Nun Nuam Norway Zinna- 1
Lamet hetloh in Angkawi lianu tawh nuntak a nuam mahmah gam Norway ka zin kha vat uh hi! Mual leh guam khempeuh vuk in khuhcip a, pak beubau hi. Hizah a tam vuk ka muhcilna hi. Sen Kumthak ka metbawl pen kum in ka tuat hi. Ka kiten zawh uh kum 10 Cinnna zong ahih manin ka lawp mahmah uh hi.
Feb 15, 2018 nitak in nun nuam Norway zin dingin Qatar Airways tawh ka dingkhia uh hi. Feb 16, 2018 ni zingsang khuavak milmial in Oslo vanlengtual Gardermoen ka tu uh hi. Khuavak milmial, guahzu seuhseuh a, vanleng tohlet pan ka khuadak leh vanlengtual gei khempeuh na pak biabua hi. Nungak tanakha kinuh bang keei ka sa hi! Vanleng tung pan a hawlpa in, "Oslo a kitung dinghita ahih manin na kawnggak uh gakta un" cih hong gen tak ciang ka kawnggak kawm in ka veilam a tohlet khuhna na liktoh leh zingsang phalvak tung bangin na vak milmial a, meikai tawh zong kibang hi. Tua tak ciang vanleng in meizun lak nawk suk in niam deuhdeuh a, vanlengtual kim a meivakte kimu milmial a datmei tang 3 thunte a battery bei kuan bangin san milmial hi. Tua meivak san silsial nuai ah vuk na kiciang viatvuat a, vanleng a tuk ciangin a gin dan zong tui tunga kitaal bangin ging ciuciu hi.
Vanleng a tuk khit ciang a khawlna ding mun, mipite pusuahna ding mun zuan in paisuak a, ka veilam ah vukngo kiciang viatvuat suak hi. Vanleng pan pusuak ciangin ka vei leh tak ah vukngo sahpipi suangtum ciacia vum vetvat a, angkawi lianu tawh selfie, wefie ka zaih khit uh ciangin immigration leh custom kanna kongkhak lam manawh in ka paisuak uh hi. Immigration te na kizen mahmah uh a, "Koi pan hong pai, bangtan tam ding, koi ciang pai ding?" hong cih ciangin "Singapore pan hong pai hi ung, Norway ka pai cilna uh hi. Lillihammer ah tuzan giakto nungin Levangar leh Stavanger ah ka sanggamte uh kiangah a hawh ding hi ung," ka cih leh, "Kei zong Levanger khua pan hi ing, hun nuam na zang un" ciin maitai takin vun kang melhoih nuihmai silsal khat in hong kam vaikhak khit ciangin ka Passport uh a nih in a seal tuum a, ka pusuak pah uh hi.
Zingsang tung a hih manin mi na tamlua lo a, ka vante uh vanlengtual a vannawnna duappi tunga tai veuveu lakhia thei pah in ka maban uh Zomi Lasiam JK Kam omna khua Lillehammer lam zuan dingin meileng khawlna lam ka pai phei uh hi. Meileng khawlna ka tun uh ciangin meileng ticket lei dingin Kiosk ah ka hih uh leh Norway sum Kroner ka nei uh hi. Euro sum ka puak uh Norway ah na kizang theilo citciat hi (Norway pen European Union ah kihello ahih manin Euro kizang theilo)! Ka cihna ding uh theilo in Information Counter ah ka dot uh leh, "Tun nai 8 a sat ding hita, Meileng hong tung pah tading ahih manin ticket lei nawn kei unla, meileng sungah lut in a sung pan leizaw ta un," hong ci a, vanlengtual nuai a meileng khawlna ah kahleitai tawh ka tuaksuk uh hi. Ka tun zawh uh sawtlo minit 3 khawng ciang meileng hong tung pah a, ka lut pah uh hi. Meileng lampi nawl tuaka vuk kiciang viatvuatte Christmas vok thau banga pak heha ahih manin siangtho sitset a, ahi zongin huih nung hiauhiau bel vot peuhmah hi. Vot lua ahih manin ka puantungsilh puak uh a lum pen dinga ka teel uh ka silh uh hangin ka lum zo taktak kei uh hi.
Meileng sungah ka tuan zawh uh a sawtlo in ticket ente hong pai a, ticket ka lei uh hi. Norway sum Kroner ka neih loh ban vuah Euro ka zat theihloh lam uh ka gen uh ciangin Credit Card tawh zong kilei thei, Debit Card tawh zong kileithei ciin hong gen a, hong lemkik bilbel hi. Ticket zuak pa in ka khuadam lam uh hong muh ciangin, ama ip sung pan sumnem pawlkhat hong pia a, "Hih tawh Coffee na lei unla, na ci uh lumsak un," ciin hong vaikhak a, ko zong Coffee hai nih ka leipah uh hi. Coffee dawn kawmkawm in vei leh taka vuk pak zihziahte ka enen uh a, etlawm sa in ka mit uh tai ka sa mahmah uh hi. Mawh neite Zeisu in hong sawp ciangin vuksangin kingo zaw ding hi a cih ka phawk vangvang hi. Vantung nop ding dan hong phawksak a, ka tawl hong dam tuam liang hi.
Nai 10 hong sat ciangin meileng sungah thuzaksakna hong ging kiaukiau a, "Lillehammar" cih khat ka za kiau hi. Ka khuadak leh meileng khawlna gei ah tua khua min na ki at takpi a "Sia JK Kam te khua a kitung hi takpi ta veh e" ciin meileng sunga FREE WIFI ka zat theih lai ciin Sia JK Kam kiangah "Lillehammar hong tungta ung ei" cih ka khak pah hi. Meileng pan pusuak in vuk pak viatvuat gei ah ka vante uh sawn in meileng ticket zuakna inn ah ka lut uh hi. Tua sungah Sia Kam hong dawn ding ngak in ka tu uh a, ama hong tunma in innpua ah vukte va lawng in a lim hiam ka ciam a, ka khuadak kawm in vuk lak ah ka khekhap ka dawksak kawikawi uh hi. Huihvot dan bel Singapore tawh teh in kigen theilo himai!!
Om muang manlo, vukngo muhnop sa lai.... kong khak ah vuktung kahte banga kituam khat hong lut a, "Cidam a hong tung maw" ciin Zomi lasiam Sia JK Kam a khut hong pia phei pah a, lungdam taka khut kilen in ka vante uh hong liksak khiat saka a mawtaw ngiat tawh hong dawn Pa Sing (Pa Kam Khan Sing) tapa Tg. Paupi (Tg. Mang Lian Pau) tawh kimeltheihsak in Tg. Paupi mawtaw sungah ka van teng uh guang in vuk pak zihziah tungah mawtaw tawh tai velvel in Sia JK Kam inn lam ka manawh uh hi. Ama inn ka tun uh ciang a kongkhak cihloh vuk in na liah mang khin a, a kong mai ah vuk din khum in na kiciang viatvuat a, a inntung bang tongkhat val a sah in na khuh mitmet hi. Innsung lutma in a kong mai a vuk kiciang viatvuat te khut tawh ka lawng masa nuam sese uh hi. Naupang khualzin bangin vuk pen muhnopsa in ka pakta mahmah uh hi.
Inn sunga ka lut uh leh a pualam na banglo a, na lum hiuhiau se hi. Nuvaw noh vuk lak ah teng in na innsung uh lum hithit ka ci uh hi! Innsung lumna ding meitha zangin khuadam kiphawk lo a, tua zaha nuam gam Norway pen "'Nun Nuam Norway' hizen ei" ka ci hi.
Bazar Paina:
Sia JK Kam in ama sangkah ding nangawn kuanlo in ko dawn in hong ngak a, ka tun uh a sawtlo in "Bang duh?" ciin mehzuakna Kiwi Mini Pris ah hong tonpih pah hi. "Norway ah Salmon ngasa minthang pen hiven, tua duh hang ei," ka cih leh a golpi bak nih lei pah a, "Voksa zong lim hi aw" ciin Voksa zong bak golpi 4 hong leipah hi. Inn ah deihtak a huan in ka neknek uh leh ka gai dekdak uh hi. Bawngnawi lah ciik, anteh meh lah hing sitset, a buh uh lah namtui in khu veuveu a, singgah tui lah Real Juice vive na hipah hi. Nun Nuam Norway himawk uh ciai, na an uh lim, na meh uh lah hing sitset ka ci hi.
Sia JK Kam in ama sangkah ding nangawn kuanlo in ko dawn in hong ngak a, ka tun uh a sawtlo in "Bang duh?" ciin mehzuakna Kiwi Mini Pris ah hong tonpih pah hi. "Norway ah Salmon ngasa minthang pen hiven, tua duh hang ei," ka cih leh a golpi bak nih lei pah a, "Voksa zong lim hi aw" ciin Voksa zong bak golpi 4 hong leipah hi. Inn ah deihtak a huan in ka neknek uh leh ka gai dekdak uh hi. Bawngnawi lah ciik, anteh meh lah hing sitset, a buh uh lah namtui in khu veuveu a, singgah tui lah Real Juice vive na hipah hi. Nun Nuam Norway himawk uh ciai, na an uh lim, na meh uh lah hing sitset ka ci hi.
Gilvah in ihmut hithiat a ut-huai mahmah hang a lawphuai zaw khuadakna dingin hong ngak gige a, lupsan theih cih bang hilo hi. A khuasung vuk pak bekbek en a zong sun thapai inkatau tungah kitu zo ding hi. Nuam panpan ei...
(zop lai ding)
Hau Za Cin
Phuitong Liim
www.hauzacin.blogspot.com
www.hauzacin.blogspot.com
He Knows How You Feel
Jesus was angry enough to purge the temple, hungry enough to eat raw grain, distraught enough to weep in public, fun loving enough to be called a drunkard, winsome enough to attract kids, weary enough to sleep in a storm-bounced boat, poor enough to sleep on dirt and borrow a coin for a sermon illustration, radical enough to get kicked out of town, responsible enough to care for his mother, tempted enough to know the smell of Satan, and fearful enough to sweat blood.
Jesus was angry enough to purge the temple, hungry enough to eat raw grain, distraught enough to weep in public, fun loving enough to be called a drunkard, winsome enough to attract kids, weary enough to sleep in a storm-bounced boat, poor enough to sleep on dirt and borrow a coin for a sermon illustration, radical enough to get kicked out of town, responsible enough to care for his mother, tempted enough to know the smell of Satan, and fearful enough to sweat blood.
He is able to run to the cry of those who are being tempted and tested and tried.
Hebrews 2:18 (AMP)
Hebrews 2:18 (AMP)
Whatever you are facing, He knows how you feel.
__._,_.___
__._,_.___
