Fr. Robert Kamhau thugen...
(Nulehpa Pawi ni) Ken zong hoih sa ing.
- Numeite aw na pasal pen nang aa hi lo hi, a nu aa hi. A nu sungpan a piang a hihi. Tua ahihmanin na pasal tunga thunei ding pen nang na hi kei a, a nu ahihi. Na pasal nulehpa damlaipi in innsungah thuneih na sawm leh Hingsuan cihna na hihi. Tua pen hoih lo hi.
- Numeite aw na lawmngaihpa in a nu a it hiam, a nu thu a mang hiam cih thu theih sawm masa in. Nu it lo pasalte in a zite uh it lo uh hi. Nu it pasal pen na pasal dingin teel in. Nu it pasal na neih khak leh nang zong hong it ding cihna hi pah hi.
- Khasiangtho a neite bekin Topa Zeisu Nu pen Tonu ci thei bek uh hi. Tuiphum Zawhang nu pen Elizabeth hi in, Khasiangtho tawh a kidim khat a hihi. Elizabeth khiangah Maria a va hawh ciangin Elizabeth in na dawn tuah a "Ka Tonu aw" cipah hi. Tualaitakin Elizabeth gilsunga om Tuiphum Zawhang pen nuam in diang hi (Laisiangtho sungah om hi, na sim un!). Khasiangtho a neilote in bel Tonu Maria pen a utut in sam lel uh a, thupisim deksuai lo uh hi.
- Nang silh ding puan tulsawm man na lei leh na nulehpa silh ding zong tuazah man mah leisak in. A silh nop kei lezong midang tung kibaang tuan lo ding hi. Niik hoih puan hoih mah silh sak un. "Teek khin lel uh e" ciin neubawl kei un. "Ha nei nawn kei lel" ciin na nulehpa uh mehlim anlim piak ding thadah kei un. Mehlim anlim na meh ni un na nulehpate uh ciamsak tangtang unla, niik hoih puanhoih na guat zawh leh guan un. Nu thupha pa thupha na sang ding uh hi.
- Upen na hi a, naupen na hiphial zongin na nulehpa kep ding lunghiang ngei kei in.
A kaikhawm: Zomi Quavadis
Lakna: FB
Lakna: FB
