong gen uh hi, a cih ciangin kimap leuleu hi. Tua ciangin Mang Za Lian leh
Thang Do Pau pen sep loh theih loh, ana-in cial uh a, Mang Za Lian pen Siapi
dingin kha sum 200/-, Thang Do Pau pen sianeu-in khasum 150/- tawh semsak
uh hi. Laivuanna a kitel ciangin Thang Do Pau in zong vuan zo a, tua kum Tonzang
sangah tansawm zosa sia nih in a sem kha suak hi.

1953-'54 Sangkum lianin Tedim gamah tan sagih sangkhat leh Zolai tan 4 sang 4
sanction thak kingah hi. Tedim gam Pyidawtha Meeting na bawl pah unla, sang
koihna ding na seh khit uh ciangin, sikkhau hong sat sukkik pah un, cih thu Zo
Vuanzi zum pan thu tung hi cih a kizak sawnsawn ciangin Tedim gamah, Tonzang
sang pen, sia lah muan huai pen sangnaupang lah tam, pelh lo kingah ding hi, ci-in
a kua mapeuh kilawp mahmah hi.

Tedim ah, 1.7.1953 ni-in Pyidawtha meeting sam pah uh a, a nuai-ateng kah uh hi.
1. U Bah Chit. S .T . O ( Chairman & Secretary )
2. H.L Neng Khen Thang Dy. I . S .
3. Dr. Hau Za Cin Pau Medical Officer
4. U Tuan Khaw Kham A.P.R.O
5. U Khuang Zal P.S.O
6. U Ngul Zam P.H.I
7. U Pum Khaw Gin No. 1 Circle Chairman
8. U Mang Cin Khup No. 2 Circle Chairman
9. U Lian Khaw Mang No. 3 Circle Chairman
10. ( ) No. 4 Circle Chairman
11. U Thang Za Kam No. 5 Circle Chairman
12. U Khai Gen No. 6 Circle Chairman
13. U Vial Za Thang No. 7 Circle Chairman
14. U Dam Kam No. 8 Circle Chairman
15. U Kam Za En No. 9 Circle Chairman
16. U Thuam Za Mang No. 10 Circle Chariman
17. U Ngim Do Thang No. 11 Circle Chairman
18. U Mang Khaw Thang No. 12 Circle Chairman
19. U Thang Suak No. 13 Circle Chairman
20. U Bah Ohn I.S.Falam

Pyidawtha Meeting ah Middle School koih nading hih khuateng kipulak hi.
Khua Pulak
1. Phaitu Lian Khaw Mang
2. Tuimui Dam Kam
3. Vangteh Ngim Do Thang
4. Dolluang Thang Suak
5. Mualbem Thuam Za Mang
6. Tuithang Khai Gen
7. Tonzang Bo Pau Za Gin
8. Phunom Ngim Do Thang
9. Ciingpikot Thang Suak

A tunga khuateng lakah Tonzang ah koih tak pen hi ci-in I.S.U Bah Ohn in a gen
teh kumpi nasemteng leh Circle Chairman 4 bek in thukimpih hi. A dangteng in
Dolluanga koih ding thukim uh hi.

Tonzang thukim a vote pia teng:--
1. U Bah Chit S.T.O
2. HL. Neng Khen Thang Dy I.S
3. Hau Za Cin Pau M.O
4. U Tuan Khaw Kham APRO
5. U Pum Khaw Gin No. 1 Circle Chairman
6. U Dam Kam No. 2 Circle Chairman
7. U Thang Za Kam No. 5 Cricle Chairman
8. U Khai Gen No. 6 Circle Chairman

Dolluang thukim a, vote piateng;-
1. U Thang Suak No. 13 Circle Chairman
2. U Ngim Do Thang No. 11 Circle Chairman
3. U Thuam Za Mang No. 10 Circle Chairman
4. U Kam Za En No. 9 Circle Chairman
5. U Mang Khaw Thang No. 12 Circle Chariman
6. U Lian Khaw Mang No. 3 Circle Chairman
7. U Mang Cin Khup No. 2 Circle Chairman
8. U Khuag Zal P.S.O
9. U Ngul Zam P.H.I
10. U Vial Za Thang No. 7 Circle Chairman

Tonzang in vote nihin a lelh ciangin Yangon Zo zumpite khensat dingin a
nuai-a bangin sikkhau satkik uh hi.

COPY OF MESSAGE NO.1629/2A (B), DATED THE 2ND JULY
1953 FROM THE SUBDIVISIONAL OFFICER, TIDDIM TO CHIN
MINISTER, RANGOON.
NO. 1629/2A (B) ( . ) YOUR SIGNAL NO.119/KHASA DATED
18-6-53 REFERS STOP SUBDIVISION ATTENDED BY EIGHTEEN
MEMBER OUT OF TWENTY FOUR MEMBERS STOP. SELECTION OF
SITE FOR MIDDLE SCHOOL REMAIN UNDECIDED DUE TO TWO
SECTIONS HOLDING DIFFERENT OPINIONS STOP. CONTESTING
SCHOOLS AT DOLLUANG AND TONZANG SUPPORTED BY TEN
AND EIGHT MEMBERS RESPECTIVELY STOP SUBDIVISIONAL
PYIDAWTHA RESOLVED SUBMIT MATTER TO CHINMIN FOR
DECISION STOP SCHOOL ADVISED SELECTION OF TONZANG
BUT AGREEMENT NOT REACHED STOP RESOLUTION OF
MEETING WILL FOLLOW EARLIEST AND SCHOOLS SUBMIT
DETAILED REPORT FOR MINISTER'S DECISION IN THE MATTER
STOP REPORT CHINCOM AND DECOM FALAM STOP

Tua a sikkhau sat mah bangin Zo vuanzi zum panin zong Tonzang mah
kilawm pen cih thu kimna om hi napi, Zo vuanzi pa Tedim hong pai toh ciangin,
a siau ngei lo Gamngai hong pia hiau mawk hi. Tonzang inn lah ngah lo, Dolluang
in lah ngah lo hi.

4. KUMPI TAN SAGIH SANG NGAHNA
Zo vuanzipa U Shein Thang in Gammgai a piak thu a kizak ciangin, Tedima
tengTonzang miteng khasia lua uh ahih manin, sum kidongin, hih thu Yangon ah
Ayukhansuk hamtang dingin hoihsa uh hi. Tonzangah Pa Cin Nang hong sawl
to uh a, amau kidon sum Ks.400/- hong puakto sak hi. Tua tak ciangin
Tonzang, Tuitum, Tungtuang panin tangpi tangtate sang innah kamkupna kinei
pah a, pen sion nete in a kha khat sum, tua lo meigong tagah dongin inn khat
Ks. 10/- dong ding, tua banah a kisap lai leh zong tu kum khuado loin khuado'
zu khuado sateng sum suahin Yangon ah hih thu Ayukhansak ni, ci'n tha khatin
kithukim pah hi. Yangon pai dingin Pu Vung Za Kham- Tonzang, U Son Tual-
Tungtuang, U Sian Za En - Tonzang, kusale mi thum telkhiain kiseh pah a,
Tedimte hong puak Ks.400/- leh tuitum khua U Thual Za Khan' aa Ks.400/-
kileitawi in kikuansuk pah hi. Tuitum pan a kileitawi pen sum kidong pahin ki
loh kik hi.

Kusale thumte Tedim a tunsuk ciangun, Circle Chairman teng Pyidawtha
meeting a neih lai tak uh tawh kituak kha ahih manin Pa Lam Za Hangte inn ah,
vok tukli khat tawh an kinekpih in, " Sang ka ngah lohna thu uh Zangkongah va
gen suk ding hi ungh, " ci-in hangsan takin genkhia pah uh hi. Tua khit ciangin
Kusale thumteng Yangon pai suak uh a, Pu Thawng Cin Thangte omna 30
Cheape Road ah zin tung uh hi. Tua laiah annek tuidawn, tutna khawlna, thu
gen vaihawmna, lung hihmawh om loin sang ngah khiat dong va taamden uh
hi. Tangpi tangtate Pu Thawng Cin Thang tungah bangzah takin kilungdam
cih pen kigen zolo hi.

I theih tek mah bangin vuanzi khat khensatsa thu va taw-phel ding cih
pen a baih het lo hi. Kusale thumteng zong a kisai vuanzi zum tengah a va
dak kawikawi uh hangin deih bangin piang semsem tuaklo hi. Yangon tun
zawh zong a ni a kha hong kicing ta ahih manin lung kham mahmah uh hi.
Tua bangin ai-am khua ngai-a, a om laitak un Pu Thawng Cin Thang pan
pihna leh vanpihna mah tawh Kayate ading, Middle School sanction kipia
nailo khat, ' Na Zo vuanzi ii thukim pihna nong ngah zawh uh leh tua
sanction pen no, Tonzang dingin beel hei-in hei mai ni ' cih thu va phu
khia zo ngawngaw uh hi.

Kusale thumte zong tha ngah mahmah uh a, ahih theih tawpun a vaan
kawikawi uh leh Zo vuanzipa U Shein Thang inzong hong thu kimpih ta hi. Tua
hun laitaka sum kum zui-in " 1.9.1953 ni-a kipanin, Tonzang in Middle School
sanction ngah hi" cih thu pilna lam vuanzi zum panin va kal khia zo takpi uh hi.
Pilna lam vuanzi zum pan Zo vuanzi zumah, Tedim gam Tonzang khua ah
Middle School sanction khat kipia hi, cih thu Zo zum pan Kusale-te' tangin
hih bangin sang ngahna thu sikkhau hong sat uh hi.

233 AA 51 DATED THE 29TH SEPTEMBER 53 STOP FROM
REPRESENTATIVES TONZANG EDUCATION BOARD CAMP
RANGOON FOR HEAD SCHOOL TONZANG STOP SANCTION
BEING ISSUED FOR OPENING MIDDLE SCHOOL AT TONZANG
STOP INFORM EVERY STUDENT AND BOARD MEMBERS STOP,
SD/-------------------------------CHINMIN
( R.WUN YIN )
FOR SECRETARY,
MINISTRY OF CHIN AFFAIRS.
DATED THE 29TH SEPTEMBER 1953.
MH.29/9/1953. ( TRUE COPY )

Tan sagih Sang piakna laipi hong ngah uh ciangin tua hun lai Tan Sagih
Sang dangte tawh kibang loin, Tan Sagih ( Scale250-15-325 ) ,munkhat,
manglai Sianeu ( Scale 110-10-200 ) mun nih, Zolai Sianeu ( Scale 75-5-110 )
mun li leh Piada ( Scale 40-1-50 ) mun khat, tua banah sanga zat ding Murphy
Radio khat tawh hong ngah khia uh hi.

Kusale-te Yangon pan hong ciah ciangun, 2nd Chinte' omna Nyaunglebin-
ah hong baang uh a, tualai tak a Bo Neng Za Suan, Bo En Cin Kham, Bo Suan
Khan Thang leh hong lungdampih teng in zu lupin sa na gawh uh a, sanga zat ding
sheildpi khat na guan lai uh hi. Lungdam kipak takin hong ding khiakik uh a,
Mandalay, Maymyo, Lashio dong va baang kawikawi uh hi. A tunna peuhpeuh
vuah zulup leh annekpih ngen ngah uh hi. Kawlpi ah zong tua bangmah in na ki
bawl, tua pan Tedim, Tedim panin Bo Pau Za Gin, Pa Lam Za Hang, Bo Khai
Za Kham, Pa Cin Nang-te makai-in ahi thei zah tawh hong ciah uh hi.

Tonzang hong tun' ni ciangun, Saimual ah kongpi bawlin, Tonzang, Tuitum,
Tungtuang pan taangpi, taangta, nupi papi, sangnaupang a neu a lian, mi a kita
lo phialin kidawn hi. Saimat vaitun mah bangin haanla kisa, thau kilawn, zu leh
niangtui tawh kidawnin, khuang leh sialki, daktal zam phit kitumin lam sain
Tonzang innpi kitung hi. A gen peuhpeuh in Tonzang khua a kisat zawh nuam
na, saimat vaitun khua a kisaat zawh nuamna, saimat vaitun tam mahmah napi
hi zaha mi khempeuh gualnuam, maitai lasa a, a ki-ot ziahziah pen Tonzang ading
in lungdampen ni khat hi ding hi ci-in kiciamteh hi.

5. SANGINN THAK LAMNA
Sang kingah khit ciangin, Kumpi in lah Sanginn thak hong lamsak pak zolo
ahih manin bi inn nuai mahah lai kisim den hi. 1961 kitel hun ciangin, Tonzang hausa
dingin S.P Sian Lian Pau, Kawlpi B.O.C nasem kimlai kikal khia teitei-in mee
kuang kiluisakin hong ngah hi. A nuai-a upa vaihawm dingin U Khen Za Mung
( Hatzaw) , U Khup Za Nang ( Bawmkhai ), U Khup Za Lal ( Hautual ), U
Ngun En ( Tawmbing ), U Tuan Kham ( Manlun )-te'n kitelna ngah kim uh hi.
Tuitum panin U Tun Kaw Pau, Tungtuang panin U Lalsuante in hausa hong ngah
uh hi. Tua banah, Circle Chairman kitelna ah Zo khua giat leh Sim khua bek lak
pan in, No. 2 Circle Chairman hong kahto lai hi.

Tua bang a, khuakim hausate hi ta leh, a nuaia vaihawm pih upate tawh
hi ta leh, thu kihual takin na hong sepkhop laitakin, Sang innpi thak khat lam khia
ding hong vaihawm uh hi. Kitha lawp ciat mahmah a, Rev Thawng Khaw Nang
in sanginn lim a kipan a bei ding sing lists khempeuh tuatin sikkang, zavui, siktukilh
dongin a tuat si-in Saizang khua lettamapi USuah Vum leh a pawlteng kicialin sang
khak sung April-may kha sungin zo siang uh hi. Tua lai taka Siapi pen H.L Neng
Khan Thang hi a, mah'n zong lamdang sain a hawm a gente phat mahmah hi.

Tua banah Tonzang lettama te Sia inn 2 leh anbuk Bawda inn leh an buk
kilam sak a, sangkhak sung mahin kizo siang hi. Siate leh bawdate zat ding Sia
Vial Nang tuinak kingenin siktuizawl tawh kila a, tuikuang bawlin tuateng tha
khat thuin kizo hi. Sang innpi pen 100'x35', a meng 25'x25' that nih hi a, tu
dong mah kizang lai hi.

( NB: Hih pen Tan Lai Sang Ngah Kum 50 Cin Phawkna Magazine [1953-2003],
laimai 79-88 pan kila hi.)

0 coment�rios:

Post a Comment