ZOMITE' MIN KILAWH ( KISAP ) NA TE!

1	Pa	Ih  nu'pasal ( ih pianna taktak ). Ih pa le ama' sanggam  pasal teng, behsung phungsunga, ih pa' gual teng, gang peuh pu peuh ih sak loh ih pa' gual  le  atungsiah  anuaisiah  a  kilawmciang teng, mikhual theih ngei  nai loh, ih pa' gual ding teng, ih nu le ih pa' nite' tapasal teng Pa kici  hi.
2	Nu	Ih pa' zi ( ih pianna taktak ) ih nu le ama  sanggam  numei teng, ( ih nu hong pai khiatna  ih pute beh  sunga  numei peuhmah ) Mi khual theih  ngei   nai  loh  ih  nu'  gualding  teng Nu  kici hi
3	Pu	Ih pa' pa, ih  nu' pa  le a sanggam pasal  teng, beh  sunga pute gual teng Pu kici  hi. Ih nute lam pasal  khempeuh  neu leh lian leh Pu kici hi.
4	Pi	Ih pa' nu, ih nu' nu le a sanggam numei  teng, ih nu  sanggam  pasalte'zi teng, ih pa' pate ( pute ) sanggam pasalte' zi teng, Pi kici hi.
5	Papi	Ih pate unau lak pan pasal upen  leh ih nute  unau lak  pan  numei upen' pasal  te  Papi  kici hi. Ih  Pa' nau  pasalte, Pano  kici hi.
6	Nupi	Papi  te zi  le  nute  unau  lak a  numei upen  Nupi  kici hi. Ih  nu' nau numei  te, Nuno  kici  hi.
7	Ni	Ih  pa'sanggam  numei  teng, nu  le  pa'  nite'  tanu  teng, innlak  beh sung  pate'  sanggam  numei  teng Ni  kici  hi.   Ih  pa' sanggam  numei lak  pan  a u  pen, Nipi  kici  hi.
8	Gang	Nite'  pasal  teng  Gang  kici  hi.  Nipite'  pasalte   Gangpi  mah  kici pah  hi.
9	U	Ei'  sanga  a uzaw  numei  pasal  teng  ( ih pute lam lobuang ) U kici  hi. ( Ei sanga  suak  masa  zaw  te )
10	Nau	Ei sanga  nau  zaw  peuhmah  nau  hi a,  a minno  in  kisam  ( kilo ) hi.   ( Ei  sanga  suak  nunung  zaw  te )
11	Unau	Sung  khat  suak  numei  pasal  teng   unau  kici  hi.
12	Sanggam	Ih  ute  le  ih  naute   a  vekin  sanggam  kici  hi.
13	Tate	Ih  zi  sunga  piang ( numei pasal   khempeuh ) Tate  kici  hi.
14	Tusawn	Ih  tapa le  tanute  khempeuh'  tate  pen  Tute  kici  hi. Ih  tute'  tate  ( numei  pasal  )  tuusawn  kici  hi.
15	Sungh	Zite  hong  paikhiatna  pen  sunghpite  kici  a, a  beh  a  phung  te  khem peuh  sunghte  ahi  hi.
16	Makte	Innsung, behsung,  phungsung pan  a  piang  numei  khempeuh’  pasalte makte  ahi  hi.
17	Nuphal	Ih  zi’  sanggam  numeite   Nuphal   kici  hi.
18	Mo	Ih  tapasalte’  zite  Mo  kici  hi. ( sanggam  pasalte’ zite )
19	Teek	Numei  te  in  a  pasalte’  uh  nu  le  pate  le  a sanggam  te  Teekte kici  hi. Monu  tenna ( pasal neihna ) innpan  a  nupi  pen  Teeknu, a papi pen  Teekpa  kici  hi.
20	Beh	Pu  khat  suan  sung  pan  a,  a  bawng  a  khil  hon  khat  kigawm  khawm   pen  Beh  kici  hi.

21	Lawm	Numei,  pasal  ih  ki  khangual  pihte   Lawm  kici  hi.
22	Zawl	Ih  ki-it  pih  tuam, ih  ki  phawkpih  tuam,  ih  ki thuahpih  theih  deuh ih  lawmte  pen  Zawl  kici  hi. ( Lawm  sangin  Zawl  bulzaw  hi )
23	Zinte	Mundang, khuadang  ah  khual  ih  zin  teh  ih  tunna  ih  giakna  te  Zinte  kici  hi.  Amau  in  zong  ei, Zinte  mah  hong ci  hi.
24	Khua leh Mipih	Beh  nam  tuamtuam, phung  nam  tuamtuam  ten  khopna  mun  pen Khua  kici  hi.  Pianna  guipi  kibang,  pau  le  haam  kibang ( a malin a kibang  lian  kei zongin  a ki thei pak te ) te  Mipih  kici  hi.
25	Lengla	Mi  khat  peuhpeuh  inn  ah  a  hawh   te  Lengla  kici  hi.  A  hawhnate   innteek   kici  hi.
26	Peemta	Khua  khat pan  khua  khat  ah  a valal, a  vabeelte  Peemta  kici  hi. Lawm’  khat  pan  lawm  khat  ah a  valutte  Lawm-peem, sawm  khat pan  sawmdangah  a  va  giakte  sawm-peem  kici  hi.
27	Sawmte	Pasal note  nute  pate’  ang-ah  lum  nawn  lo  a, mun   khat  a, alawm  a  gual  te  tawh  a  giahkhopna  mun  pen  Sawm  kici  hi.  Tua  a giahna  innteek   te  Sawmte  kici  a, a  giak  pasal  note   zong  Sawmte  mah  kici  pah  hi.
28	Inn Bul ( Kunta )	Nupa  kopnih  kopthum  teng  khawm  a, suan  le  khaak  tate  bek  hilo in, tute  le  tusawn  donga  khang  kizom,  khangthum  khangli  bang a  omna  innkuan  pen  Innbul ( Kunta ) kici  hi.
29	Lukhat( Daipam)	Zi  nei  thak  pasal  inn  tuan  thak  te  lukhat  ( Daipam )  kici  hi. Inntuan  thak  ahih  manin, khua  nawl  zaw  deuh, dai  nawl  zaw   deuh  ah  teeng  le  innkuan  tawm  lai  ahih  man  hi.

http://www.scribd.com/doc/208830667/ZOMITE-MIN-KI-LAWHNA-KISAP-NATE

Read More

SATU RINGGIT

Malaysia ah sum kizang pen Ringgit kici hi. Malay pau in khat pen satu ci uh hi. A  gennop pen  Malay pau a 'Sum Pek Khat' cihna hi. 

Zomi Nam Ni nuamtak thupitak a kizang ziahziah ahih manin innpi sungah mi khempeuh kitalo a, tutna a omsa 3500 dim khin ahih manin hih nupi naungek pom adingin tutna kicing nawnlo hi. Makaite in mipi a pua lam nisa ah a tu mihing tul khat (one thousand) bang dingte ahi thei zahzah inn sungah hong lut ding leh a kul leh zong leilak ah tubial dingin sam uh hi. Zomi ciatciat tutna kibanglo ding cih ka muh ciang ka lungsim hong lawng mahmah hi. Ahi zongin ka tutna awn leng kei tutna ding omlo hi. Tut theihna peuh ah a kitu zihziah hi a, leilak nangawn khe ngakna ding omlo in inn sungah mi a kidim mitmet hi. Innsung mi dim khit ciang a mai gual leh stage kikal mun awng tawmno sungah mi a tu thei zahzah tutsak dingin makaite in a pua lam ah om te sam uh hi. 

Tangval, khangno, papi, nupi a pua lam ah omte hong lut in tutna ngah nawnlote ka mai ah hong tu ziahziah uh hi. Tomno sungin hong dim ziau leuleu a, thugen ding a hong kisap ciangin pai khiat ding bang haksa in khe sikna ding zong omlo hi. Tua te lak ah nupi nau tawi khat hong tu a, ka mai san lian ah hong tu hi. A tano pen ihmu ahih manin a nu in a ang ah pom in a pa in a van teng uh a kem hi. A sawtlo in a tano hong khanglo a, a gilkial hi ding hiam a maitailo hi. A nek ding moh them bek ka piak ding neilo ka hih manin ka lungnuamlo hi. Ka gei ah ZAM makaite in zin leh leng ading dawn dinga a koih uh tui thawl (bottled water) bung khat om hi. A sung ka et leh tui bung pawlkhat na omlai a, kei zong khat lakhia in tua nupi kiangah ka pia hi. "Na tano tui duh hi inteh, dawnsak in," ciin ka piak hi napi mipi huging ngaihlua ahih manin kiza cianlo hi dinga, a khut mekawk hong lak hi. Kei zong 'khat bek maw' a cihna sa in 'He, himah' cihna in ka lu ka su ngeungeu hi. Tua leh a lawmpa lawngphei a, a ip sung sawk in zon bubu khat nei hi. Kei zong 'bang zong na hiam?' ciin ka dong kik hi. Aman, "Satu Ringgit" ciin hong dawng hi. 

Ka lungsim van ah khai hong banga, ka koiteng hiam khat hong nuamlo hi. Ama'n tui thawl pen Pek Khat a lei dinga ka piak a sa ana himawk ding hi cih ka ngaihsun hi. 

Ka ngaihsutna hong vak kawikawi a, Aw, ka mipihte, ka Zomi suahpihte, hih gam, mi gam ah lungneu tak in om uh hiding a maw ka ci hi. Tui thawl khat nangawn "a mawkna" (free) a ngah ding kisuangtak, kisungsia hitazen ding uh a maw ka ci hi. Ka heh lah suak, ka khuangaih lah suak, ka hehpihna lungsim zong hong lian. Na khempeuh sum tawh lei ding a sa, tua hi kei leh mite in a simmawh, a bawlsia ding bang zaha ngaihsun in lungneu tak a nungta hiding uh maw cih ka ngaihsut ciang na ka sa lua mahmah hi. Ka mai ah stage tungah Zogam ngaih La a kisate nangawn bengngawng, bil-am ka sa man dek liang hi. 

Ka mipihte pawlkhat hibang in mi lak ah pau theilo, gamtat luhek theilo in om dinga, mite mai ah kisuangtak tak, mai neu takin om kha ding cih ka ngaihsut ciangin haksa kasa a, na kasa a, hehpihhuai kasa hi; kei zong amau khat ka hih manin. 

Tuni in tua ka tui thawl piak te nuta, innkuan kua hiam cih ka thei kei a, a min uh zong ka dong ngam nawnkei hi. Ahi zongin Zomite aw, kong gennop khat om, i mite haksa tak in mi gam ah tuisik kam khat dawn ding nangawn a kisuanglah, a kisungsia in om uh hi. Nakpi takin thungetsak in amaute a suahtak theihna ding un hanciampih ni. Zomite hibang a lungneu a mi lak ah gamta ngam lo lianga nungta dingin mihing bawlpa in hong bawl ahih ding ka um kei hi. 

Zomi Nam Ni nuam taka zang dinga kuan kimlai lungsim tuampi, dip bing phial in inn ka tungkik hi. 

Topa aw hong hehpih in. 

Hau Za Cin

Phuitong Liim

www.hauzacin.blogspot.com

He Knows How You Feel

Jesus was angry enough to purge the temple, hungry enough to eat raw grain, distraught enough to weep in public, fun loving enough to be called a drunkard, winsome enough to attract kids, weary enough to sleep in a storm-bounced boat, poor enough to sleep on dirt and borrow a coin for a sermon illustration, radical enough to get kicked out of town, responsible enough to care for his mother, tempted enough to know the smell of Satan, and fearful enough to sweat blood.

He is able to run to the cry of those who are being tempted and tested and tried.

Hebrews 2:18 (AMP)

Whatever you are facing, He knows how you feel.

Read More

TONZANG LAAWM MALAYSIA@2014 ZOMI NAM NI

Read More

PU GO SAWM KHUP@TULSA ZOMI NAM NI 2014

Read More

KHANGLUI INN LAM ZIA

“ A ” 1. Aakpam	“ M ” 35. Mobaang 36. Meipaam 37. Meisak 38. Mu  mei  kai
“ B ” 2. Bansak 3. Ban’khang 4. Bangsak 5. Bangkhang 6. Ballei ( Ek-awng ) 7. Bikhalap 8. Bidelh 9. Bital	“ N ” 39. Nuhdo
“ D ” 10. Dawhdan 11. Eklamphung	“ P ” 40. Pialkhang 41. Pangsak 42. Pangkhang 43. Phaitam
“ G ” 12. Gapkhuan 13. Gulhtawng 14. Guatonh 15. Gilkhang	“ S ” 44. Suutpi 45. Salu  suut 46. Sumtawng 47. Sangkil 48. Saiton 49. Sunden 50. Siam  Khuam 51. Songh 52. Sawltun 53. Sasawl 54. Suangphah
“ H ” 16. Hampheng	“ T ” 55. Taakdo 56. Tapkual 57. Tapdek 58. Tawitawn 59. Tungeih 60. Thulnuai 61. Tuangdung 62. Tawlet
“ K ” 24. Kawlkhum 25. Khinr 26. Khin  pi 27. Khinsuk 28. Khu-no 29. Kawmheek 30. Khuambaan 31. Katno 32. Kongpi	“ Z ” 64. Zuakpi 65. Zundih
“ L ” 33. Lupna  pi 34. Liangzawng

KHANGLUI INN LAM ZIA by zomizolai

Read More