DAH NA - PA THANG KHAN DAL ( kum 69 )

 

Pawlpi mi Pa Thang Khan Dal, (Kum 69), 

Nu Ngo Lun Man' pasal in May 13, 2026 

ni hong nusia ahih manin dahna i pulak hi. 

 

May 16, 2026 (Sat) ni Suangzang ah 

Emmanuel AG Pawlpi in daitan' sakna nei ding hi.

 

A dah a kap khempeuh tungah 

Topa'n hehnepna cing hong piaksak ta hen. Amen.

Thangvan dawngah kimuhkik ni 

 

mateng mangpha maw PA DAL!

 

- Rev. En Za Sing

Church Pastor

Tedim

 

Bathel AG, Tedim 

Read More

DAH NA - PA. NANG SIAN KHAI ( kum 50 )

 

Dahna pulakna
Tonzang khua a teng VMBC @ Tuiphum pawlpi mi ahi,
Pa Lal Suan Pau & Nu Dam Khan Niang @ Sm. Niangleuh te tapa Pa Nang Sian Khai in a nasep (ပြန်ဆက်၊ ကျွမ်းကျင်(၁)ဓာတ်ပုံ - BC za) na Nyipyitaw (နေပြည်တော်) pan i Pa Pasian kiangah hong ciahsanta hi.

Min: Pa Nang Sian Khai (Kum 50)
Pawlpi: VMBC (Tonzang/Kalaymyo) CBC (Nyipyitaw)
Behmin: Thawmte
Khua min: Tonzang (Khualai veng)
Natna : Si Cancer
Suahni: 19 August 1976
Sihni: 10 May 2026 (11:45 PM, Nyipyitaw)
Vuini: 12 May 2026 (10:00 AM in Innpan Han pai ding, Han ah 11:00 AM hun kipan ding, Nyipyitaw)
A vuiding pawlpi: CBC (Nyipyitaw)

Note: 12 May 2026 ni in 10:00 AM
1. Pa Lal Suan Pau inn (Khualai veng) Tonzang ah hun bawl ding
2. VMBC Kalaymyo biakinn (Seitual veng, Thawn Khawm inn gei & Sia Dong Fulsal kimawlna gei)ah hun bawl ding ihih manin beh le phung, u le nau, khua le tui sigalnuam te adingin kong zasak hi.

Hopih nopna i nei nop leh Phone no.
09250107928
09981009960
09943486738
Sia Kimpu (VMBC Pastor) 

Sia. Kimpu  

Read More

DAHPIHNA THU PULAKNA

 

DAHPIHNA THU PULAKNA

Ih Pawlpi mi ahi
Pa Sing Za Mung
pianpih sanggamnu (naunu) in hong nusia cih za ihih man in Pawlpi pan i dahpih mahmah na thu ih pulak hi. Pa Mung te innkuan le adah akap khempeuh te tungah Topa Kha Siangtho in hehnepna kicing hong piaksak tahen.

Min: Lia,Lian Zom Cing
Kum: 17
Sihni: 6 / May / 2026
(Wednesday)
Sihhun: 5:30pm (Myanmar)
Khua: Vangteh
Natna: Bomb in kha

HEHNEP HUN BAWLNA

Hehnep hun bawlna pen 8 May 2026 nitak Nnai2 in Pawlpi mite hun ngah thei peuhmah ih kihel kim ciatna ding le a dahte dahpih in itna i va lakkhiatna dingin Jesuh min tawh ih ki zasak hi.

Ahun: 2:00pm
Ani: 8 / May / 2026
(Friday)
Amun: Biakinn 

Zomi Christian Assembly ( Malaysia )  

Read More

DAHNA PULAKNA : MANGPHA TG.KHAM SUAN MANG ( Hatlang beh ) KUM 56

Zomi Innkuan USA, Inc.

Executive Committee

Date December 16, 2016

Dahna Pulakna : Mangpha Tg. Kham Suan Mang (Hatlang beh) kum 56

USA gam, Indiana State, Indianapolis khuapi ateng Tg. Kham Suan Mang Kum 56 (Hatlang beh) in abeisa December 11, 2016 ni 11:30AM hunin Indianapolis khuapi sunga Zato khat ahi St. francis Zatopi panin Lungtang sihui damlohna hangtawh mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.

Tg. Kham Mang pen Zogam, Tonzang uksung, Mualkawi Khuami Hatlang beh Pa Kai Za Khen (Late) leh Pi Vung Za Cing (Late) ten Ta 10 naneihna lakah amahpen a 6 na ahihi. Nuntakhuasakna anuamzawding lunggulhna tawh abeisa 2007 kumin USA  ongtung ahihi.

Tg. Kham Mang pen USA leitang tunga ongnusia Zomi khat ahihnatawh kizui-in Zomi sungah unau sanggam khat, sihkhat sakhat hihna hanga lainatpihna lahna in Zomi Innkuan USA kipawlna in Paakkual khattawh Mangpha khakna kinei ding hi.

I it mahmah Tg. Kham Mang tawh a nunungpen hunzatkhopding pen ongtungding December 18, 2016 (Sunday) ni-in Singleton Mortuary Funeral Home, 7602 Madison Ave, Indianapolis, IN 46227 ah 10:00AM ~ 11:00AM kikal hunsungin luang etnahun/ Visiting hun hidinga 11:00AM ~ 12:30PM kikalsungin tuamun mahah Zomi SDA Church of Indianapolis te makaihna tawh a nunungpen hehnep hunbawlna kineidinga tua khitciangin Mount Pleasant Cemetery, 734 N. Morgantown Rd, Greenwood, IN 46142 ah vuina daitansakna kinei tosuak ding hi.

I it mahmah Tg. Mang Mang ongnusiatna hanga adah akap, alunglengkhuangai pianpih sanggam laizomteng, khuapihtuipih tanaumeltheih akuamapeuh tungah ibiak Vanglian Pasian khasiangthoin ong hehnepsak henla aluang khituite ong nulsakin, lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.

Dahpihna lianpitawh,

Executive Committee

Zomi Innkuan USA, Inc.

December 16, 2016

Read More

MAANGPHA PA.MANG VUM , KUM 40 ( Tongseal Beh )

Zomi Innkuan USA, Inc.

Executive Committee

Date: November 17, 2016

Dahna Pulakna : Mangpha Pa Maang Vuum kum 40, (Tongseal beh)

USA gam, Texas State, Houston khuapi ateng Pa Maang Vuum Kum 40 (Tongseal beh) in abeisa November 15, 2016 ni zingsanglam nai 8:30 AM hunin atenna Houston khuapi panin mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.

Pa Maang Vuum pen Zogam, Tedim uksung, Khuasak khuami, Kawlpi/Munlai a teng ahihi. a it mahmah a zi  Nu Cherry Lun leh a tano khat tawh nuntakhuasakna anuamzawding lunggulhna tawh abeisa 2010 kumin USA, ongtung uh ahihi.

Pa Maang Vuum te innkuanpen Houston khuapi bulphuh Zomite kipawlkhopna Zomi Innkuan Houston ah  pawlmi kiciankhat leh USA gambup Zomite sihnavaiah luangkiphamnadinga kiphuankhia ZIUSA Genvai kipawlnaah Active member khat ahihna uhtawh kizui-in  ZIUSA Genvai thukhun ombangin Pa Maang Vuum pen Zomi Innkuan USA kipawlna in USD 10,000.00 (Tulsawm) luangphamnadingin kipiakhiadinga Paakkual khattawhzong Mangphakhakna kinei dinghi.  Hih akipiakkhiat luangphamna sumtepen USA gamsung muntuamtuampana ZIUSA Genvai thukhunpom pawlmi 8,284 tekiangpana ongkhakkhop uh sumte ahihmanin Vaphual lungtang neia ZIUSA Genvai ah ma ongpangkhawm Zomipih khempeuhtungah idahna ilunglenna kawmkalpanin lungdamna lianpi iko hi.

I it mahmah Pa Maang Vuum tawh a nunungpen hunzatkhopding pen ongtungding November 19, 2016 (Saturday) ni 1:00 ~ 1:30 PM hunin Unity Funeral Home, LLC. 7730 Bone Rd, Houston, TX 77072 luangetna/ Visiting hun hiding tuamunmahah 1:30 ~ 4:00 PM kikal Greater Houston Burmese Christian Fellowship (GHBCF) Pawlpite makaihna tawh Rev. Thawng Kho Lun in a nunungpen hehnep hunbawlna ong neihpihding hi. tuakhitciangin Woodlawn Funeral Home & Cemetery, 1101 Antoine Dr, Houston, TX, 77055 hanmualah daitansakna/Vuina kineidinghi.

I it mahmah Pa Vuum ongnusiatna hanga adah akap, alunglengkhuangai pianpih sanggam laizomteng leh khuapihtuipih tanaumeltheih akuamapeuh adiakin a nusiat a itmahmah azi Nu Cherry Lun leh a tano te tungah Meigong tagahte a nusia ngeilo, a maute pasal/Pa dinmun ah a pangden ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.

Dahpihna lianpitawh,

Executive Committee

Zomi Innkuan USA, Inc.

November 17, 2016

Read More

A PASTOR AND ZO LEADER PASSED AWAY

Khup Za Go, a pastor of the Zo people, who live in

Manipur  and Mizoram with some groups in 

neighbouring Myanmar, died in a road accident in

New Delhi  last week. He was accorded an emotional   

farewell andburied at Churachandpur in Manipur. 

Born and brought up in Murlen, Champhai 

Read More

ZBC Founder expire

• To,
• Dear Zomi
•     Zeisu Khazih sunga sanggam itte aw,
•         Dated 3/1/2016  nitak nai  12. 5 Pm in  Upa Kam Ngaih Thang, Hiangmun, Mizoram in  hong nusia hi.
•             Ahihnate 1. Amah pen Hiangmun Khua  thaksatte sung pan in  khat hi
•                           2.  Tuhun a ZBC akici pen nidang in CBA, Mizogam  kici masa a, Hih tuhun a ZBC apian'na ding a, 
•                                 Hiangmun khua panin,  Pa Cin Za KHup  tawh a naphuankhia uhi.
•                           3. Hiangmun YMA  Val-U-Pa masa pen hi.
•                           4. Hiangmun adingin  Sport Association  Founder member khat zong hi.
•                           5. Hiangmun khua a dingin  akhuampih khat hiden hi.
•              Tata  Numei nih  nei a,  a-U -zaw (L) Ciin Ngaih Man  leh Tapasal  nga leh Tu Numei  pasal  15 nusia hi.
•                            Tuni  Dated 4/1/2016  nai  12.00 noon hun akipan in  Khakkhiatna programme kipan ding hi. YMA  Hiangmun Unit in ama hanmun dingin  amun hoihna penpen tuambawlsak uhi.
•                               Muntuamtuam a, Hiangmun khua mi leh Zomi sunga dinga, Mizoram, Zomite adingin Biakna kipawlna lam tawh kisai a, Khaci tuh masa khat  in hong nusiatna hangin, i omnaciat panin, adah, akapte adingin thungetna na panpih ciat dingin hih  internet tungtawn in ka hong tangko hi.
• Lungdam
• S/. dal Sian Pau
• 01/03/2015
• Sunday!
•                        

Read More

Dr. Cin Do Kham's Memorial Service

Read More