ZEISU FILM ZOKAM TAWH KIBAWL DING

 

 

Dear All,

Zeisu' tangthu Flim a kibawlsan laitak ahi hi. Dr.S.Dal Sian Pau (G/S.AZOLLS, CCPur) hanciamna leh Campus Crusade for Christ (India) te' sponsor sepna tawh a kivaihawm ahi hi. Hih DVD pen zuak hi lo ding a, free a hawmkhiat ding ahi hi.

May 23, 2016 (Monday) ni-in Pasian' tung apna leh Audio tawh record bawl nading vai honpawi kibawl hi. Amun pen Chin Taungthann Hotel, Kalaymyo hi.

Hih tawh kisai a mapangpi diak ahi, Mikangte nupa kopkhat (Philippines) a nasem te geel leh Dr.DSPau in hing makaih a, CCC pan a hong pai makaipipa pen hong tung thei nai lo deuh hi.

Honpawi ah hun-ap thungen, Revd Thawng Do Thang (Superintendent, Kalay No.2 Section),  Apna pen Revd Hau Go Kham (Emm.BC), leh Thuphapiakna, Revd Mang Suan Khup (President, ZCLS) in hing neihsak hi. Awkhum ding a kioan mi honpi khat kihel thei pah a, tu sungteng a thapaai keei tek uh ahi hi.

Lungkimhuai tak a hing mualsuah khiat theihna dinguh thungetna leh ngaihsut hoih piakna tawh panpihciat ni.

Peter Khampu.

zonet.

Read More

Zomi E-Mail Zang Kitawm Deuhdeuh Ta Hiam?

Dear Zomi,

Email zang kitawm tetek hi leh kilawm sa ing. Bang hang ai tam maw?

Viber leh Face Book a ki limzat zawh hipha diak hi. Mun dang a om Zomi 2/3 ka dot leh Email pen khitmi nawn lo, ka zat loh sawt ta. ci'n hong dawng uh a. a dangdang zong om tham dingin ka sansat thei pah hi.  Ih Zomi group mail te en leng zong thu thak tawm mahmah ta, nidang a laigelh gelh te zong hong kidawk nawn pha lo mawk uh hi.  Hibang teng ka khinkhai ciangin Ken hici muh ing.

Tom gen leng:-

Website, Email leh Phone te pen vai thupi leh kizopnate ah kilimzat pen a, Fb leh Viber te pen mimal ciang hi zawdeuhin ka mu hi.

A diakdiakin Viber bang pen mi khat in thu tatak a gen sung mahin a dang ten amau suahsak nop thudang khat hong kalhelh zel uh a, thu kizom dimdiam thei tak lo ahi hi.

Read More

KAWLZANG AH LUNGDAM BAWL MUAK DAN A TUAMTUAM ( 2015 )

Dear Akuamapeuh,

Christmas hunnuam a zang thei ciat dingin i kideihbawl hi. Kalaymyo
huamsung Lungdambawl leh carol singing pawlkhat i kihawmsawn nuam hi.
 
1. Zanvakna, Carol Singing zatdan a tuamtuam:-
Kalaymyo khuasungah zanvah thupha puakna kumsimin kinei ciat hi.
Pawlpi zui in a tamzawte in nitak/ zanvah thupha puakna in zang uh a,
letsong a hawm zong om uh hi. Palkhatte in zingsang leh sun hunin Sia
le Upate in innkim ah thungetsakna in a nei zong om hi.
Thuphapuakna, thungetsaknate ah pawlpi honkhat pen a ngeina danin vaak
uh a, khangno thungen thei tumteeng lopi khawng kihelsak a, a zang
zong honkhat ki om. Tuabang kawmkal ah Berean EBC te in a Pastor te
uh tawh vaak ngait uh a, limtakin thu a ngetsak tak ciangin veeng le
paam pawlpi dangte in zong thangah uh a, samtek uh cih thuthang om hi.
Tua pn a Sia Thang uh cih kign. I ngah khin pah tuan kei zongin
kumkhat sung i ngak ahi, thu hong kingetsaknate ah kiciantak a thu
hong kingetsak mah lunggulh pen ung, cih pen mi tampite' lunggulh thu
ahih manin mailam ah ngaihsut huai pawl om tuak cih i kitheisak nuam
hi. (Pastor tangzang deuhte bang in zui le uh kilunggulh dan hihtuak).
 
2. Lungdambawl a late:-

Read More