Key: G
V1
Thei bang senlai Tuun le Zua
Laizom teng tawh saumang limnuai ah
Lungzuan dah na te omlo
Tuun le Zua anglim nuai ah
Lai lungmuang in sam bang ka zallai
Hunte'n sul leh lo ding aa
V2
Dah na huihpi'n hong nawk in
Kah na aw in meeipi bang hongtuam
Sihna'n Nang hong zo ta maw
Nualam maaimit suan kawm in
Utlo pipi'n sihna han mual ah
Gibang nong khen maw Pa Aw,.....
Cho:
Laukha in mubang hong leng in
Lo bang hongvil zel in Pa
Simlei Nun meeipi zing nuai ah
Nuntak zia ding honghilh in
Ka Tuun' luankhi hongnul in
Na von sanggah lungmawl te
Na lenna thangvan pan thupha hongpia lai aw
Zuang hong tho dih in Pa aw
Na nua ciang ah meigong tagah ten
Mu bang hong ngai ung ee Pa
V3
Nop na dah na hong tun ciang
Inn vai lo vai gelding a om ciang
Ko guak in cinzo kei ung
Beh le phung u le nau sung
Gending hawmding sepding a om ciang
Na vang kisam pha ung ee
V4
Zalmang in hong man zel ung
Nakhut ma le na khema te in
Lungzuan va bang phawng zel ee
Na zaalna Sian' anglai pan
Ko ading thu hong ngetsak lai aw
Cikciang mel kongmu zen tam
