A 8 VEINA ZOSIAM NASEPNA LAWHCING : TOPA TUNGAH LUNGDAMKOHNA!

THU MASA:
Zosiam nasepna tawh kisai in tu-in kum 8 bang hongcing to ta a, hih Zosiam nasepna ah thungetna, sum leh paai akipan tha leh ngal tawh akihel khempeuh te tungah genzawhloh lungdamna iko nuam hi.

ZOSIAM NASEPNA GAH TE:
Kum 2008 akipanin tuni ciang Zosiam nasepna in Zogam adung avai leh Zomi te teenna munte ah Kha leh taksa damna puak nasep semden a, tu in cina mi 18119 tungah damna thupha puak khin ta hi. Zogam khua 140 bang huam khin ta hi. Tuni ciang ah Siavuan 16 leh Siamah 8 bang kipumpiak khin ta in, Pasian nasem te leh Siavuan Siamah te kipawlkhawm in Zogam leh Zomi te damna dingin itna leh lainatna tawh khaici tuhna ahihi. Zosiam nasep pen lamet leh ngahding cih nasepna hilo in kipumpiak nasepna ahihi.

A 8 VEINA ZOSIAM TEAM TE:

1. Rev. Pau Khan Khai - Speaker.
2. Minister- Pau Lun Min Thang.- Organizer 1
3. Mr. Kam Suan Mung-Organizer 2
4. Rev. Lo Kap Tung Nung- Worship.
5. Rev. Kham Suan Go -Worship.
6. Sia Peter Pau Za Khai- Keyboard.
7.Dr.Cin Hen Thang - Team Leader- Dental
8. Dr. Gin Sian Muang - Team Leader- Medical
9. Dr. Hau Suan Piang - Medical
10. Dr. Thang Sian Muan - Dental
11.Sm. Cing Lam Dim - Nurse (Blue)
12. Sm. Cing Sian Kim - Nurse
13. Sm. Cing Huai Lun - Nurse.
14. Mr. Do Cin Thang - Testimony & Driver.
15. Mr. Sing Sawm Pau - Volunteer ( USA pan hongciah).
16. Mr. Lo Suan Mung - Driver.
17. Mr. Thang Za Tuang - Video Camera.
18. Mr. Zam Khan Khai - Driver.
19. Miss. Cing Don Niang - Volunteer
20. Miss. Vung San Lian - Volunteer.
21. Miss. Dim Lam Kim - Singer.
22. Miss.Sian Ki Cing - Singer.

CENTER MUN TE:

Tutung in Dimlo Center leh Khumnuai Center kizangin Kha leh taksa damna thupha kibawl thei hi.
Dimlo khuazangbup leh akim pan khua 7 hongpai uh a, thupi takin vaidawnna leh muakna Zosiam te nei uh hi, Zogam zumpi pan Health Minister Pau Lun Min Thang leh alawmte mi 3 zong Dimlo khua ah hong kihel thei uhhi. Adiak in Dimlo khua ah zatui zaha tawh kisai in Pa Pan Thang leh Nu Santa te innkuan(Louisville)ten ma hongpang deuh uh a, tualo Dimlo khuami pawlkhat zong kihel uh hi. Dimlo khua ah cina mi 1069 kibawl thei hi. Innteek lampan vai khat peuhpeuh avan deuh pi pen Pa Sawmpu ahihi. Dimlo khuazangbup Hausa te leh Biakna makai khempeuh te thupi kasa mahmah hi. AG Biakinn ah kikhopna leh zato honna kinei in, EBC Biakinn ah kigiak hi. Kha damna angah mi tampi mah hong omthei hi.Topa tawh kizopna thak angah mi tampi leh khitui tawh Topa kiang azuan tampi te nuntakna kimu ahih manin Zosiam te hampha kisa mahmah hi. Khitui tampi tak luang ziahziah ahih manin lungdamna lian mahmah hi.

Khumnuai khua tawh kisai khuazangbup in vaidawnna akipan muakna nei uh a, RC Biakinn huangsungah zin hong tung sak in, Tualpi ah kikhopna biakpiakna hongnei sak uh hi. Akim khua 4 pan mi hongpai uh a, cina mi 1050 tungah damna thupha kipuak thei hi.Kha damna angah mi tampi mah hong om thei hi. Tualpi laizangah kikhopna ahih hangin kuamah apusuak cihbang om hetlo mawk hi. Khumnuai khua ah alamdang deuh thu khat ah, Tg. Lun Min Thang kum 12 kimding khat cina in kha khat val sung damtheilo pen agilpeng na ahih lam Zosiam Siavuan ten atheih uh ciangin Zosiam mawtaw hawl Pa Do Cin Thang in Kawlpi zato ah vapuak in, asum kisam pakding teng Tg. SawmPau leh innteek RC Topa Mang in hanciam in Zato pi ah kipuak thei a, damna ngah uh hi, tua hikei leh gilpeng kitamin asi ding ahihi. Tutungin Khumnuai khua adingin Pa Thawn te unau ( Marshaltown ) ten zatui zaha adingin hong kilim hel phadeuh uh hi.

ZOSIAM NASEPNA HANGIN AGAH TE:

1. Khuasungah Hausa te leh Biakna makai te kipumkhat uh hi.
2. Cina khempeuh tawh kisai ahih manin khuazang bup hipahpah hi.
3. Siavuan ten cidamna thu leh ha kepdan ding thu gen uh a, manpha mahmah hi.
4. Siangthona ding thu kigen ahih manin siangtho lawh uh hi.
5.Siavuan Siamah te in khuaneu khuata te ah kamphen kullo in damna ding thupha vapuak thei uh hi.
6. Sangnau pangte in amuhna tungtawn in Vision sangpipi nei tuam uh hi.
7. Zato atung zolo ding nuteek pateek ten lupna tungpan damna ngah uh hi.

8. Pasian nasem te leh Siavuan Siamah te kipawlkhawm in nasepna ahih manin etlawm mahmah hi.
9. Lasiam te in Pasian phatna late leh Zogam Zomi itna late sa uh a, mipi nosuak tuam mahmah hi
10. Mimal pan Testimony genna hun omden a, tua in kikhawm mite nuntakna kilamdang sak mahmah hi.

A 8 VEINA ZOSIAM NASEPNA AH AKIHEL KHATE :
Tutung a 8 veina Zosiam nasepna ah pekkhat peknih akihel kha deuh te anuai abang ahihi.

1. Pa Pan Thang lehNu Santa te.
2. Dimlo khuami tuamtuam.
3. Pa Thawn te unausanggam teng .
4. ZCC Louisville .
5. Jacksonville Zomi te.
6. Houston ZFHCF
7. Seattle Zomi te.
8. Owensboro Zomi te.
9. Columbus ZMC.
10. Newbern Zomi te.
11. Sia Kapmang
12. Tulsa Zomi te.
13. Canada pan - Tuang.
14. Sawmpau
15. Kimsen
16.Kimnu te unau.
17. San Antonio Zomite.
18. Austin Zomi te.
19.Chicago Zomi te.
20. Portland Zomi te.
21 Zogam Minister Pau Lun.
22. Sia Lian - Suangzang .
23.Indianapolis Zomi te.
24. Bethel Zomi Tuiphum pawlpi - Kalaymyo.
25.Pensacola Zomi te.
26. Dallas Zomi te .
27. Fortworth Zomi te.
28. Maryland Zomi te.
Thungetna leh thapiakna tuamtuam tawh hongkihel khempeuh te tungah Lungdamna lian mahmah hi.

MAWTAW KIZANG TE :

1. Dr. Thang mawtaw .
2. ZYA mawtaw .
3. Pa Do Cin Thang te mawtaw.
4. Pa SK Gin Khan Pau te mawtaw.
5. Rev. Pau Khan Khai te mawtaw.
6. Minister Paulun mawtaw.
7. Pa Sawmpu te mawtaw.

Phaltak in mawtaw hongzangsak khempeuh te tungah Zosiam mintawh lungdamna iko hi.

ZOSIAM TEN NUPI THUNGEN MI 29 NEI:

Zosiam nasepna alawhcinna dingin Bethel Biakinnpi sungah Zosiam te akuan pan aciah dong Nupi 29 te in antang in thungetna Zogam leh Zomi te cidamna dingin hongneihsak uh ahih manin kilungdam mahmah hi.

TUTUNG ZOSIAM MINTAWH CINA BAWL ZAH:

A 8 veina Zosiam mintawh cina mi 2119 kibawl in , khua 13 pan cina hongpai hi. Kha damna angah pen mitampi tak om hi, alist pen Pasian ciapteh dingin kikoih hi. Tui kiphum thak mi 18 om hi. Pumpi siangthona angah thak mi 10 om hi.

A 9 VEINA ZOSIAM MUN DING:

A 9 veina Zosiam munding pen anuai akhua te kigeel phot hi.

Center khatna: Valvum khua.
Center nihna : Haupi khua.

ZOSIAM NASEPNA AH MAPANG NUAM TE:
Zosiam nasepna pen mikhempeuh tawh akisai nasep hi-in Zogam leh Zomite adingin damna khaici atuh nuam khempeuh te tungah nahoih sep theihna dingin itna kongpi kihongden cih thu kongtang ko nuam hi. Zogam khuaneu khuata te ah Pasian nasem te leh Siavuan Siamah te in Kha leh taksa damna thupha puak hen cih ilunggulh leh hih Zosiam nasepna ah akihel thei ihi pah hi. Zomi khempeuh adingin Zosiam nasepna kihong den hi.

THUKHUPNA :

Tuni ciang Zosiam nasepna kum 8 sung hong makaih Topa tungah lungdamna iko masa hi. Hih Nasep pen Topa Zeisu nasep taktak ahih manin tuni ciang hamsatna tampi om taleh nasep kitat nai hetlo in Topa in hong makaih denden hi. A si lian dingin lupna tunga om cina mi 3 te in damna ngah uh hi. Zosiam te zat zatang leh mundanga zatang zatui te kibang dinga ahizongin adamdan kibanglo ding cih Zosiam te thungetna ahihi.
Akihel sa khempeuh leh akihel laiding te tungah lungdamna Zosiam mintawh ikiko phapha nuam hi.

Amen:

Zosiam Bup aitangin,

Rev. Pau Khan Khai.
Zosiam Gospel Ministry.
Jan 24,2017.

Zosiam Gospel Ministry

Read More

ZOMI TAWH KISAI KA THU-UP - J.THANG LIAN PAU

KAWLGAM-MANIPUR-MIZORAMA

ZOMI TAWH KISAI KA THU-UP

 - J.  Thang Lian Pau | Nov. 13, 2002

Thu masa
Kawlgamah Zomi State khat phuh zawh ding ka lunggulhna thu pen i minam makai zaw deuh mi nga kiang khawngah ka genpih khin hi. A thu-a gelhkhiat pen ka sawmsawm hi napi tangtung pak thei lo a, ka tup zawh sawtpi mah hi ta hi. Hih pen a kua mapeuh in lim tak na simsak un la, Leitung gam tuamtuam-a Zomi kipawlna - Zomi innkuan kipawlnate, Zomi khangno kipawlnate, siamsin kipawlnate, minam kipawlnate in lim taka sinkhawmin i kup ding kisam sa ing. A sawt loin Zomi Nam Ni hong tung ding a, tua hun ciangin i deih i tup a taangkhawm thei ding khat pulaakkhia zo leng hoih ding hi. Hih tawh kisai phawk beh ka neih leh kong khahkhia kik zel ding hi. Hih tawh i minam makaite in khawmuhna zai zaw nei dingin zong lamen ing.

CHIN STATE/ KAWLGAM ZOMI
Kawlgam ah khang khat taang ding Gen. Ne Win leh galkap kumpi in hong ukcip ahihna hangin suakta takin politics kisai thei lo a, tua hangin politic vai-ah i khawmuhna toi lawh mahmah hi. Tua ahih manin Zomi politician-te leh thugelhmite lakah i minam khawsuak nading khop i mipite pattahna leh lamlahna cihtaak a nei ki-om nai mel lo hi. Tua ahih manin tuni ciang dong Zomite in i lungtup leh i lamet takpi gen ding zong i thei nai kei liang hi.

Zomi sunga minam vei leh minam naseem tawm a om sunsunte in mipi hong lah theih sun uh pen "Kawlgam Democracy dek kuan ta; Suu Kyi suakta ta; NLD leh Galkap kumpi kiho; Democracy gam ten Kawlgam galkap kumpi nawh; Federal system tawh i ki-uk nading," cih bang cil kaai lianga gen cih ciang hi mai hi.

Ute naute aw, Zomi leh Chin/Cin cih kammal ciang khawng tawh a amh bilbial eite (Zomi) in Kawlgam thuneihna pen Suu Kyi makaih NLD leh a kikop ten lain democracy system ki-uk in, Chin State huang kikeekzai-in federal system tawh vai kihawm theihna ngahin hi mah leng, Zomi a kici minamte i khawsuak zo takpi mah ding hiam? a hih kei leh, minam khangto hi loin gam khangto ciang bek i lemlawh kha ding hiam? cihte ngaihsut taak mahmah hi. Minam khangto leh gam khangto kibang lo hi. Kawlgam Zomite mailam nuntaakzia ding tawh kisai ka ngaihsutnate kong pulak nuam hi.

1. Kawlgam in democracy ngah in, Chin State pen Federal State suak mah leh a phualpi ding pen a ngeina Halkha mah hi suak kha ding hi. Chin State phualpi dingin Kalemyo lunggulh in, i hawi tek pong hangin Halkha mipi ten khasuah nuam dek lo ding uh in, Central kumpi in lah Kalemyo pen hong pia nuam lawmlawm lo lai ding hi.

2. State khat peuh, gam khat peuh a nei pen a phualpi koihna khuate-a hi diak hi. Democarcy ngah khit ciang, Chin State phualpi pen Halkha hong hi suak leh Halkha mite pen naakpi in khangto ding uh a, Halkha khua sunga leitang nei teng hong tungnung mahmah ding uh hi. Democracy ngah khit hangin economic lamah kikhang pah hanhan lo ding ahih manin Chin State ah Halkha bek mah kipuah diak zo bek ding hi. Tu lai takin i kisikim bialbial khit hangin tua hun ciangin kikhai hanhan ding ihih manin mi ki-eeng mahmah ding hi.

3. Halkha pen Chin State phualpi in kizang suak leh LAIte leh MIZO ten i vei leh i tak pan hong deep tuak ding ahih manin hun zong sawt man loin amau Pau leh amau Lai kizui kha hamtang ding a, i Pau leh i Lai pen zawm hanhan ding hi.

4. Halkha/ Laite pen Chin State laizanga om ahih mah bangun State kumpi tutphah pen ei sangin amau luah mun zaw kha thei ding hi. Tua hi a, amau State kumpi hong sep hunin Tedim leh Tonzang huang sungah divide and rule policy hong zang kha le uh Zomi leh Zomi leitang teng pen kitamzaan thei ding hi. Zomi sung pan a pialkhia nuam bangzah hiam khat om khol khin ihih manin i kidop mahmah ding kisam hi.

5. Tua ciang, lawmte pen ei bang loin Mizoram ah kizeelin om kip mahmah uh a, Mizote tawh khen theih loh zah dongin hauhna leh pilna lamah khangto mahmah khin uh ahih manin leh politics suaktaakna mun ahih mah bangin ei sangin politics play gina zaw hamtang ding uh muh kholhsa a hihnate hangin democracy hun ciang hong zang hamtang ding uh ahih manin kipha zolo kha ding hi.

6. Tua ahih manin i gam khantoh nading i minam khawsuak nadingin Kawlgamah Tedim leh Tonzang huang teng (bek ahi zongin) baanah zanggam lam i hih theih zah keek sukin ZOGAM STATE phuh kisam ka sa mahmah hi. Zogam State nei leng kua kua'n kumpi a seem zongin Zomi mah hi ding ahih manin Zomi leh Zogam kilomkhawm zo zaw ding hi . I pau leh i lai baanah i ngeinate hong khangto ding ahih manin Kawlgam bek tham loin Manipur-a G-group sung nangawn hong khuikhawm thei kha ding(Hih pen a tuamin gen kik ni).

7. Minam khat peuhpeuh pen a kip, a picin, zahtak a kaai nadingin nidanglai pek pana bulpi-a a neih tohtoh khuapi kician leh kip a neih kul hi. Kalamyo pen khuapi-a i zang thei kha ahi zongin hih khua pen minam tuamtuam kiciaukhawmna sa ahih manin ei aituam hong hi taktak thei lo ahih manin a tuamin khuapi khat i neih ngiat ding kisam ka hi. Khua khat pen Kumpi' phualpi khat ahih kei leh khuapi suak thei taktak lo hi. Sumbawl ten khua puah loin kumpi phualpi sum tamna mun peuh delh zaw uh hi.

8. Zogam State thuneihna-ah State pualam mite(Zomi hi lo) hong lut/hawhnop ciangin permit (Chin hills regulation act zangin ) lak masak ding; State pualam mite in State sungah sumbawlna leh inn le lo nei (kip) thei lo ding; State kumpi nasep zaliante ah Zomi hi lote sep kipsak loh ding; Kawlgam bupa siamsinna lam leh kumpi nasepna lamah State quata neih nading; State galkap tuam neih
ding etc. cih bang lamah pan i lak zawh ding hoih ding hi.

9. Mipite teelsa Zomi minam makai i nei hi. Amau zong i gam i minam adingin ahih theih zahun hong pang ding uh hi. Ahi zongin amau ten a awlmawh masakpi pen amau dinmun ding ahih lam i phawk tek kul hi. Leitung khangthu i et ciangin minam makaite in amau masialna hangin a gam a minam zuak zong phamawh a sa lo a om lam i mu hi. I minam makai ten hong zuak inteh ka cihna hi tuan lo hi. Tua hi a, i gam i minam in ma lam a manawhna-ah sikkhialh a neih loh nadingin Zomi khempeuh in Zomi politics awlmawh a, i pilvan ding kisam hi.

10. Panlong Agreement bawl hun lai zah mahin tu hun zong hun thupi hi. Tua in i pu i pate in amau hun tawh kituaka lim taka ngaihsun a thukimna a bawl uh khial a sa pawl i om lai takin khangthak Zomite a hun tawh kituakin i pu i pate natawm pha zo loin i gamta khial kha diai!

11. Hih banga Zo minam ten State tuam tek i neih hangin suan khat i hihna a bei tuam hi tuan lo hi. I liangko hong kikim zaw ding ahih manin a kisimmawh tuam ding om loin, khat leh khat kizahtaak tek zaw ding ihih manin Zo minamte sungah kipumkhatna om zaw ding hi. Tua hun ciangin Inter-Zo State Sumit khawng bawl zel in, i minister tek khawng kisawl leng nuam vangvang ding hi. Ahi zongin i politics sai pen Zomi sanga a niam zawk leh lah kuamah kikhawsuak zo tuan lo ding hi.


MANIPUR ZOMI
Manipur kumpi in hong uk dan pen patauhhuai seemseem hi. Tua lai takin ei sungah i minam malakna nangh tektek tawh kibang mai hi. Minam vai-ah i lungkim lohna ahi zongin, i lungdam ahi zongin i kidawksaknop ciangin kipawlna mal tawh hi loin, biakna lam a kipan i minam kipawlna teng khempeuh kilomkhawm in Joint Action Committee min ta tawh hi thei leh hoih in um ing.

Tua hi lo-a kipawlna a mal a mala ma i lak ciangin mi hong muhna hi in, ei le ei i kimuhna hi ta leh lungsim hong bun lua zolo hi. ZORO pen tua pawlte malakna, UT pen tua pawlte malakna, tua pen tua pa makaihna ci-a ei le ei natawmin i kicihsan hi. Tua hi loin i minam in a deih khat ahi zongin, a deih loh ahi zongin i minam bup' deih, deih loh a hih theih nadingin biakna kipawlna, numei kipawlna, khangno kipawlna, minam kipawlna, siamsin kipawlna - i minam sunga kipawlna om teng panghuanin JAC min tawh ma kila thei leh mi'n zong hong zawhthawh bawl ngam lo deuh ding uh hi. Tutunga Lamka Radio Programme vai tawh kisai bang!

Tua ciangin, i patauhnate i cihmawhnate pen Central kumpi kiangah koh kiva in, Manipur kumpi in hong uk siam kei, hong uk dan ah kote adingin patauhhuai, amaute nuai-ah om zel ding lungmuanna ka nei nawn kei uh cih lam hah gen zo leng hoih ding hi. Manipur-a Zomi sung haksatnate a ve'ng taktak nading pen Kawlgamah Zomite dinmun a hoih masak phot kisam in thei ing.

MIZORAM ZOMI
Mizoram ah eimi pen tam mahmah napi, hong ki-ukcip lua mahmah ahih manin i pau i lai zat ding natawm i kisungsia hi. Ahi zongin i lungsimah Paite/Zomi i hihna bei thei lo hi. Mizoramah eimite bek mah siksan ding a nei lo kihi a, mi'n zong hong enniam phadeuh hi. I minam ading malakna khat peuh neih i sawm ciangin lah "kituam bawl kei un" hong kici in, ahi zongin hamphat nading ah hong deidanin hong tuam bawl uh hi. A haksapi pen Mizo in hong kisim nuam lo a, ahi zongin Mizo i kicihnop kei leh hong kizadah mahmah leuleu hi. Tua ahih manin Mizoram ah i minam khawsuak nading pen a vui a tang tawh hi loin a thu a la tawh i sep kisam hi. A poimawh pen lungsim suahtaak lohna hi a, tua pen thu leh la tawh i photkhia ding hi. "Pau tuam, Lai tuam, ngeina tuam nei ka hih hangun hong en tuam kei un, hong gimneih kei un( Tawng hrang, literature hrang leh culture hrang nei ka nih vang ngawt in min en hrangin min nghaithei lo suh u)" cih kammalte i zat siam kisam sa ing.

A tawpna -ah hih bang teng ka ngaihsutna ahih manin Zomi mah a ci ngaungau den hi ing. Zomi adingin mailam ah lametna nei lai ka hih man hi. Ei pen Zomi min tawh kilomkhawm a, i khawsuak kei leh kihamsia seemseem ding hi.//

Sialkal

Read More

" WELCOME HOLY SPIRIT " MYANMAR NEW PRAISE & WORSHIP ALBUM 2017

🎶Welcome Holy Spirit🎶
(မဂၤလာပါသန္႕ရွင္းေသာ၀ိညာဥ္ေတာ္)

 USA နဲ႕ Australia အတြက္ေခြမ်ားကိုႀကိဳတင္မွာယူလို႕ရပါၿပီ။

1. USA, Ko Khai Sawm, Ph:+1( 918)-644-6500
2. Australia, Syama Suan Cing Ph: +61470513455

💙မဂၤလာပါ သန္႔ရွင္းေသာဝိညာဥ္ေတာ္ (Welcome Holy Spirit) Praise and Worship album (DVD+CD သီခ်င္း ၁၄ ပုဒ္ )ကို January 29/2017 ေန႔တြင္ ျမန္မာျပည္ႏွင့္ကမ႓ာအရပ္ရပ္တြင္ စတင္ျဖန္႔ခ်ီေတာ့မွာ ျဖစ္ပါေၾကာင္း သတင္းေကာင္းပါးအပ္ပါတယ္။

Composer - Kim Pau ( FGA-Singapore )

Youtube Link>>>click here

Read More

ZANGKONG AH ZOMI SAI THAK

Zangkong tamwe uksung, Kyauk Myaung veng, Thadipahtan (tadih pathaan)

 lampi tung ah Zomi sitset Pu Dongh Cin in ansai pi khat hong hongta ahih man

lungdam huai hi. 

 

Sen an tuamtuam kingah aa limthei mahmah hi.

Hih veng ah Zomi sitset inn 50 val om ih hih teh kha khat in khatvei ta

beek tha vapia tek lehang noptuam mahmah ding hi.

Hong dinsuak zawhna ding in thapia cia ni ei guai.

Jan 20th,2017

Friday 

Read More

ZOMI SUNG AH A ETTEH HUAI MAHMAH , LIA LIAN MUN CIN@Ciinta THU

Zomi sungah a etteh huai mahmah 
Lia Lian Mun Ciin @ Ciinta thu 
Born - April 1991 
Sanna - 5' 3"
Numin - Nu Niang Ngaih Dim
Khamkhua - Tonzang
Tulaitak omna - Singapore 
Pawlpi - Tedim EBC
Ukna - Laibu sim/ badminton kimawl

Lungsim a gennop thu - Pa tawh khangkhia lo a, hi ciang hongtun, ka Nu in 
genthei pipi a hongkep, hongkhoi, honglapsang nate kamuhteh ko ading in
ka Nu tawh bek zong kicing mahmah hi.


Nasep sawmte, 

1. Kawlgam Movie tawh kizom in Christian story zaih ding gelkhin Actress
     min Lian Mun Ciin mah zangding. Shooting pen - May le June kha sung hiding. 
    Actor ding pen - Nay Dwey hi ding. Director ding zong Christian thu um khat
    mah hi in kiho khin. Kawlgambup a hawmkhiat ding 
    (Pawlpi sung kia hawm hilo ding)

 2. Mailam ah sepnop -- Mailam ah Pasian in hong makaih toto henla, kei i 
    septheih sunsun tawh i Zogam, Zomite ading Phattuam na kabawl zawh
    nang hamciam sawm ing.

ZYA Myanmar Network

Read More

A 11 VEINA ZOMI BUP CIALPI 2017 MALAYSIA

11th ZOMI BUP CRUSADE PI 

MALAYSIA    2017 

" KEI THO IN CIAH NING "

( Luke 15 : 18 )

         Speaker : Evan. Langh Do Khup 

            

 Venue : FGA Khuchai Lama 

  Date : 27 - 29 , Jan 2017 

Time : 6:00pm - 9:30pm

Bus Contact : Pa.Thang Khek - 017 364 3391 

           Pa.Tuang - 016 282 3180

      Ngopu - 012 249 8136

Organized by Zomi Christian Fellowship ( Canaan ) 

                                               Bus Contact List 

Zomi cialpi tawh kisai in Maan post ding 2 hong suak hi ah post kuamah
peuh tung ah zong lungdam huaimahmah hi Zomi te in Ah Nung ta Pasian
ih Biak piak ding Satan in hong ha za in Mun(Hall) vai in tawmkhat hong 
lunghiang sak hi. 

Hi mahn ta se leh Ah tawp.na ah Topa in Biakpiak nang
mun tam pi hong gel sak zaw hi Mipi te ading a lemtang pen ding ngaih sut
na tawh FGA biakinn zatlui pen mah ki gel ah hih man in Chin Wood mun 
pen ah post kha te in mun tawh ki sai Lung hiang loh na ding in Full Gospel
Kuchai lama tawh laih in post tek ni aw 

Note:Chin Wood mun ki ngah khit teh FGA te in mun hong pia lo khin pen hong
piak kik ahih man in FGA ah ki khel.kik ahi zaw hi lungdam
by  Thomas Piang

Read More

2017 KALAY UNIVERSITY ( zomi siamsin kipawlna ) FRESHER WELCOME & EXCURSION

                                                     **************2017 kum***************

                                                      Zomi Siamsin Kipawl na,KU 

                                            FRESHER WELCOME & EXCURSION
                                                       ------Ticket ki lei theita hi--- 

                           #Siamsin a kua mah peuh hi thei hi.#Mi ki limit a hih manin,

                                a manlang in ticket nong lei na ding un ong sam ing.

                                                        #Mi khat -4000Ks
                           # major Leader te kiang Or Makai te kiang ki lei thei ta hi

                                    မွတ္ခ်က္- #Ticket pua lo peuh mah zui sak lo ding!

Lakna>>>Zompi

Read More

US PRESIDENT THAK MUNLAKNA LAMDANG, VANTUNG GIM NAM BY JOHN THANG HUM

US Kumpi thak munlakna leh thupha piakna tuni Jan 20, 2017 zingsang nai 11:00 CT hun in kibawl a, vai khempeuh nai khat sungin zo hi.Kumpi thak Donald Trump leh aki thuahpih ding Vice President Mike pence in kiciamna la a, tua khit ciangin kumpi pa in thugenna nei hi.

Tutung kumpi ki-aapna pen nidangte tawh kibanglo khat om hi. Thungen ding kisehte lak ah, nidangin Muslim siampi te zong thupha pia ding a kihel sak hamtang in stage tungah bangah Muslim siampi te tu deetdaat uh pen, tutung in ahih leh Muslim siampu kihel lo hi. RC Bishop Orthodox siampi, Baptist, Presbeterian leh Parachurch minister te, mivom, mikang leh Hispanis pastor ki kihel kim hi. Parachurch Ministry pastor te lak pan Flanklin Graham leh Paula White a hihi.  

Thungetna (thupha piakna) te ah, Jewish siampu pa simloh in Jesu Khirs min in kong ngen uh hi, ci tangtang hi. President Obama hun lai in, Rick Warren in thupha piakna leh thungetna a neih pen, Jesu min suanglo in thungen hi. A kiup mawhna ah Jesu min zat loh ding ngiahsutna kipia hi kha ding hi.

Donald Trump in a thugenna ah, “Kei” zangh lo in, “Eite, I Gam, I minam, eimau” cih tamzat ahih manin miten diksa hi. Lai siangtho kammal nihvei azat ki mu hi. “ En un sanggam te pumkhat suak a, a tutkhop ciangin bangzah et lawm hiam? cih mun pen, ki thutuakna ding, pumkhat suah ding a kulna tawsawn na in zangh hi. Tua leh,  I gampen galkap ten hong kem ding a, a hi zong tua tungah Pasian in hong kem ding hi, cih zangh ahih manin Pasian muang mahmah ahihna ki mu thei a, thu-um mita ding husan hong nuam hi.

Kha lamah nang kuan hong mentor hiam? cih a kidot ciangin, Positive Thinking a pan khia pa Norman Vincen Peal hi, ci in gen hi. Ahi zong a pianthakna pen Paula White hi ding ki um mawh hi. Paula White a kidot ciangin, ka gen dingte tang takin ka gen hi, Jesu Khris a san ding ka gen hi, ka biakinn ah hong kikhawm zel hi, ci in gen hi. A daan ah, Flanklin Graham leh Paula White pen Pasian nasem te lakah a pahtak pen ding ki muthei hi.

A beisa a ama mai a thupiangsa vai pawlkhat bel hong nilkhia hamtang ding ki um mawh hi. Gentehna in, gay marriage leh nauphiatna, numei pasal tuibuk zat khop nate leh pawlpi in neih kibang te kiten sak  theih nading te pen Chritian upna tawh kilehbulh a, freedom of religions sukha in, US thukhun tawh kituak lo hi. Hi te pawl sumai kha ding hi.

Politician ten amau summet bawlna bel in a mun uh zangh hi. Mizawng te donlo hi. Tu’n tua hun beita hi, ci giapgiap hi. Anungah tu, president luite, senator te pawl in a mit uh phe laplap uh hi.

Pasian thutawh a gente leh midia te in kuakua kumpi a sem zongin vai sah mahmah, chalenge tam mahmah ci in gen hi.   

Hun man ciangin kumpi thakpa te nupa leh anuai-a vice-P te nupa in, kumpi luipa aciah nading, helicopter kiang dong vakha a, nuihmai sa in kihoho uh a, nopci mahmah hi. Amu kha ten I makaite nopci lua ci ding hizen hi.

US kumpi thak tawh kisai in, adeihlo ten lungphona nei ding a kisasa zong om a, zomi te na ngawn (pastor pipi) net sung, facebook leh viber te sungah ki totpih, ki ko bawl liangzong ki om a,  Tu in tua hun beita a, hong kahto kumpi te panpih ding bek hi ta hi.

Tuni kumpi thak muakna ah vantung gimnam kisa mahmah hi.

“ En in, kei kong pai baih ta ding hi, Mikhempeuh a gamtatna tawh kituak in thaman kong keng ding hi” A puansilh a sawpsiangte in nutakna sungkung ne ding a,  khuapi sungah lutkhuan ngah ding hi, Topan ci hi. Mang 22:12-15)

Src:zonet

Read More

UNIVERSAL DECLARATION of HUMAN RIGHT ( Zomi Version )

Mihing Hamphatnate Khuavannuai Tangkona

(Universal Declaration of Human Rights in Zomies version)A tei khia: Tual Khan Suan

Proof-reading: Rev. Khup Za Go

Thu honna

Mihinga minpiang in pianpih vaang, kuamah in a phiatkhiatsak thei loh leh a kikim ciat hamphatna nei ciat hi, cih kisansakna pen leitunga suahtakna, thumanna leh kihotheihna bulpi ahi hi.

Mihing in a ngah ciat uh tua bang hamphatna kithusimsak lohna, kisimmawhsakna in mihing lungsim ngaihsutna kisiasakin siahuai taka gamtatna dong tun thei a, mihingte khempeuh in upna leh ngaihsutna bang pulakkhiat theihna, launa patauhna pan suakta a, cihmawhna pana suahtakna pen mi kim in a lunggulh lianpen uh ahi hi.

Mihing khat in haksatna tuak a, cih na’ng dang om nawn lo-a tua banga ki-uk cipna leh kinencipna langpana kinawk a kul nangawn ciangin mihing khat in a ngah hamphatnate pen ngeina bangin letsak, hutsak ding kisam hi.

Gam khat leh gam khat sanggam banga kizopna mainawtsak ding kisam hi.

UN pawlmite khempeuh in mihing ngah hamphatna bulpite akipan mihing khat in a neih vaang leh manphatna, numei leh pasal in a kibang hamphatna ngah hi cih thu Thubulpi sungah kipsak pha kik uh a, a tangzaizaw suahtakna sungah a buppi-a khantoh nading, nuntak manphazaw tawh nuntak zawh na’ng hanciam hi.

Kumpi gamte in zong UNO mah tawh sem khawmin suahtakna thubulpite leh mihing hamphatnate zuih ding leh gam khempeuhah zahtak ciat ding thu mainawtsak ding kam ciam khinzo uh hi.

Hih kamciamna a tangtun kim zawh na’ng kuamah peuh in suahtakna thute leh hamphatnate pha taka a theih kim ciat ding uh a kisam thupipen hong suak hi.

Tua hi a, mi kim in ahi zongin, minam sunga kipawlnate khempeuh in a hi zongin hih Tangkona pen lungsim sungah vom tawntungin, hih hamphatnate leh suahtakna thute in a mainawt nadingin kihilhin ahi zongin, lai tawh kisinsakin a hi zongin, a mainawt zawh na’ng lampi satin a hi zongin, gam khat sungah hi taleh, leitungbupah hita leh a hanciam dingin, a kipawl gam mite sungah a hi zongin, amau uk sunga gam mite sungah a hi zongin mannei tak leh leitungbup huapa a kizuih, a kisan nadingin kumpi gam khempeuh leh mihing khempeuh in matutnapi khata a san ciat dingun tuin UNO Gambup Khawmpi in Hih Mihing Hamphatnate Khuavannuai Tangkona thu hong pulak hi.

Thu 1.

Leitung mihing khempeuh a suah tung limlimin a suaktasa-a piang hi a, hamphatna leh vaang a kibang ciat ngah uh hi. Thu lungngaih theihna leh a sia a pha khen theihna thupha ngah uh a, sanggam khat hihna lungsim tawh khat leh khat a gamtat ciat ding uh ahi hi.

Thu 2.

Mi khempeuh in minam hang, meel pianzia hang, numei-pasal hihna hang, kampau hang, biakna hang, gam sung ki-ukna hang leh ngaihsutna kibat lohna hang, gammi hihna leh suahna khanna hang, neih leh lam hang, pianna leitang leh za dang khat peuhpeuh hanga kideidanna om peuhmah loin hih Tangkona sunga kigen hamphatna leh suahtaknate khempeuh ngah kim hi. Tua bek hi loin, mi khat peuhpeuh pen a tenna gam a suakta gam hi ta leh, gam khat vaihawmna sungah a ki-uk lai hi ta leh, amau leh amau a ki-uk tuam nai lo gam hi ta leh, kumpi gam sungah ki-ukna ciangtan nei khat sungah a om hi ta leh, tuate paulamin kideidanna om thei lo ding hi.

Thu 3.

Mi kim in ama nuntak theih nading, suahtak nading leh lungnopna ding
hamphatna ngah hi.

Thu 4.

Kuamahmah silain kinei thei lo ding a, kuamah kisila bawl thei lo ding hi. Bang bang hi leh sila vaia sumbawlna peuhpeuh kikhaam hi.

Thu 5.

Kuamah kigawtbawl, mulkimhuai taka kibawlsiat, mihing banga ki-en lo, kineuseek hiam kigawt hiam phal hi lo hi.

Thu 6.

Mi kim in upadi maiah mihing ngeina banga mun khempeuhah ki-et ding hamphatna ngah hi.

Thu 7.

Mi khempeuh upadi mai ah a kizakim ciat hi a, upadi tawh kituakin kideina om loin a kibanga ki-et ding thu ngah ciat hi. Hih Tangkona palsata kideina ahi zongin,
kidei na’nga kihanthotna ahi zongin a om zenzen leh kuamah peuh in a kibanga
hut theih na’ng thu ngah ciat hi.

Thu 8.

Upadi in ahi zongin, thu bullet in ahi zongin a piak hamphatna bulpite palsatna
peuhpeuh a kituahpih thukhen zum in a phataka a hut nading mi kim in
hamphatna ngah hi.

Thu 9.

Kuamah upmawh thu tawh kimat ahi zongin, thongah kikhiat ahi zongin,
gamdangah kipuakkhiat ahi zongin ngeina lo hi.

Thu 10.

Mi kim in ama ngah hamphatna tawh kisai ahi zongin, mi khat’ tavuan
tawh kisai ahi zongin pen guptuam paihtuam a nei het lo thukhenna zum
khat in tangpi theih leh a kilawm a kituaka thu a sit hamtang ding a kicingin
hamphatna ngah kim ciat hi.

Thu 11.

(1) Khialhna nei hi ci-a mi khat a kingawh peuhmah leh tangpi theiha thu kisit a,
amah leh    amah a kihut nading ngeina banga a kihut khit
cianga upadi tawh kituakin a mawh mah  hi a kicih matengin tua mi pen
a khial lo bangin ngaihsut ding a hi hi.

(2) Mi khat pen khial hi a kicih laitaka leitungbup upadi ahi zongin,
gambup khat upadi ahi   zongin tawh kituakin a sem lo kha hiam,
a sem khial kha hiam ci-a mawhsak theih na’ng     thu om a hih kei buang leh,
a nung ciangin mawh hi cih theih na’ng thu om lo hi. Mawhna a bawl laitaka gawt na’ng ngeina zah sanga gikzaw gawtna zong piak theih hi lo hi.

Thu 12.

Mi khat peuh mipum thusim ahi zong, innkuan thu a hi zong, innsung thu a hi zong, lai kikhak a hi zong tawh kisaiin kikausi phum mawk ding ngeina hi lo a, kiminsiatsak mawkmawk theih zong hi lo hi.

Thu 13.

(1) Mi kim in ama gam sung mun khat peuhpeuhah lal kawikawi thei a, mun khat               peuhpeuhah ten theih na’ng hamphatna ngah hi.

(2) Mi kim in a ut nak leh gam khat peuhpeuh, ama tenna gam nangawn nutsiat theih         na’ng, a ut nak leh a kileh kik theih nading hamphatna ngah hi.

Thu 14.

(1) Mi kim in bawlsiatna tawh a kipelh theih nadingin gam dang khat peuhpeuhah huhna     nget ding ahi zongin, buk theih nading ahi zongin hamphatna ngah hi.

(2) Hih hamphatna pen nainganzi vai tawh kisai lo-a khialhna ahi zongin, UN’ ngimna leh      thubulpite tawh kisai lo-a khialhna a hi zongin a hih leh paulap thei lo ding hi.

Thu 15.

(1) Mi kim in kumpi-gam uk khat sungah gammi suah theihna hamphatna ngah ciat hi.

(2) Gam mi a suahna pen a mawkna tawh kiphiatkhiatsak ziau thei lo ding a, gammi khat     pan gammi dang khatah a laih nop leh laih theihna thu zong kuamah
in nial thei lo hi.

Thu 16.

(1) A khankhin numei pasalte pen minam ahi zong, gammi ahi zong, biakna ahi zong hangin zi leh pasal-a kineih ding kikhaam thei lo a, inntum khat suanga kipat
theih na’ng hamphatna ngah uh hi.

(2) Kitenna pen a kiteng dingte gel’ utna leh thukimna ngiat bek tawh piang thei ding hi.

(3) Innkuan pen minam khat hihna sungah leitung ngeina leh a kip kipawlna khat suak a,     Kumpi leh minam hihna in a hut ding thu ngah hi.

Thu 17.

(1) Mi kim in neihsa khat peuhpeuh ama aipengin nei thei a, mi dang tawh zong kipawlin     nei thei hi.

(2) Kuama neihsa thu kician lopi-in mawh suhsak theih lo hi.

Thu 18.

Mi kim in thu ngaihsut theihna, thu khentat theihna leh biakna tawh kisai suahtakna ngah hi. Hih suahtakna in biakna leh upna khek theihna suahtakna zong huam a, a biakna hiam, a upna hiam tawh kisai thuhilhna, zuihna, paaina leh tanna pulakna zong amah beka hih theihna, mi dangte tawh kipawlkhawma hih theihna leh tangpi maiah hih ding leh amah guakin sim hih theih nading suahtakna zong huam hi.

Thu 19.

Mi kim in ama deih bang ngaihsut theihna leh ama deih banga pulak theih nading suahtakna ngah hi. Hih suahtakna in kuamah in nawngkaisak se lo-a mi dang’ thu san theihna ahi zong, gamgi ciangtan om se lo-in ahi zongin, leh thu kizakna khat peuhpeuh zangin ahi zongin, midang’ ngaihsutna leh thu khat peuhpeuh zon theihna thu pia a, amah in tua thute hawmkhiat theihna zong huam hi.

Thu 20.

(1) Mi kim in nawngkaina bawl lo-a khawmpi vaihawm ahi zongin, kipawl bawl theih na’ng   ahi zongin suahtakna hamphatna ngah ciat hi.

(2) Mi khat pen kipawlna khat peuhpeuhah kihel hamtang dingin cih teitei theih hi lo hi.

Thu 21.

(1) Mi kim in ama gam sung vaihawmnaah amahmah ahi zongin, suakta taka a teel mite     zangin ahi zongin kikum theihna hamphatna ngah hi.

(2) Mi kim in amau gam sung kumpi nasepna sungah mi dangte mah banga sep theihna   hamphatna ngah hi.

(3) Mipite’ deihna pen kumpi vaihawmna thuneihna in bulphuh tawntung ding hi. Tua pen a man taka a hun lianliana leitung bupah kizakima kizang kiteelna ahi zongin,
a sim thama me khiatna ahi zongin, tua mah tawh a kibang suakta taka
me khiatna ngeina khat ahi zongin zanga kiteelna tawh ki-en ding hi.

Thu 22.

Leitung mihing khat hihna tawh mi kim in lungmuang taka nuntak theih na’ng hamphatna ngah hi. Tua pen mihing khat a hihna tawh kisai suakta taka a khantoh nading leh zahtakna a ngah nadinga a lo thei lo ahi annek tuidawn ahi zong, mihing kipawlna tawh kisai ahi zong, ngeina tawh kisai hamphatnate ama kumpi-gam neih leh lam ahi zong, kipawlna ngeina tawh kituakin ahi zongin, gam khat in a hanciamna leh gam tuamtuam kipawl khawma nasepna tawh ahi zongin a tangtunsak nading hamphatna ngah hi.

Thu 23.

(1) Mi kim in nasepna a neih na’ng uh, amau sep nopna lam teel theih nading, nasepna       tawh kisai thunuam leh thuman a hih na’ng, leh nasepna pan kimawk phiat ziauziau            theih nading pana kihutna a hi zongin hamphatna ngah uh hi.

(2) Kuamah kideidan loin amau sepna tawh kituak ciata khasum zong a kibang a ngah          na’ng uh mi kim in hamphatna ngah hi.

(3) Sepna a nei mi kim in amah leh a innkuanpihte tawh mihing ngeina banga a kilawm a     kituak vang a neih nading, leh a kisapna banga tangpi kihutna a omsa banga ngah             behlap theih nading hamphatna ngah hi.

(4) Mi kim in amau hamphatna leh noptuamna hut nadingin sumbawl kipawlna phuat ahi     zongin, tua ah pawlmi suah theih nading ahi zongin hamphatna ngah hi.

Thu 24.

Mi kim in nasep hun sung nai ciangtanna tawh ahi zongin, a hun huna a khasum tawh akhuan ngah theih nading dongin tawlngak hun leh tawldam hun ngah na’ng hamphatna ngah hi.

Thu 25.

(1) Mi kim in amah leh a innkuanpihte’ cidam nading, nopsakna nading a
kisam khempeuh,annek tuidawn, puansilh nikten, tenna giahna,
zatui zaha kikepna leh  lungnop nading a kisam tuamtuam dongin ngah theih na’ng
hamphatna ngah hi. Nasepna ngah lohna a om kha ahi zong, natna,
hihmawhna, meigonna, tek leh guaina akipan ama thu a hi lo haksatna khat peuhpeuh
a tuah ciang nangawna kikep zawh nading hamphatna ngah hi.

(2) Nupi leh naupangte in a tuam mahmaha kikepna leh kihut nading hamphatna ngah hi.   Nupa ngeina sung pana suak hi ta leh, nupa ngeina banga a kiteng lo sung pana suak hi     ta leh, nau suak khempeuh in a kibanga kep leh khoi ding hamphatna ngah ciat hi.

Thu 26.

(1) Mi kim in pilna zon theih na’ng hamphatna ngah hi. Lai bulpi leh tan sawm ciang beek     peuhmah a sap om lo-a kahsak ding ahi hi. Tan sawm ciang pen kuamah peuh pel lo-a a     kah ding hi. Set lam pilna leh nasep siam nading pilna kuamah peuh in a ngah kim na’ng     vaihawm ding hi. Tan sawm tung siah zong amau pilna tawh kituakin mi kim in a ngah         theih nading vaihawm ding hi.

(2) Lai pilna kici pen mihing khat a cingtaaka a khantoh na’ng ahi zong, suahtakna
bulpi leh mihing hamphatna bulpite in a mainawt na’ng ahi zongin hi ding hi.
Leitung kumpi  tuamtuam sungah biakna leh minam vai-ah khat leh khat
lungsim kimuhna, lungduaina  leh kilawmtatna in mai nawt a, tham loin,
kilemna a om zawh nadingin UNO’ sepna leh   bawlnate mainawt na’ng
hanciam ding hi.

(3) Nu leh pate in tate pen bang ci bang pilna guat ding hiam cih thu tawh kisai amau       khentat theih na’ng hamphatna ngah masa uh hi.

Thu 27.

(1) Mi kim in gam sung nuntakna sungah bang ci bang ngeina leh tatdan zui ding, thu pilna hi leh science pilna hi leh tawh kisai bang ci zuih ding cih hamphatna ngah hi.

(2) Mi kim in lai tawh kisai, khutsiamna tawh kisai, science pilna tawh kisai ama bawlkhiatna pana noptuamna leh minphatna a ngah dingte pha taka hutsak ding
hamphatna ngah hi.

Thu 28.

Mi kim in gam sung leh leitungbup ah hih Tangkona sungah a kigen suahtakna leh hamphatna a kicing taka a ngah theih nading hamphatna ngah hi.

Thu 29.

(1) Mi kim in mihing khat a hihna pen suakta tak leh cingtaak taka a khantoh zawh na’ngin   ama omna gam sungah mawhpuakna nei hi.

(2) Suahtakna leh hamphatnate a zat na’ng, a ngah na’ng tawh kisaiin, mi dangte in           suahtakna leh hamphatna a ngahte uh zahtaksak a, a kilawma phawk kawm gige ding a     hihna thu tawh ngeina omsa tawh kituakin, democracy ki-ukna sunga kizang tangpi           khantoh nading, kumpi ngeina banga kalsuan nading leh a sia a pha a kilawm ciang khat     ciat a hih nadingin mi kim in a pha bek khat ciata gamtat ding ahi hi.

(3) Bangbang hi leh hih suahtakna leh hamphatna thute pen UNO’ ngimna leh thubulpite     tawh ki-elpuaka zat ding hi lo hi.

Thu 30.

Hih Tangkona sungah thu khat peuhpeuh pen hih sunga kigen suahtaknate leh hamphatnate suksiat nopna lungsim tawh Kumpi khat in ahi zong, mi pawlkhat in ahi zong, mipum khat peuhpeuh in ahi zongin na sem a, gamtat na’ngin bangmah deihkaih tawm ding hilo hi

Lakna>>>Click here

Read More

AUNG SAN SUU KYI THU TOMKIM

1945 kum in Rangoon ah june 19 ni in piang a,galkapmang Aungsan kawlgam suahtakna Pa,leh a nu Daw Khin Kyi te tanu a hihi,General Aungsan pen July 19,1947 kum in ki suamlum in,tua lai-in suhkyi kumnih pha pan hi.

1960 kum in Delhi ah anu Khin Kyi india leh nepal a ding in, kawlgam ambassador in a om sung in Suhkyi zong a nu tawh om in Delhi University ah Politic lamsin hi.
1964-67
BA Philosophy,politic leh economics,St. Hugh's Collage,Oxford University ah sin hi.1990 a sang ah Honorary fellow in tel cing hi.
1969-71;
Assistant Sec,Advisry Committee on Adminstrative leh Budgetary Questions United Nations Secretariat, Newyork ah sem hi.
1972;
Research Officer,Ministry of Foreign Affairs,Bhutan; Dr.Michael Aris, British scholar tawh ki teng hi.

1973-77;
Alexander london(1973) leh Kim(1977) in Oxford ah nei uh hi.
.
1985-86:
Visiting Scholar, Center for Southeast Asian Studies, Kyoto University pai hi.

1987:
Fellow, Indian Institute of Advanced Studies, Simla ah pai hi

1988, March:
Rangoon sangnaupang te lungpho na h
ong piang hi.
1988, July 23:
General Ne Win (BSPP)Chairman pan kum 26 sung a sepna pan khawl in,Democracy lunggulhna hong piang hi.
1988, Aug 8:
8-8-88 Rangoon lungphona hong piang in kawlgam bup zel hi.Tua hun in galkapte Bspp kumpi-in mipi tampi kaplum uh hi..

1988, Aug 26:
Aung San Suu Kyi Shwedagon Pagoda Rangoon ah mipi hanthawtna pia in democracy kumpi gam phut ding in mi pi cial hi.

1988, Sep 18:
State Law and Order Restoration Council (SLORC) galkap te'n phuan uh hi. mipi tampi mah galkap te in democracy ngen te thah beh uh hi.

1988, Sep 24:
The National League for Democracy (NLD) ki phuaih in, Aung San Suu Kyi pen general secretary in koih uh hi

1988, Dec 27:
Daw Khin Kyi, Aung San Suu Kyi,nu si-in, mipi tampi democracy deih teng in galna nei uh hi.

1989, Jul 20:
Aung San Suu Kyi Rangoon under martial law that allows zui-in thusitloh in kum nga sung koih ding in inn koltang in koih uh hi.

Anuai lam teng hunngah nawn keng in mikang lai-in na sim mai un,,,

1990, May 27:
Despite her continuing detention, the National League for Democracy wins a landslide victory in the general elections by securing 82 percent of the seats; the military junta refuses to recognise the results of the election

1990, Oct 12:
Awarded, in absentia, the 1990 Rafto Human Rights Prize.

1991, Jul 10:
Awarded, in absentia, the 1990 Sakharov Prize (human rights prize of the European Parliament)

1991, Aug 10:
The military regime retroactively amends the law under which Aung San Suu Kyi is held to allow for detention for up to five years without charge or trial.

1991, Oct 14:
Awarded the 1991 Nobel Peace Prize

1991, Dec 10:
Aung San Suu Kyi's ‘Freedom from Fear’ and other writings published in London.

1992:
The Nobel Committee reveals that Aung San Suu Kyi has established a health and education trust in support of the Burmese people to use the $1.3 million prize money.

1994 Sep 20:
Gen. Than Shwe and Gen. Khin Nyunt of SLORC meet Aung San Suu Kyi for the first time since the house arrest.

1995 Jul 10:
The junta releases Aung San Suu Kyi from house arrest.

1995 Oct 10:
The NLD defied junta's ban on changes in party leadership positions and reappointed her as the party's General Secretary.

1999 Mar 27:
Aung San Suu Kyi's husband Michael Aris dies of prostrate cancer in London. His last request to visit Aung San Suu Kyi, whom he had last seen in 1995, was rejected by the military junta which said if Aung San Suu Kyi wanted to leave the country she could do so. She refused the offer knowing that she would not be allowed to return to Burma.

1996-2000:
Aung San Suu Kyi defies travel bans imposed against her and continually tries to leave Rangoon. In March 1996, she boarded the train bound for Mandalay but citing a "last minute problem" the coach she was in was left behind at the station.

2000 Sep 02:
Around 200 riot police surrounded Daw Aung San Suu Kyi's motorcade near Dala and forced them to return to Rangoon after a nine-day standoff.

2000 Sep 23:
Aung San Suu Kyi is placed under house arrest.

2000, Oct:
Aung San Suu Kyi begins secret talks with the military junta. Substance of the talks remains secret, and UN Special Envoy Razali acts as a "facilitator. "

2000 Dec 07:
US President Bill Clinton confers America's highest civilian honour on Aung San Suu Kyi. Her son Alexander Aris receives the award on her behalf.

2002 May 6:
Aung San Suu Kyi is freed after 19 months of house arrest.

2003 May 30:
During a tour of northern Burma, Aung San Suu Kyi and her supporters are attacked by the regime's militia in the town of Depayin. As many as 70 people were killed in the attack and over 100 people arrested, including Aung San Suu Kyi. Aung San Suu Kyi remained in secret detention for over three months.

2004 March:
Razali Ismail, UN special envoy to Burma, has his last meeting Aung San Suu Kyi.

2006 May 20:
Ibrahim Gambari, UN Undersecretary- General for Political Affairs, met Aung San Suu Kyi, the first visit by a foreign official since Razali’s visit in 2004. Gambari met Aung San Suu Kyi again in November 2006 but his visit failed to secure any concessions from Burma’s military regime.


2007 May 25:
Aung San Suu Kyi's term of house arrest was extended for another year.

2007 Sept 22:
Aung San Suu Kyi left her house to greet and pray with Buddhist monks outside her gate during the biggest demonstrations in Burma since the 1988 uprising. This is the first time she has been seen in public since 2003.

2007 Sept 30:
The UN special envoy Ibrahim Gambari meets Aung San Suu Kyi in Rangoon.

2007 Oct 24:
Aung San Suu Kyi reaches a total of 12 years in detention.

2007 Oct 25:
Aung San Suu Kyi meets the regime’s newly appointed liaison officer, Aung Kyi, but no details of their discussion are made public.

2007 Nov 6:
Aung San Suu Kyi meets UN special envoy Ibrahim GambariText of Aung San Suu Kyi's Statement release by U.N. envoy 08 November 2007

2008 Jan 31:
Aung San Suu Kyi meets NLD leadership. She asked that they convey to the public the message that "We should hope for the best and prepare for the worst."

"What I can say is Daw Suu is not satisfied with the current meetings with the junta, especially the fact that the process is not time-bound," NLD spokesperson Nyan Win said, referring to the lack of a time frame for the talks to achieve any results.

2008 March 8:
Aung San Suu Kyi meets UN special envoy Ibrahim Gambari.

2009 February 20:
Gambari meets jointly with Aung San Suu Kyi and members of the National League for Democracy.

2009 March 24:
The UN Working Group on Arbitrary Detention issues a judgment declaring that the ongoing detention of Aung San Suu Kyi is illegal and in violation of both Burmese and international law.

2009 May 14:
Aung San Suu Kyi is arrested and charged with breaking the terms of her house arrest, which forbids visitors, after John Yettaw, a United States citizen, swam across Inya lake and refused to leave her house.

2009 May 18:
Aung San Suu Kyi’s trial begins, held in closed-door hearings inside Insein prison. Aung San Suu Kyi’s two companions and John Yettaw are also on trial.

2009 June 26:
Aung San Suu Kyi meets UN special envoy Ibrahim Gambari.

2009 July 03:
UN Secretary General Ban Ki-moon visits Burma but is not allowed to meet Aung San Suu Kyi.

2009 August 11:
Aung San Suu Kyi is found guilty and sentenced to 18 months under house arrest.

2009 October 03:
Aung San Suu Kyi meets SPDC Liaison Minister Major General Aung Kyi.

2009 October 09:
Aung San Suu Kyi meets the UK Ambassador and the deputy heads of the Australian and US missions in Burma.

2009 October 24:
Aung San Suu Kyi reaches a total of 14 years in detention, most of it under house arrest.

2009 November 04:
Aung San Suu Kyi meets a US delegation led by Assistant Secretary of State Kurt Campbell.

2009 December 09:
Aung San Suu Kyi meets SPDC Liaison Minister Major General Aung Kyi.

2009 December 16:
Aung San Suu Kyi meets NLD party leaders Aung Shwe, U Lwin and Lun Tin.

Lakna>>>Click here

Read More