Ei kawlgamah kawlgamtangthu nangawn aman in kisin khalo ahihman in, mitampi te in, alianbel siampipa ii kawlgam hongpai natawh kisai in, athupitna te atelzomahmah lo tampi omhi.
Theihlohna in mihai hongbang sak thei a, theilo kitheihsak a paukhiatna in ihhai lam hong kilangsak hi.
Kawlgamleh Catholic Christian pawlpi kizopzia cingtomkim khat ih ending hi.
1. Kawlgamlim (ျမန္မာ့ေျမပံု) pen kawlgammite bawl masak hilo in, Catholic Christian pasian gamkek te (Barnabite siampite) in hong bawlsak masa in, Vatican ah kipuak in kikipsak ahihi.
2. Kawllaisetkhetna (ျမန္မာလက္ႏွိပ္စက္) pen kawlte ii bawl masak hizenzen lo in, Catholic Missionary siampi te in kawllai malte hoihtak hongsin in, Vatican ah amasa pen kawllai tawh laikhetna hongbawl sak ahihi.
3. Kawllai tawh lai akikhen masa penpen in Vantung thungetna ahihi.
4. Kawlgam khanglam teng Mikangte khutsung hongkiat khitciangin, kawlgam saklamteng akiatloh nading in ahanciampih pen Bishop Bigandet MEP leh amah ahuh siampi te ahihi. Kawlkumpi mang Mindonmin in acihna ding theilo in, India gama om mikangte gamkhen ukpa kiangah paisawm himah ta leh, Bishop Bigandet leh siampi te huhna tawh kawlpalai te Mikanggam mahmah ah, Mikang kumpi tawh kiholimtheih nading vaihawm sak ahihman in, Kawlgam saklam pen Mindonmin hunsung khempeuh mikangte'n nala lo uh a, Tinpawmin hunciangin, diplomatic relationship kisiasak ahihman in, kawlgam saklam khempeuh zong hong la ahihi.
5. Hicibang a Catholic Missionary te ii na hongseptheihna pen Propaganda Fidei akci Upna thupuakna thutawh kisai zumpi ahi, Vatican zumpipan in alianbel siampipa ii phalna, sawlna leh vaihawmna te hangin apiang ahihi.
Thu ihcihpen genma in angaihsun te, genkhiatma in akanmasa te micim kici in, mizahtakna ngah uh a, mithupi minza ngah uhhi.
Note: Athu akicing zaw in atheinuam te in Rev Fr J. Sein Hlaing Oo, a Myanmar Church historian ii Skynet ah 28 November 2017 ni a agenna kingai thei hi.
0 coment�rios:
Post a Comment