TBA KHAWMPI - JOHN THANG PI FB



TBA Khawm pi :

Ka neu deuh zawk lai ka Tan5 kah kum ,1993 TBA Khawm pi ka khua vuah hong tung ngei a, Khua Tuiphum Biakinn pi thak kong hon Pawi tawh ki thuah khawm in Pawisiim hong pai mipi zong tam mahmah nasia kisa mahmah leh nuam ki sa mahmah ci uh hi . Tua hun tawh ki zui in TBA khawmpi anop cii pen pawl in aki gen zel na ka bil kha in ka za lai hi.

Delegates te ;

Tua hun lai in Tuiphum pawlpi te ki khen nai lo in Tedim uk sungah Tuiphum pawlpi te ki pum khat lai leh a tha hat mahmah hun lai uh ahihi . Delegates te ni 5 sung meeting nei in thu ki kup na nei ciatciat in thu ki nak kup lua mahmah uh ahih man in khut tawh aki kawkziahziah zong tawm lo hi ci uh hi .

Zin muak na leh Mangpha khak na la ;

Hih hun lai in ka khua vuah Tuiphum Pawlpi sung pan Lasiam ,( Ka Pu Tuung @ David Kham leh ka Ni Seen @ CCOC la sa nu ) Music siam leh Laphuak siam (Ka pu Sing Pum ) te Pasian thu pha tawh ki cing mahmah uh a, tha ngah huai mahmah uh hi .

Zin muak na leh Mangpha khak na la a sin uh ciang zong Music kiim tak in zai ziahziah uh ahih man Zak nop ka sa mahmah a , naupang no lai ka hih hang mi kawm lak pan in lasa teng mu nuam in ka man lah mahmah hi . Stage tung kah toh dan ding leh pusuak dan ding rehearsal a bawl ciang Lengtong Kam Khen in zong tha ngah lua inah Lasa te om dan ding khut lap dan ding a la tawh ki tuak tak a hih dan ding uh a hilh te zong ka mit kha ah luai lai hi.

CCOC la tawh album a bawl masa ka Ni Seen ;

Hih TBA Khawmpi tun ma deuh lian in , CCOC te pahtawi na leh tha piak na tawh Album a bawl ma sa ka Ni Sen ii la khui thak sung ah la te bek mah Pawipi sung ah ki hong za kha ka hih man in Zak nop leh ngaih ka sa mahmah hi .

Tua hun lai in khuasung ah a hau pen leh thu nei U pa Hausa zong Tuiphum pawlpi sung mah pan tam pen zel uh a hih ziak in Khawm pi sung nawng kai na om het lo in nuam tak leh suak ta tak in Pawipi ki zo thei hi . Nungak Tangval te zong nuam sa mahmah sem uh ki ci hi . Pawipi man khit ciang huan sung leh khua nawl daai gei leh lam pi nuai teng ah nahtangteh ki phah zihziah cih thu zong nupi lokuan pawlkhat ten gen uh hi .😃

Hih hun lai ka khua uh pan a piang Apple 🍏 (ချင်းတောင်ပန်းသီး) 🍎 ci a Yangon ah a tam mat pen hun leh aliimciit ( prime time ) pen hun ahih mah bang Apple hau pen te zong Tuiphum pawlpi sung mah pan a hi uh hi . Apple man tawh Siikkang dolcial bek hi lo in Mawtaw na ngawn alei zo uh hi .

(A poi pen inah ko zong apple lo nei na pin puah zo lo ka pa te Galkap sung ah om lai uh .Kei leh ka pu bek inn ngak Tam lam Kuan zo nai lo 😞)

Thu Khupna ;

Hih 1993 TBA Khawmpi leh Khua Tuiphum Pawlpi te thupit na pen kei ading in ka neu thu mangmawh leh thupi ka sak mahmah khat ahihi .Kei Tuiphum thu zui mi khat ka hih loh zenzen hangin amau te hangin phat tuam na tam pi ka ngah na leh tua hun lai aki gen Pasian thu te tam ciamteh nawn kei mah leng ka kha mit hong vak sak tuam uh hi . Pawipi sunga akisa Phat na la tam pi te lak pan

( gentehna : mimbangpianna Tuanpupa te , hong zong zong hong zong venge ) te leh akalsuan dan te uh et teh ding tam pi om hi cih kei naupang khat ii tuah khak thu leh kei mimal muh na hong at ka hihi .
Aki lawm lo at khialh na om leh ngaihdam bawm ah na khiat sak ta un .

Ih Zogam , Kawlgam leh leitung bup ah ki it na om sem ta hen.

Laigelh>>>JOHN THANG PI  

Rea��es:

Post a Comment

0 Comments