"Lungtup Star"cih thulu tawh Lasak kidemna omding
#CS Mung
#CS Mung
Hongtung ding Kumthak, April 2017 sung in Pastor Kamseen makaih natawh Zogam Tedim khuapi leh Tedim gamhuam Pangsak khua te ah lasak kidemna omding cihthu kiza hi.
"Ka Lasak zawh kum 20 cinna Topa tung ah Lungdam ka kohna in abei teng khempeuh keima vaihawm hi, ahi zong in sum bel nei het keng" ci-in hih lasak kidemna avai hawm pi Pastor Kamseen in gen hi.
Hih Lasak kidemna pen khenpi 3 in kikhen aa Audition Level pen April 1, 2017 ni-in Tedim CMBC Biakinn ah, Level 1 pen April 2 ni-in Tedim CMBC Biakinn leh Level 2 (Final) pen May 6 ni-in Zogam Tedim Gam huam Pangsak khua ah neiding cihthu kiza hi.
Hihdan Lasak kidemna abawlna ngim na in " Zomi te sung ah Lasa mikhat ka hihding pen kaneu tung aa kipan ka lungtup hi, tun La kasak zawg kum 20 cingta in ka Lungtup hong tangtung ta, ahi zong hih kum 20 sung in La lam ah kapat tah, ka laptoh mi om nailo ahih man'n Khamtung leh Guamkawm lak aa aom khangno Lasiam, La-uk apan tahding omlo khangthak te ka pattah nopna leh la laptoh nop man hipen hi" ci-in Pastor Kamseen in Zingsol tanu tetung ah gen hi.
Tu laitak in Pastor Kamseen in ama Lakhui ahi "Lungtup Vol 2" pen Yangon ah Music atum sak laitak ahi hi. Pastor Kamseen in Kum 20 gunsung in Pasian La Dawng 170, Zawl La 3u0 leh Gam le lei Itna La 43 nei hi.
photo credit - Pastor Kamseen
Source>>> Zingsol Media
