Tonzang sanginnpi

Tonzang Sanginnpi Lungzuanhuai na en kik nuam hiam

Tonzang Sanginnpi C Lim

Tonzang Sanginnpi lui pen C lim a kilam pen a en kik nuam te a ding lungzuan huai peuhmah ei

Tonzang Jubilee Laibupi

Tonzang Jubilee Laibu laimai ( pages ) 150 na sim nop leh

MAANGPHA PA.MANG VUM , KUM 40 ( Tongseal Beh )

Zomi Innkuan USA, Inc.
Executive Committee
Date: November 17, 2016
Dahna Pulakna : Mangpha Pa Maang Vuum kum 40, (Tongseal beh)
USA gam, Texas State, Houston khuapi ateng Pa Maang Vuum Kum 40 (Tongseal beh) in abeisa November 15, 2016 ni zingsanglam nai 8:30 AM hunin atenna Houston khuapi panin mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.
Pa Maang Vuum pen Zogam, Tedim uksung, Khuasak khuami, Kawlpi/Munlai a teng ahihi. a it mahmah a zi  Nu Cherry Lun leh a tano khat tawh nuntakhuasakna anuamzawding lunggulhna tawh abeisa 2010 kumin USA, ongtung uh ahihi.
Pa Maang Vuum te innkuanpen Houston khuapi bulphuh Zomite kipawlkhopna Zomi Innkuan Houston ah  pawlmi kiciankhat leh USA gambup Zomite sihnavaiah luangkiphamnadinga kiphuankhia ZIUSA Genvai kipawlnaah Active member khat ahihna uhtawh kizui-in  ZIUSA Genvai thukhun ombangin Pa Maang Vuum pen Zomi Innkuan USA kipawlna in USD 10,000.00 (Tulsawm) luangphamnadingin kipiakhiadinga Paakkual khattawhzong Mangphakhakna kinei dinghi.  Hih akipiakkhiat luangphamna sumtepen USA gamsung muntuamtuampana ZIUSA Genvai thukhunpom pawlmi 8,284 tekiangpana ongkhakkhop uh sumte ahihmanin Vaphual lungtang neia ZIUSA Genvai ah ma ongpangkhawm Zomipih khempeuhtungah idahna ilunglenna kawmkalpanin lungdamna lianpi iko hi.
I it mahmah Pa Maang Vuum tawh a nunungpen hunzatkhopding pen ongtungding November 19, 2016 (Saturday) ni 1:00 ~ 1:30 PM hunin Unity Funeral Home, LLC. 7730 Bone Rd, Houston, TX 77072 luangetna/ Visiting hun hiding tuamunmahah 1:30 ~ 4:00 PM kikal Greater Houston Burmese Christian Fellowship (GHBCF) Pawlpite makaihna tawh Rev. Thawng Kho Lun in a nunungpen hehnep hunbawlna ong neihpihding hi. tuakhitciangin Woodlawn Funeral Home & Cemetery, 1101 Antoine Dr, Houston, TX, 77055 hanmualah daitansakna/Vuina kineidinghi.
I it mahmah Pa Vuum ongnusiatna hanga adah akap, alunglengkhuangai pianpih sanggam laizomteng leh khuapihtuipih tanaumeltheih akuamapeuh adiakin a nusiat a itmahmah azi Nu Cherry Lun leh a tano te tungah Meigong tagahte a nusia ngeilo, a maute pasal/Pa dinmun ah a pangden ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.
Dahpihna lianpitawh,
Executive Committee
Zomi Innkuan USA, Inc.
November 17, 2016

ZOMI YOUTH FORUM BAWL DING VAI ZAKSAK KIK NA

Inline image 1

Mun tuamtuam pan hong pai ding palaite a lem zawk nading leh mi a tam theithei a kihel theih nading lunggulhna tawh Forum bawl ni ding pen 24.11.2016(Thursday) ni-in kikhin to hi.

Ani : 24.11.2016(Thursday)
Ahun : 9:30am – 12:30pm
Amun : TBC-Y biakinn, Yangon, Myanmar.

"KA LUNGGULH KA MAILAM!"

1. GAM VAI LEH KI-UKNA LAM (POLITICS)
2. SUMLEPAI ZONNA LAM (BUSINESS)
3. PILSINNA LAM (EDUCATION)
4. KHUALETUI KHANTOHNA (URBANIZATION & RURAL DEVELOPMENT)
5. NGEINA LEH LAI (CULTURE & LITERATURE)

Hih "Zomi Youth Forum" ah thukikupna khempeuh pen November 24-27, 2016 sung Yangon khuapi, Myanmar ah kibawl ding A (3) Veina GZA Khawmpi ah kipuak ding a, mipi tangpi sim theih, muh theih dingin hong kihawm khia ding hi.

Theih ding:
1. “Zomi ka hi hi” cih lungsim dapphahin kikup ding ahi hi.
2. Zogam bulphuhin kikup ding ahi hi.
3. Kum kiciangtan lo(ciangtan lo) hi. 
4. Lamsaap pen ei leh ei hi ding hi.
5. gzayouth@gmail.com leh Ph: 09 450 061 315 te ah hih forum vai kidong thei hi.
6. Hih forum ah Khangno bulphuh kipawlna, Khua khangno kipawlna, Gam tuamtuam aom Zomi Innkuante, Myanmar gam sung aom Zomite' kihelna Party tuamtuamte leh Kipawlna khat peuhpeuh pan a tawmpen palai mi (2) ta nong kihel nadingun zahtakna leh lunggulhna lianpi tawh kong zawn hi.

         Tg. Chin Suan Kap
         Convener 
         Youth Committee, Global Zomi Alliance