NA THUMANG HI
Khitui Gospel tawh mun tampi ah cialpi i bawl khawm a, khanlawhna lianpi i mu khawm hi. Lai Siangtho leh Kha Siangtho deihna zui-in Khitui Gospel ki-ukna ngatin khauh mahmah hitase leh na zui zo a, na thumang hi.
Khitui Gospel tawh mun tampi ah cialpi i bawl khawm a, khanlawhna lianpi i mu khawm hi. Lai Siangtho leh Kha Siangtho deihna zui-in Khitui Gospel ki-ukna ngatin khauh mahmah hitase leh na zui zo a, na thumang hi.
LO KHAWHNA BAWNGVAN HA TAMNEI TUNG PAN KIA
Gospel pai cianga kithuah bek hiloin Kalaymyo Khitui Gospel Home ah zong nasep nong huh zel hi. Huan sungah meh lei i bawl a, i veng pa’ bawngkap i cial hi. Bawng lokhawhna tungah tuangin huan sung lo na kai a, bawng lokhawhna van tung pan nong thalkiat mawk hi. Na khuapih khangno ten “Lawmlawm sam Dal Thawn” ci-in hong nuihsan ngeingai uh hi. Tua hunte hun nuam mahmah himawk mate Thawn.
Gospel pai cianga kithuah bek hiloin Kalaymyo Khitui Gospel Home ah zong nasep nong huh zel hi. Huan sungah meh lei i bawl a, i veng pa’ bawngkap i cial hi. Bawng lokhawhna tungah tuangin huan sung lo na kai a, bawng lokhawhna van tung pan nong thalkiat mawk hi. Na khuapih khangno ten “Lawmlawm sam Dal Thawn” ci-in hong nuihsan ngeingai uh hi. Tua hunte hun nuam mahmah himawk mate Thawn.
PASIAN IN DAN HONG PIAZAW MAI HEN
Kanpalet gamkhen ah mission i sep lai-in Khitui Gospel Team panin Syama Khawl, Syama Niangnote tawh missionary in kum nih va kipia ve, kong ci hi. Lai Siangtho sangkah nuam lua nahih manin “Lai Siangtho sangkah dingin khensat khin lua ing, Pasian in hong sat leh zong hong satzaw mai hen, Lai Siangtho sangkah ning” nong ci a, i team bupin i nui ngeingai hi. Na khensatna bangin sang na kah takpi a, Rev. Dal Thawn Tuang na suak hi, kong angtanpih mahmah uh hi.
NAHI NIMNEM THEI PHADIAK HI
1997 hi-ngel inteh, Haka Ciimnuai ah cialpi i bawl a, i ciah lam ciangin na van teng nong mangsak a, nang van bek hiloin i drum van hon khat zong mang ahih manin “Lawmlawm Dal Thawn” kong ci gamhgamh mawk hi. Khatvei beek tuabangin hong tai gamhgamh nuam lai sing ee maw Thawn.
BUAIH PUANTUALPI TAWH TAI VEVA
I muh ngei buaih late puantualpi tawh damdamin pai zel uh hi. Na buaih lak ni in Khitui Gospel pan ahi thei tengin kong uap uh a, gilkial danggtak a ka om khak ding uh dah nahih manin na buaih puantualpi tawh ka nek ding uh vaihawmin na tai taltal mawk hi. I lawmte a nuih uh za lua kawi keei uh a, ken bel “Nang vai in buai lel, ko ading ngaihsun selo, kua buaihpuan tawh tai veva ngei aihia?” ci-in kong hap lala hi. Hih buaih pen kum 22 zang man nahih manin i lungdam mahmah a, “Topa in hun hong pia lai zek leh hoih ngel ding hiven maw Thawn” ci-in ka kha tautau zel hi.
Kansauzang leh Cikha ah nong sep ciangin i kinai kik a, Itna Innpi ah nong baang pahpah hi. Itna Innpi lamna a kisam van tampi Tedim panin nong puato zel hi. Hong phawk ing, hong goih mahmah ing Thawn aw. Lamzang tate lak panin hong maingap pen khat nahi a, khatveivei zong nong dawng giapgiap thei hi. Hong ngai ing, hong phawk ing, Thawn aw.
LAMZANG PAN PASIAN NASEM TAMPI PIANG
Khanlawhna gah limci mahmah khat nahi a, nang tungah ka lungkim mahmah hi. Lamzang panin Pasian nasem khangno tampi nong piangkhia uh a, ka angtang mahmah hi. Ahi zongin hong paisan baih thei lua nahih manun pangpa ka kisa mahmah hi. Topa gelna thukim zawh ding ka kisin a, haksa mahmah hi.
PA AW AMAU BANG AHIH UH THEILO AHIH MANIN
Nang tunga khut hong nga kua hiam? cih ka thei kei a, ahi zongin sinlai gulingbang hong do vanvan thei zel hi. Tua hun ciangin a na i sepsak pa Topa Jesu kammal ka phawk hi. “Pa aw amau bang ahih uh theilo ahih manun a mawhna uh na maisak in” cih Topa kammal bilkha ah hong ging ciaiciai zel hi. Nang zong a phawk thei hilecin tuamah ci ding, cih tawh ka kihehnem uh a, nangma tha khek ding na tate Topa Pasian in lamsang mahmah ta hen, cih thungetna leh thupha piakna tawh mangpha kong khak uh hi
0 Comments