DAHNA PULAKNA : MANGPHA TG.KHAM SUAN MANG ( Hatlang beh ) KUM 56

Zomi Innkuan USA, Inc.

Executive Committee

Date December 16, 2016

Dahna Pulakna : Mangpha Tg. Kham Suan Mang (Hatlang beh) kum 56

USA gam, Indiana State, Indianapolis khuapi ateng Tg. Kham Suan Mang Kum 56 (Hatlang beh) in abeisa December 11, 2016 ni 11:30AM hunin Indianapolis khuapi sunga Zato khat ahi St. francis Zatopi panin Lungtang sihui damlohna hangtawh mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.

Tg. Kham Mang pen Zogam, Tonzang uksung, Mualkawi Khuami Hatlang beh Pa Kai Za Khen (Late) leh Pi Vung Za Cing (Late) ten Ta 10 naneihna lakah amahpen a 6 na ahihi. Nuntakhuasakna anuamzawding lunggulhna tawh abeisa 2007 kumin USA  ongtung ahihi.

Tg. Kham Mang pen USA leitang tunga ongnusia Zomi khat ahihnatawh kizui-in Zomi sungah unau sanggam khat, sihkhat sakhat hihna hanga lainatpihna lahna in Zomi Innkuan USA kipawlna in Paakkual khattawh Mangpha khakna kinei ding hi.

I it mahmah Tg. Kham Mang tawh a nunungpen hunzatkhopding pen ongtungding December 18, 2016 (Sunday) ni-in Singleton Mortuary Funeral Home, 7602 Madison Ave, Indianapolis, IN 46227 ah 10:00AM ~ 11:00AM kikal hunsungin luang etnahun/ Visiting hun hidinga 11:00AM ~ 12:30PM kikalsungin tuamun mahah Zomi SDA Church of Indianapolis te makaihna tawh a nunungpen hehnep hunbawlna kineidinga tua khitciangin Mount Pleasant Cemetery, 734 N. Morgantown Rd, Greenwood, IN 46142 ah vuina daitansakna kinei tosuak ding hi.

I it mahmah Tg. Mang Mang ongnusiatna hanga adah akap, alunglengkhuangai pianpih sanggam laizomteng, khuapihtuipih tanaumeltheih akuamapeuh tungah ibiak Vanglian Pasian khasiangthoin ong hehnepsak henla aluang khituite ong nulsakin, lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.

Dahpihna lianpitawh,

Executive Committee

Zomi Innkuan USA, Inc.

December 16, 2016

Read More

MAANGPHA PA.MANG VUM , KUM 40 ( Tongseal Beh )

Zomi Innkuan USA, Inc.

Executive Committee

Date: November 17, 2016

Dahna Pulakna : Mangpha Pa Maang Vuum kum 40, (Tongseal beh)

USA gam, Texas State, Houston khuapi ateng Pa Maang Vuum Kum 40 (Tongseal beh) in abeisa November 15, 2016 ni zingsanglam nai 8:30 AM hunin atenna Houston khuapi panin mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.

Pa Maang Vuum pen Zogam, Tedim uksung, Khuasak khuami, Kawlpi/Munlai a teng ahihi. a it mahmah a zi  Nu Cherry Lun leh a tano khat tawh nuntakhuasakna anuamzawding lunggulhna tawh abeisa 2010 kumin USA, ongtung uh ahihi.

Pa Maang Vuum te innkuanpen Houston khuapi bulphuh Zomite kipawlkhopna Zomi Innkuan Houston ah  pawlmi kiciankhat leh USA gambup Zomite sihnavaiah luangkiphamnadinga kiphuankhia ZIUSA Genvai kipawlnaah Active member khat ahihna uhtawh kizui-in  ZIUSA Genvai thukhun ombangin Pa Maang Vuum pen Zomi Innkuan USA kipawlna in USD 10,000.00 (Tulsawm) luangphamnadingin kipiakhiadinga Paakkual khattawhzong Mangphakhakna kinei dinghi.  Hih akipiakkhiat luangphamna sumtepen USA gamsung muntuamtuampana ZIUSA Genvai thukhunpom pawlmi 8,284 tekiangpana ongkhakkhop uh sumte ahihmanin Vaphual lungtang neia ZIUSA Genvai ah ma ongpangkhawm Zomipih khempeuhtungah idahna ilunglenna kawmkalpanin lungdamna lianpi iko hi.

I it mahmah Pa Maang Vuum tawh a nunungpen hunzatkhopding pen ongtungding November 19, 2016 (Saturday) ni 1:00 ~ 1:30 PM hunin Unity Funeral Home, LLC. 7730 Bone Rd, Houston, TX 77072 luangetna/ Visiting hun hiding tuamunmahah 1:30 ~ 4:00 PM kikal Greater Houston Burmese Christian Fellowship (GHBCF) Pawlpite makaihna tawh Rev. Thawng Kho Lun in a nunungpen hehnep hunbawlna ong neihpihding hi. tuakhitciangin Woodlawn Funeral Home & Cemetery, 1101 Antoine Dr, Houston, TX, 77055 hanmualah daitansakna/Vuina kineidinghi.

I it mahmah Pa Vuum ongnusiatna hanga adah akap, alunglengkhuangai pianpih sanggam laizomteng leh khuapihtuipih tanaumeltheih akuamapeuh adiakin a nusiat a itmahmah azi Nu Cherry Lun leh a tano te tungah Meigong tagahte a nusia ngeilo, a maute pasal/Pa dinmun ah a pangden ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.

Dahpihna lianpitawh,

Executive Committee

Zomi Innkuan USA, Inc.

November 17, 2016

Read More

ZOMI KHAWMPI 2016 ( Videos ) #Zomikhawmpi2016

Original video link>>>click here

Read More

FORMER ORU PROFESSOR HELPED HIS NATIVE MYANMAR

Posted on:Wednesday,Oct 16,2013 

By Tim Stanley( Tulsa World Staff Writer )  

Chin Do Kham could read it in their eyes.

It was the same fear and apprehension that once, he could well-imagine, had been visible in his own.

"They are trying to adapt. They have an identity crisis. They are searching," Kham told the Tulsa World in 2009 while

Read More

PU THANG BAWI LE ZIT HOLIM NA!

Read More

US OM ZOMITE' KHUADO NI DING KI KHENSAT TA - ZIUSA

Zomi Innkuan USA
Executive Committee

Thupulakna: March 17, 2015
US gam sung a Zomi-te Khuado Ni
October kha Kaal Nihna Saturday

Zomi Innkuan USA kipawlna Board of Directors pawl in February 7, 2015 ni in, 2014~2015 kum a nih veina Thukikupna lawhcing takin bawl a, tua Thukikupna sung ah United States gam sung a om Zomi khempeuh in Khuado Ni khat kipsak in dokhop dingin thukhensatna kibawl hi. Hih Thukhensatna tung tawn in, bang ni pen Khuado Ni in kipsak ding cih thu Executive Committee pawlin a thu a la tawh khinkhai in kikan a, anuai a ni thum teng kiteelkhia hi.

ZIUSA EC in ateel Khuado Nite:
1. September kha Kaal Nunung Saturday
2. October kha Kaal Masa Saturday
3. October kha Kaal Nihna Saturday

ZIUSA Board in March 10~14, 2015 ni sung tengin Online Voting System zangin, a tung a ni thum sung pan bang ni pen US gam sung a Zomi-te Khuado Ni dingin kipsak ding cih thu tawh kisai Vote khaina kibawl hi. Tua Vote khaina tungtawn anuai a bangin ZIUSA Board Member-te in Vote khia uhhi.

ZIUSA Board Vote khaina:
1. September kha Kaal Nunung Saturday : 11%
2. October kha Kaal Masa Saturday : 24%
3. October kha Kaal Nihna Saturday : 65%

Tua ahih manin, kumsim October kha Kaal Nihna Saturday ni pen US gam sung a Zomi-te Khuado Ni dingin ZIUSA Board Member atamzaw thukimna tawh kikipsak hi.
US gam sung mun tuamtuam a om Zomi khempeuh in minam khat, si khat sa khat, sanggam unau laizom khat hihna tawh kipumkhat in, October kha Kaal Nihna Saturday ni ni Khuado bawl ding (Khua do ding) in hong kihanthawn hi. Tu kum, 2015 kum Khuado Ni pen October 10 ni hiding hi.

ZIUSA Board of Directors pawl pen US gam sung a om Zomi Innkuan kipawlna (42) panin akipuak Tangmite (Representatives) leh ZIUSA Executive Committee panmunlente tawh a kilam hi a, US gambup a om Zomi taangpi taangta buppi sung pan mipi 80% tang’in a ding ahi hi. ZIUSA kipawlna Thukhunpi leh Ngeina Dante tawh kituak in ZIUSA kipawlna tawh kisai thuneihna asang pen anei ahih manin, ZIUSA Board thukhensatna bangin kithutuak takin kalsuan khawmni ci in itna takpi tawh hong kizawn hi.

Executive Committee
Zomi Innkuan USA, Inc.
Tulsa, OK
March 17, 2015

Read More

UN WOMEN CONFERENCE ( NY ) AH ZOMI NUMEI MAKAI PAWLKHAT KIHEL! ( CSW59)

Leitungbup Numei Makaite Khawmpi khat ahi
CSW59/Beijing+20 (2015) kici
The fifty-ninth session of the Commission on the Status of Women
Khawmpi ah Zomi min tawh ZIUSA kipawlna Tangmi,
Zomi Numei Makai (7) kah thei hi.
March 8 ni in New York khuapi a kibawl
International Women's Day Parade
ah Zomi Numei Makaite thalawptak in kuan zo uhhi.
Tu ni, March 9 ni in, Khawmpi Hon'pawi ah
picing takin kah zo uhhi.
March 10 & 11 ni sung tengin Khawmpi hun sung a
Thulu tuamtuam tawh Thukikupnate ah
Makaite kikhen in kah ding uh a,
Zomi min leh ZIUSA (Consultative Status) tang'in
thu leh late suakta takin kuppih thei, thu sung thei ding uhhi.
Kawl gam sung ah Numeite in liangko kikim in thuneihna angah ding genloh, netniamna bawlsiatna nasia takin kithuak ahihna,
Zogam ah thautawi gamnuai/gamtung mipawl tuamtuamte
(Kawl galkapte, CNF galkapte, Meitei galkapte) in
Numeite a bawlsiatna thu, Kachin Siamate thu cihte
pulakna leh UN Zumpite ah Press Statement
hawmkhiatna nei ding uhhi.
Khawmpi akah Zomi Numei Makaite thungetna tawh thapia ni.
Hunlem a om ciang, akilawm bangin panpihna puak ni.
ZIUSA EC

vei pan tak:
Siama Ningpi Gualnam, Siama Ciin Vung
Dr. Dim San Nuam, Siama Man Cing
Siama Don Ngaih Lian, Siama Ngai Zen Cing)

Src:ZIUSA FB PAGE!
www.facebook.com/ZomiCommunityUSA

Read More

#ZOMI KHAWM PI USA 2014 NITAK MASA NI

Read More