USCIS VAI TOM KIM CING

Tuni (March 15, 2018, Thursday) IRC pan Uliante tawh kimuhkhopna pan USCIS vai tawh kisai theih huai pawlkhat (Ka phawk khak pak teng):

1. US gam sung khempeuh pan kawlgam mi 1000 val interview kisam ding hi.

2. Tu aa interview akisam te pen Green card leh Citizen

asiau lai te (pending case nei te)

bek akisam hi aa, Citizenship ngah khin sa te

tawh kisai lo, kisai nawnlo hi.

3. Citizenship ngah khin sa te kua mah kisam nawnlo dingaa, hong kisam khak zen zen leh zong interview pai kul lo lel hi. Ahi zong in USCIS te email khak in citizen i hih lam leh interview cancel vai gen kul hi.

4. Min kibang te a kisam hi lo aa, min bek hi lo suah ni (DOB) leh Nu leh Pa min a kibang sit set te bek akisam kik ahi hi.

**Behlapna - I min tak tak tawh hong tung te atamzaw bangmah patauh kul lo hi. Min vai tawh hi lo adang thu tawh interview zong pawlkhat kisam aa, ahi zongin tawm mahmah in dotna zong tawm hi (gentehna - DUI, criminal case nei te).

100 questions & answers >>>100 Q & A in English - Zolai - Burmese

5. Tu aa interview akisam te pen Malaysia pan UNHCR tung tawn aa hong tungte (2009 pan kipan) bek akisam hi aa, adang Gam (e.g. Thai, Inida) te pan hong tungte kihel lo (pa lo) hi. **Behlapna - Guam leh Mexico pan hong tungte, Kawlgam pan direct hong lut te kihel lo (pa lo) uh hi (Guam leh Mexico pan hong tungte pen Refugee hi lo, Asylee hi uh aa, Kawlgam pan passport tawh hong lut/pai vi ve na hi uh hi).

6. Citizenship i siau ciang ahih theih leh min khel pah nai kei leng hoih zaw phot ding hi. Citizenship test aung (pass) khin napi min khel hang tawh pawlkhat kisam kik nawnlo aa, tuate in IRC contact in huhna ngen thei uh hi.

7. Citizenship test aung (pass) khin in "Kiciamna" na hih nai kei aa interview lai na ngah leh pai le cin hoih ding hi.

8. Ahih thei lai teng Green card tawh gamdang pai khia kei leng hoih pen ding hi. **Behlapna - Green card tawh Kawlgam ciah te pawlkhat US sung lut kik ding hamsa cih thu kiza hi.

2002 - 2018 kikal sung in US ah gambel a tai kawlgam mi 170,000 val tungkhin, aban na et nop leh a link>>>2002-2018 US ah burma gam pan gambel mi 170,000 val tungkhin

9. Interview sapna i ngah leh Kamphen (interpreter) khat cial in hoih tak kigin ding kisam hi. Interview ah na taangthu leh UN na phi dan te hong kidong suk suk ding hi. 

10. Azen zen in UN case na manggilh leh "manggilh ing, thei nawn keng" ci lel in. Na upmawh genkhia ngei kei in.

11. Interview ah ahih theih leh na Zi, na Ta teng khempeuh tawh va pai in. Officer te alungsim uh atawm atam sukha ding uh hi.

12. Interview ah ken ding akisam lai, card khempeuh ahi thei zah kiging in. (e.g. UNHCR registration card, Burmese Birth certificate, Baptism certificate, Household list, Green card, State ID, community organization card (ACR, ZAM, CRC)).

13. Interview i kiat khak zenzen leh zong US ah a suak i Tate bangmah nawngkai sak zo lo ding hi.

14. Interview ah recording hong kibawl ding ahih manin kamphen (interpreter) pa in na gen te bek hong phen sak ding thupi ding hi.

IRC pan huh theihna te pawl khat:
1. Interview sapna lai i ngah leh IRC te amanlang pen in contact ding hong hantawn uh hi.

2. Interview ah Sitni (lawyer) akisap leh hong vaihawm sak thei ding uh hi (ahi zong sum tawh cial kul ding hi).

3. UN case te i manggilh khak leh hong laksak kik thei ding uh aa, hun belh them piak ding kisam ci uh hi.

4. Pending case te zong hong kan sak thei ding uh hi.

5. Akisam bangbang in advice hong pia thei ding uh hi.

IRC pan palai hong kihel thei te:
1. Terry - Deputy Director
2. Laura Brown - Immigration service coordinator and DOJ accredited representative
International Rescue Committee (IRC), Baltimore, MD

Ka phawk khak paak teng hi... Lungdam ei...

Thomas Mung
Tel: (443) 854-8905 (Dot nop i neih leh)

Shared by>>>THOMAS MUNG