Nidang lai-in sumkuang khat leh tui-vasa nih bual neukhat ah khuasa in om a, tua sumkuang pen a hih leh kamtam mahmah in athugen ding beitheilo bek thamlo in a mathugen zong za kikkik nuam hi.
Kum sawtpi tua Bual(ေရကန္) ah ong om khit uh ciang in, guah zu lo ahih man in a bual tui ong bei bei in ong keu hi. Bual tui ong keupet mah ciangin tui-vasa te nih zong tuamun ah nun tak ngap nawn lo uh a hih manin kikhin ding in ongki ho uh hi.
Atawpna ah tui-vasa te nih in sumkuang kiang ah "lawm aw ko hihmun ah nuntak ngap nawn kei ung, na ki khin mainung" ci-in mang pha a khak' ciangin Sumkuang in zong "lawm te aw, Hehpihna lianpi tawh kei Kia bek hih mun ah ong nu sia peuh mah kei un, Nong nusiat uh leh ka si ding hi" ci-in thum hi.
Sumkuang pen leng thei lo ahih man in Tui-vasa te'n zong ong ngaih sunsun a, a tawp Na ah idea khat ong ngah in, Sumkuang kiangah "Ko ciangkang khat alang leh alang ah ong pet nungin nang alai ah, Tua ciangkang pet inla leng khawm ni, Ahi zong in PAU KEI IN, napau leh kiading hi teh" a cih ciang in sumkuang in zong thu Kim in Tua bang in ong leng uh hi. Khua khat ong nawk uh ciangin mi te'n lamdang sa mahmah in en ngeingai uh hi. Sumkuang zong a kamtam mahmah khat a hih man in paukhia nuam lua kisa in a ci bang ze liang hi.
Mi te'n lamdang sa in a gen ngeingai a muh ciang in Sumkuang zong ki-ip zo nawn lo in ong pau khia a "Mihai hon, No vai tawh buai lel vevua" a cih leh a kamin a sing pet nawn lo a hih man in leitung ah Kia suk in a hawng kitam in khen tampi kisuah a tuamun ah kamtam Sumkuang ongsi hi.
Hih tangthu tawh kisai;
Sumkuang pen leitung leh tui sung ah om dan asiam mahmah hang in vantung ah alen ciangin siamlo in ong sihlawh hi. Ei mihing te zong Pasian ong koihna mun(ih panmun) ih ki theihsiam kul hi.
Sumkuang pen leitung leh tui sung ah om dan asiam mahmah hang in vantung ah alen ciangin siamlo in ong sihlawh hi. Ei mihing te zong Pasian ong koihna mun(ih panmun) ih ki theihsiam kul hi.
Hih tangthu in Bang ong hilh???
Tui-vasa te in Sumkuang kiang a warning pia khin hi, "PAUKEN!!"
Khat veivei ciang ih pauloh hunding, ih gen khiat loh ding thu tampi Mimal in, innkuan in, pawlpi in, kipawl Na in nei ciat hi hang.
Tui-vasa te in Sumkuang kiang a warning pia khin hi, "PAUKEN!!"
Khat veivei ciang ih pauloh hunding, ih gen khiat loh ding thu tampi Mimal in, innkuan in, pawlpi in, kipawl Na in nei ciat hi hang.
Pauken! Gen ken! Ong ki cih leh paudah pah lel in! Kam tamlua lawh cing om lo hi.
Shared by>>>Michael KT
