Tuteng Zomi sung ah Music lam ngaih sut na tampi hong ki khakhia'
Ih la khum or CD hawmkhiat te deih bang in ki zuak zolo cih thu vive hi. Hih teng kasim sim ciang khat leh khat theihna ki share khawm ding hun hong tung taktak ta hi cih ka mu hi.Hih kong kikup ding thute pen 1993-pan tuni dong ka experience tungpan hong kikum ning. Mimal muhdah na leh langpan na thu khat zong omlo ding hi .Like leh comments lunggulh na hi lo in a tawp dong na sim vua leh lah hong comments thei lua uh teh.
Music thu ih gen ciang,(tom, kim cing) ding pen haksa mahmah bek lo in ih tom at luat ciang kitot ki sel na hong piang sak den hi. Ahih hang a tom thei pen ding in hong hamciam ning. A thu a tom theih na ding inTulai aa ih lung sim puak te, Ih zat dan a hoih hetlo POI mahmah kasak pawlkhat leh Zuih suak ding hoih kasak mahmah thute tawm gen ni.
(1).Music pen a mah kia in om lel leh it huai mahmah na pi-in nang leh kei ih ki hel ciang a hoihlo,a deih huai lo kih suah kha thei hi. Music nasep zong specialize or professional na sep mah mah a hih lam phawk ni.Ei zat dan ah ni thupi, mun thupi ciang, ih lawm/ih gual or ei aituam deih sak in ih hih nop tha pai khawl bawl phot zaw in ,(Politics)
A kilawm a ki tuak mite mah ma pang sak phot phot ni.
Hih thu pen thupi mah mah aa ,State tung kahnop lel tawh zo ngaplo aa ih ki pei pei pen mipi tha dah sak leh cimtaak sak hi. Hih thei leh band khat in la dawng 4 val tumkei lel henla a tumkhak dawng li teng limtak tel in ngah leh zaknop zaw in mipi tha lawp sak zaw ding in ka mu hi.
(2) Know What you doing ( Na Na Sep Na Tel Hiam )
Music arranging bawl khat in abil sung ah tua music teng a kitum ziah ziah a zak kei leh arranging a seploh zawk ding hoih zaw hi.
Tua mah bang in Lasa khat in La khat peuh peuh Country Style hi leh bang ci ding , R'N'B , Reggage lam hei leng koi ci ding cih ih gel kholh thei kei leh , nung kik aa limtak sin pha mah mah kan pha mah mah kul ding hi.
Concert tum ding hanciam pih leng "ko professional ding sawmlo cih ziau," Mimai ah ding khakei leh lah thu tuam tuam phuamg ki tam lua, Kam tungnung peuh gualzo zaw sawn sawn !!!
(3) MutPu in mun ngah lua,
Music thu a thei mawhlo mi khat pen nakpi in a mah leh a mah hong ki advertise masa khollo den zaw hi, tua kawm kal ah mutpu in munla in, migen a zakngei tengtawh mut ziah ziah in a tamzaw puk dipdep in, information man ngiat lo a hih man in , a result zum huai mah mah in , midang peuh ngawh ngawh lel hi.Tua a hihman in a thei tetung thukan tel ding kisam mahmah ta hi.Nau te bang in Rap tawh "mun khem peuh ah, Mutpu, Khua Khem Peuh ah ( Mutpu),kipawl na khem peuh ah (mutpu ) ci aa la hong phuah ding uh bang lau liang hang!!!
(4). Zomi Namni bang ciang , ngeina lam/ la te naakpi tak in hih ziah ziah in , hih popular music pen zindo na entertainment in zang ngiat ding. A vek aa ih gawm nei nai ciang bang mah siangtak in ki dawk zolo den a hih lam zong lesson lak siam ni.
(5) Lawm Lawm zaw zen,
kawlgam ah IC te minthang mahmah in siam mahmah uh hi. Inn khawng ah ki lengla leng music thu mah ki gen tangtang in , Gtn: tua soul music lam koi cih na vua ,chord voicing koi cih cih khawng ki dong tuak lel hi na pi , ei IC fan ten bel, ko pawl pawl Ui Pi vak aa zong hong mulo zaw zen thei mawk!!!! hahahahaha,
EI Ih neu tung aa ih ki theih pen 5 mintes khawng ki ho khak tawh IC te thu hong hilh pah ziah ziah zaw zen, cih din mun hi sam hi hang.
(6) Music lam makai pi ding pen a siam/a va pian mah maikai ding in hong pia ta un.
Pawikhat ih bawlsawm leh fund sum a kicing in zong masa zaw ni-in cingtaak tak in bawlsawm ni. Free tawh bel picing zo mah mah lo in,Namdang te mai ah ih thanem na te ki pholak khia nawn kei ni.
Zop Suak Ding Thu TE
Zola CD ngaih sa hetlo ta leh phun kawmkawm aa nonglei sak uh pen lungdam hong ko ko ung.
Concert zong om zelzul ta leh tha nong piak ngau ngau lungdam lua ung.
Ih la te Country pan khantoh sawm ni in , style tuam tuam , tua style te bang ci bang thu tawh ki gen cih te nak pi in kan lai ni.
Ko Guitar tum teng bang khat leh khat na ki it zaw zen ung, thu na ki kum tang tang nong ung. Kalay aa ka zin lai bang in ko ma aa Guitar siam min thang Pu Pum Za Dal te U San No te bang tawh na ki ho in nuam na sa ung, hih pen zop suak ding thu khat zong hi.
A lau huai thu,
Music criticise ih bawl nop leh , ihbil kha ah bang om cih ih ki theih ma sak ding ki sam aa
Country bil peuh tawh Modern Rock khawng Jazz khawng ki criticize thei sam lo hi. Country bil tawh midang te music "tua ci zaw leh" ih cih nong pen Bogoke Newin ih cih U Nu a hia cih tawh ki bang hi.
La phuak te zong a mau ngah bangbang material tawh hong phuah khiat hi aa , pan pih mah mah ding a kisam hi. Music style te koi ci pai aa , tua style khat ciat in bang thu gen phadeuh cih nak kan huai mah mah hi. Tools tampi tak ki sam in tua tools pen musical knowlegde hi. , Guitar or Pianno siam na , Chording tam pi theih na , style tam pi siam na in tua la phuah color hong hoih sak ding a , a gen thu a thuak na pen tua lcolor in naak pi in hong zem ding a hi hi. Knowlegde is Power !!!
A tom thei ding in ih gen ciang hi ci bang teng hi in, hih a tung aa ih gen teng ih khel zawh leh music tampi mah hong ki khel in hong zak nop zaw deuh in um ing ,mi te in leitung bup minthang la te hun tampi bei aa ngaih sun tum , khel kik , phuah pha aa abawl uh , en nai 40 sung aa a man ding aa ih vik buang ding in a hoih zaw lua hi leu leu !!! A hih hang , sum tawh ki lei na ah bel bang a ci tam cih Marketing lam/ leh Musician te om dan khawl dan mi zah tak theih ding aa koi ci om ding, ci te pawl bel ken hong koih vet kei ning.
Thukhup Na,
Zomi ka it, ka it ih cih leh sepna/bawlna te ah limtak in gel khol sit set in , thu saupi ngaihsun in, mai ih nawt ding hong han thawn ing , a ki ginglo pi bing sawl , a zoh loh ding pi a liangko tung ah suang cih te hih nawn kei ni," State tung ah ki ding sak in , pheituam ki suah sak" a bang a zum huai nenuk thu tam sa lua mah mah ta ing.
Mai nawt ni.
