TEDIM LAI SIANGTHO VAI UPDATE - PASTOR SANG PI

 Zanni 1 September 2026 in Bible Society Myanmar Zum na paithei ing. Sawtlai pek in BSM tawh ka itna uh, ka sepkhopna uh aomsa mah bangin GS Pa leh team in zong itna tawh ong dawntuah uh aa hoihtak ki hothei, ki kumthei ung. Ka it, ka zahtak mahmah ahi Sia Khoi @ Rev. Khoi Lam Thang in zong na na gensak kholin lungdam mahmah hi.

A masa in, kei’n official letter khat keng in tua lai sung ah kei’n athu tel lian loin Tedim Lai Siangtho hawmding in na sang kha ing, ai hang kei or HWC pan ka bawl khiat uh hi lo-in, hawmding ong ki piaksawn teng nasangkha, navaihawmkha hi ung ci’n

Bible Society Myanmar tung ah
na thum ing.

Tuakhit teh ka khutsung ah om Lai Siangtho bu 5000 pen Bible Society Myanmar tung ah apna na neithei ing. BSM pan alemdan in ong vaihawm sakding zong huhna nangen ing.

Tedim Lai Siangtho pen ZCLS tawh aki zomden ahihmah bangin ken zong hih lai (letter) pen ZCLS ah copy napia ning ci-in zanni mah-in soft copy zong na khakthei pah ing. ZCLS - Executive Secretary - Rev. Khai Suan Mang @ Sia Mang tawh zong limtak na ki hothei ing. Siapa leh ZCLS pen thupi mahmah, ong khual mahmah uh ahihman in ka kisapnateng ong telsiam, ong maisak uh ahihman in ka lungdamna kamtawh genzawhding hilo lungdam lua hi.

Bible Society te’n ZCLS tawh ong kikum, ong kihoding uh in ahoihpen ong vaihawm ding cih ka lunggulh nahi.
A sawt lo-in, Lai Siangtho buteng zong ong kihawmkhia theiding in thungen suak lai ni.

Khat vei ni Dr. Pau Lian Mang @ Dr. Mangno in zong ong hopih in sangam, tanau vai hileh kei’n zong Pu ka cih ding, Pu Mang na hi
Siapa pen thupi mahmah leh ki niamkhiat tak in kei naupangkhat lellel pen itna leh deihsakna tawh ong hopih in kei zong ka lungdam mahmah ing. Ama’n hihbang in ong genkhia keileh kei zong bangmah theilo-in sep huailo teng kisem khading himawk in Pu Mangno @ Dr. Pau Lian Mang tungah zong lungdamna lian mahmah hi cihzong gennuam ing. Ihsep khempeuh pen ahoihding leh mite thuphangah theihding cih deihna kibang ahihteh akua mapeuh hihvai hangin bangmah thusia a omlo ding in ih vekin hanciam tekni cihzong ong zawnnuam ing ei maw.

Kong it mahmah Zomi te Pasian in thupha hong piaksak semsem ta hen.

Sangpi
2 September 2026

 

Tuni ii hawm khiat sawm Tedim Laisiangtho bu te …Ki hawm nawn lo ding

Zomi khat ka hihna Leh Zomi te ka it Theih Nang ong pan tah ka Pa Leh ka Nu hang in

Kei zong ka hih Theih zah Zomi te Aa ding Sep Theih sun sun a om Leh ci Aa , Deih sak na Leh lung sim siang tak Leh sum Leh pai ngah na om vet lo in a sem Nuam bek ka hih lam ka it Zomi pih teh ong tel siam ding in lam en ing.

Kei zong Thu man Leh Thu Hoih a Deih khat ka hih mah bang in hih vai Tawh Ki sai thu tuam Tuam zong om tuak a hih teh a vek in ka tel nai loh hang hawm khiat ding vai pen khawl phot phot sawm kik Hing cih ong thei sak Nuam ing Ei maw

Hih vai Tawh Ki sai ka Sep Khialh ka bawl khialh na a om Leh zong nong Mai sak ding uh ong thum ing Ei maw

A deih , a lung gulh mi Khem peuh tung Ah zong ong thum ing Ei maw

Mai lam ah a Hoih zaw Sep Theih ding a om Leh ong Han ciam lai ni