============================
Rev.Dr, Hau Lian Kham pen 1944 kumin NGEN NUNG khua ah suak hi. Leitung pilna ah B.A, B.R.E, M.Div, D.Min zo hi. Mikang pau Mikang lai a siamdan pen gennavet omlo hi.
A mah pen Chin state bup Gupkhiatna thu hong tangko masa penpen leh a muibun penpen ahi hi. Bang hangin hizah in minthang a gualzo hiam cih leh tua hunlai in,
B.A zosa in Pasian nasem Chin state bup ah mi 3 khawng bek om pan ahih manin nautang mipi in kipi muh mahmah hi. A hunzatna te pen Tuiphum Pastor te atawh hongki Keelki mawk hi.
1. Upna leh Gamtat hoihna kigawm in gupna kingah thei lo. Isaiah 64:6
2. Thukham zuihna tawh gupna kingah zo lo. Rom 3;20, James 2:10
3. Kisik kikna in Adam mawhna “Luahsuk Mawhna” maisak thei lo Hebia 9:20, 22.
4. Zeisu Khazih hangin Vantunggam in Pasian LETSONG hi a Thalawh thei hi lo. Eph 2:8-9
5. Calvary mual pan Sinai mual ah ii lehtaikik keibuang leh Gupna ki taan theilo Gal 3:1-5 Gal 1:6-9
6. Pianthak khit ciang mithak nuntakna tawh nuntak kul. Kawlentul Nihna 5:17
Zeisu Khekhap mihingte in kizui thei lo
————————————————————
1. Zeisu pen Mawhneilo sa in hong suak hi.
- Ei leitung mite pen mawhna tawh kidim sa in isuak hi.
2. Zeisu pen a Pa Kha Siangtho hi a,
Ei pen ii Pa Leitungmi Mawhnei Pa ahi hi.
3. Zeisu pen leitung khempeuh ii Mawhna puakhia ZoPa hi a,
Ei pen ei ii mawhna naleng apua zolo te ihi hi.
4. Zeisu pen Ni 40 Antaang zo Pa hi a, ei pen ni 20 naleng atang zolote ihi hi.
5. Zeisu pen asihkhit Ni 3 ciang tho kik hi.
Ei pen ii sihkhit Ni 3 ciang Leisungah ikiphum hi.
6. Zeisu in Thukham khempeuh a zuizo Pa hi a
Ei Leitungmi te in Thukham KHAT zong ii zuizo kei hi John 7:19
cih thute “Upna Laigil” cih a Laibu in hong hawmkhia hi.
Rev.Dr. Hau Lian Kham ii thupitna
Rev.Dr. Hau Lian Kham ii Thupitna lamdanna pen tua hun lai Tedim ah လမ်းသရဲ teng bei mawk hi. A kisim ngeilo LAI SIANGTHO bu ki nak sim mahmah hi. Mopoi ah Misi ah Gupna thu bekbek kinak sel mahmah uh hi.
Rev.Dr, Hau Lian Kham ii hong minthanna pen EBC pawlpi hongphot ciang, AG pawlpi ah hong omciang in a min hongthang hilo a Tedim gamah Tapidaw Pawlpi alianpen Cope Memorial Baptist Church ah Senior Pastor hongsep ciangin athugen Siam kisa lua mahmah ahihman in hong minthang ahi hi.
Hehpihna leh Thukham ii ki lamdan nate zong Tedim gambup Tuiphum TIN TAN te ah pia in mi-in sangthei mahmah uh hi. Tua kiim lai Tedim Tuiphum Pawlpi sungah Tuiphum Pastor Rev.Kam Khaw Thang leh Pawlpi Upa honkhat in အဏာသိမ်း in Nipi Ni Pulpit tungah tukhol uh a, Rev.Dr. Hau Lian Kham tutnading omsak lo uh hi. Kumpi Zum kitun uh a. Biakinn pi, TAWH KAL (Lock up) uh hi. A buaina uh a thu bulpi uh pen HEHPIH NA BEK TAWH VANGAM KI TUNG hi cih Thu, sih zakdah uh hi. “ Gamtatna omlo Upna in asihi” cih Rev. Kam Khaw Thang in lenkip hi. Sawt veipi Thu akineih khit uh ciang Rev. Kam Khaw Thang te pawl in Rev. Dr. Hau Lian Kham hawlkhia uh hi.
Tua ciang Rev.Dr, Hau Lian Kham te mi 20 val Zanthapaai in Bo Kam Cin Hang te innnuai ah thungen uh a Pawlpi Mindingin EBC phuak uh hi. Tedim gam khua tampi in Rev.Dr.Hau Lian Kham omna EBC pawlpi ah lut uh hi. EBC Pawlpi te ii a Founder pi leh a masa pen Senior Pastor pen Rev. Dr. Hau Lian Kham ahi hi. Tua kum pen 1975 kum ahi hi.
Rev.Dr. Hau Lian Kham pen apilna sang mahmah, akhuamuh na zai mahmah ahihman in Leitung bupah aom pawlpi Upna kibatpih zong ni in, kizom ni ci in gen a, vaihawm uh a, AG tawh pen Upna kibang pen sa uh hi. AG tawh kizop nading tamveipi kikum uh a a utlo honkhat om uh hi. Tua ahihman in a Utteng AG pawlpi ah a Ut loteng EBC ah hong kikhen uh hi. Tua Hun pen April 3, 1977 kum ahi hi.
Chin state bup AG pawlpi ah Pasor amasa teng
———————————————
———————————
1. Rev. Thang Za Kap (1976)
2. Rev. Cin Za Langh (1977)
3. Rev. Dr. Hau Lian Kham (1977)
4. Rev. Gin Za Lian (1977)
5. Rev. Dam Suan Mung (1977)
6. Rev. Suak Za Go (1977)
7. Rev. Khai Khẩn Suan (1979)
Rev. Dr, Hau Lian Kham mai ah keimah Rev. Thang Za Kap leh Rev. Cin Za Langh AG sungah Pastor kasem masa uh hi. Ahih hang ko gel pen Pilna neihlah hi lo, Gupkhiatna zong hoihtak in genthei nailo, kuama ii, theih zong kahi naikei uh hi. Chin state bupah AG pastor amasa pen kahih uh manin Rev.Myo Chit in YANGOON a pawlpi panin Khasum Khakhat in Ks.150 tuak hong pia hi.
1977 kum April Ni 3 Ni in Rev. Dr. Hau Lian Kham AG pawlpi honglut in Tedim khuapi ah AG pawlpi hongphuh ciangin Tedim gam sungah EBC pawlpi te Honpi khat AG pawlpi ah hong lut pah uh hi. Rev.Dr. Hau Lian Kham hang bekbek in Zo gam ah AG pawlpi akhang ahi mai hi. Rev.Dr, Hau Lian Kham pen Pasian zom in mipi in muang uh hi.
Keibang Chin state bup ah AG pastor amasa pen kahihna thu, Thu maan thutak hi bek a, Chin State bup AG pawlpi akizeel na pen Rev.Dr. Hau Lian Kham (Sukte) hang bekbek ahi hi. Chin state bup ah CRUSADE abawl masa penpen zong amah ahi hi. Gamtat hoihna tawh Vangam kitung zolo cih athei masa pen penzong Rev.Dr. Hau Lian ahi hi.
Laigelh :-
Rev. Dr, Thang Za Kap, Suantak
U S A
October 15, 2026
0 Comments