Zomi E-Mail Zang Kitawm Deuhdeuh Ta Hiam?

Dear Zomi,

Email zang kitawm tetek hi leh kilawm sa ing. Bang hang ai tam maw?

Viber leh Face Book a ki limzat zawh hipha diak hi. Mun dang a om Zomi 2/3 ka dot leh Email pen khitmi nawn lo, ka zat loh sawt ta. ci'n hong dawng uh a. a dangdang zong om tham dingin ka sansat thei pah hi.  Ih Zomi group mail te en leng zong thu thak tawm mahmah ta, nidang a laigelh gelh te zong hong kidawk nawn pha lo mawk uh hi.  Hibang teng ka khinkhai ciangin Ken hici muh ing.

Tom gen leng:-

Website, Email leh Phone te pen vai thupi leh kizopnate ah kilimzat pen a, Fb leh Viber te pen mimal ciang hi zawdeuhin ka mu hi.

A diakdiakin Viber bang pen mi khat in thu tatak a gen sung mahin a dang ten amau suahsak nop thudang khat hong kalhelh zel uh a, thu kizom dimdiam thei tak lo ahi hi.



Email hi leh tua bang dan hi lo in a thu-lu tungtawn a kikup ahi hi, cihte pawl...etc...

1.  FB pen a taangpi thu a ka muhna:-

Mi a tamzaw leh a diakdiakin khangno khempeuh phial in,  "Like leh comment"  piak ding lunggulh pen uh hi.  A picing leh nasep lian a nei zawdeuh pawlkhat in bel Advertise na, report na danin zong zang uh a, mannei mahmah hi.

Tuaban ah FB ah lim, Photo a khahte in zong a thu a la tawmlai beek gelh le uh hoih kasa hi. A maan bek i muh hangin like kipia thei ta leh  comment kipia thei kim khin lo ahi hi,  cihte phawkhuai. (Kei bel akua ma like piak leh comment te' tungah ka kinga kei a, a hunlap tak a thuthak a thei nuam ka hi hi).

2.  Viber leuleu pen  a zat nuam mahmah. Ahizongin thu kikhah khat pen Heading/Topic tungtawn a kikup zom theih diamdiam om thei khin pha lo a,  gelhsuk bialbual ahih manin a paidan khat hong tuampian zel ahi hi.

Gennopna thupi:- 

A dangdang teng i zat bangin E-Mail pen pampaih kei le'ng hoih sa ing. Thupi taktak te tuatak ah a kicianin kimu khia kim thei pen hi, cih keima muhna ahi hi. Zomi Email group mah zong nomau muntek pan hong hanciam toto lai un,  cih hong vaikhak nuam hi ing.  Lungdam. 

Keima Address:-

Email:  peterkhampu@zomi.net  &peterkhampu69@gmail.com
Viber Ph: 09-400534887
FB:       Peter Khampu

March o6,2016