Tonzang sanginnpi

Tonzang Sanginnpi Lungzuanhuai na en kik nuam hiam

Tonzang Sanginnpi C Lim

Tonzang Sanginnpi lui pen C lim a kilam pen a en kik nuam te a ding lungzuan huai peuhmah ei

Tonzang Jubilee Laibupi

Tonzang Jubilee Laibu laimai ( pages ) 150 na sim nop leh

KHA SIANGTHO KIMAKAIHSAKNA - REV.DAM SUAN MUNG

“ Kha Siangtho thu a mangte khempeuh Pasian’ tate ahi hi ”
( Rom 8:14 ) 
                       
Zeisu khazih i gumpa le Topa dingin i santheihna pen
Kha Siangtho nasepna ahi hi. Kha Siangtho in na tungah na hong sep leh
Pasian hong itna athakin hong thaksuak ding hi. Piangthakte khempeuh
Sungah Kha Siangtho hong om a, ahi zongin pawlkhatte gualzoin
pawlkhat te gualzo thei lo hi, banghang hi ding hiam?

Kha Siangtho a kimakaihsakte gualzoin Kha Siangtho
Makaihna a mang lote, Kha Siangtho a makaihte guallel uh hi. Pawlkhat
Te’n ka khualzin nading Topa deihna a om ding hiam, cih ki-apna nei
lopi’n  “Topa,zingciang tua ah pai ning ei, thupha hong pia o!” khawng
Ci thei uh hi. Kha Siangtho pen e’n i uk ding hi loin Aman ei hong ukin
Hong makaih ding hizaw hi.

Na tapidaw nuntakna ah Kha Siangtho  makaihna nuaiah a
Nungta a kalsuan na hih leh na van zang mahmah ding hi. Topa Zeisu
In, Vangik pua a gimte ka kiangah hong pai un, tawldamna kong pia
Ding hi. Ka hakkol puaknop a, ka van zong a zang hi, (Mt.11:28) hong
Ci hi.

Pasian’ aa hi’ng ci napi’n  na ma pai thei lo a, na van giklua
Ahih leh Topa’ van lopi a pua hi kha ding hiteh.Topa hong deihloh bek
Hi lo kumpi deih loh khat semin ahih kei leh Topa hong koihna mun
Lopi ah na om leh na van gik mahmah kha ding hi. Ka sanggamte
Pasian’ nasem khat in hun zang dingin hong kisawl, ka laibu teng ka
Pheklek hang lah ngah zo mahmah keng, ka lutang na keei, hong ci hi.
Kha Siangtho makaihna nuaiah na om leh na van zang mahmah ding  
Hi. Ei le ei a kisittel thei dingin Topa’n thupha hong pia ta hen.

Kawlpi AG pawlpi ah ka sep lai-in pawlpi mite’n zong hong
Itin nuam mahmah hi. Ahi zongin Yangon ah pawlpi phut ding cih
Topa’n hong sawl ciangin upate kiangah ka gen zelzel a,ahi zongin
Hong phal lo uh hi.A sawtsawt ciangin na pai nading sum na neih
Leh lah pai in, hong ci uh hi. Kei zong thungein ki-apin sum ka zon
Leh K.tulsawm leitawi ding ka mu hi. Upate kiangah ka gen leh hong
Cihsa uh ahih manin hong kham ngam nawn loin Yangon lam
Zuanin kong paisuk uh hi.

Mandalay ah Maj.Kam Khan Thawng( thawngbawi )' inn
Ah tungin Nandwin sungah nipi khat sung cialpi bawlin ka sa
Kheukhau uh hi. Zingsang khat radio panin K.75, 45, 35 man
Dangkalaite si, ci-in hong kitangko hi. Ka sum leitawi teng kizang thei
Nawn lo hi. Mai lah kinawt thei nawn lo nungkin ding lah hi thei
Nawn lo ahih manin cih na ding theilo lungsim tamkhamin thu
Ka ngetnget leh Topa’n Mt. 16:18 tawh hong hopih hi. Hih suang
Tungah ka pawlpi ka lam ding hi. Sum tungah ka pawlpi ka lam ding
Hi, kong ci hiam ci-in hong hopih pha-pha hi.

Ka sum teng a sih hangin hih Topa hong hopihna in thathak  
Hong guanin upna tawh Yangon paisukin 13.9.1990 ni-in bangmah
Lo (bem) tawh kipanin  tuni’n Topa’n hih dinmun ciang hong tun
Hi.  Tua ahih manin hih FGA pawlpi pen Topa lam pawlpi hi a,
Keimah (Dam Suan Mung) lam hi, ka cih nini-in kiamlam a manawh
Ding ka hi ta hi.  Pawlpi phuh cil laia suang tawh hong kidenna, sum
Haksatna le haksatna tuamtuam kiphu toto a, ahi zongin tua lai
Hunte ka et kik ciangin vantunggam a tung khin tawh ka kibang hi.

India ah ka sangkah laia hong huh Pa Nang (Vung Lian Nang )
Yangon ah hong pai a,  an nekpih dingin ka sap leh ka inn
Hong tun ciangin Sia.Mungtawng na inn sangin khua lama i lobukte
Hoihzaw  khong  hi  lo  maw, manlangin  hong ciah kik aw, hong
Ci hi. Ka veengte’ ekbuk teng in hong kimum hi a, zan bangin hong
Namluat ciangin ka nak uh lingsi ka nuh ngeingai zel uh hi. Hih
Bang haksatna ka tuah hangin Kha Siangtho makaihna nuaiah nasem
Hi’ng, cih kiphawk ka hih manin ka vangik peuhmah lo hi.

Pawlu le Tila pen Lungdamna thu hangin  kimanin  kivel
Kisatin thong sung tung hi. A pumpi uh a liam hangin a sunglam uh
Liam lo hi. Zankim laitakin Topa phatin la a sak uh leh ziin lingin
Thongkongte kihongin a kolte uh kitol hi. Ei pen pawlkhatte a mel
Bang hoihsim seisai zawzen napi’n a sunglam liam hi. Thongukpa zong
A dam hangin a sunglam liam hi. Pawlu le Tila tungtawnin a sunglam
Liamnate hong damin a innkuanun gupna ngah uh hi. Sunglam
Liamnate a damsak thei pen Kha Siangtho ahi hi. Pawlu le Tila zong
Topa’ makaihna nuai-ah om uh ahih manin a van uh zang sa
Mahmah lel uh hi.

Mandalay ah GTI sang ka kah lai-in ka upa’ tanu ka kepkep
Ka it  mahmah  khat in  hong nusiatna sikkhaulai  ka ngah a, ka
Dah mahmah hi. Thungenin ka ki-ap leh Kha Siangtho in hong
Hehnem a, ka kizo mahmah hi. Ka lawmte’n hong tutpihin niangtui
Khawng hong taih uh a, ka zak masak lai zahin ka dah nawn kei
Hi. Kha Siangtho pen hehnem siampa hi.

Ei mi nupi  pawlkhat pen thumthum  keei. Ama vai  bek  hilo
Mi’ a  teng  thumpih  lai, tua a  thumthum  uh sangin Kha Siangtho
Tungah ko  uh  hileh hehnem  zo mahmah ding hi. Kha Siangtho
Hehnep zawh loh dahna om lo hi. Satan  in guallel  ding, dah ding,
Lungkia ding , khakunkun dingin  hong deih a, Kha Siangtho in i lute
Laamto a, lungdam a ko dingin hong deih hi.

Sun nisa lela vul ningniang paakte van daitui  in a nosuak sak
Bangin leitung haksatna buaina tuamtuamte lel a vul i nuntaknate
A nosuaksak dingin Pasian’ Kha Siangtho hong pai ta hi.  “ Thuman
Lamhilh Kha Siangtho Tapidawte nusia lo” ci-in la i sak mah bangin
Tua Kha Siangtho pen hong paipak bek hi loin hong nusia lo ding le
Hong  ompih  tawntung dinga hong pai ahi hi. Halelujah! Tua Kha
Siangtho pen nunnem ahih  manin zawhthawhthu tawh  hong lut  lo
Dinga, Ama deih  banga  kidawh a kiphalte sungah hong lut bek ding hi.

Sia.Thawng Kim laphuah sungah “ Topa a  muang  khem
Peuhte zan na ihmut  kalin  hong cing ding hi. Na khanlawh  ciang
Zong hong hopih ding hi, Na  gamtatzia  ding zong hong hilh ding
Hi ” a cih pen  maan  kasa  mahmah hi. Kie zong biakinn ah ka thuhilh
Dingte ka  khanlawh  simin (zingsang lam nai 2-3 kikal pawlin)
Topa’n hong  hilh  hi. Topa honggen  teng pulak  leng hong kikhawmte a
Vangik  panun suakta-in thathak  ngah den uh hi. Na khanlawh  
Ciang Topa  hong hopihna a  ngaisiam  dingin  Topa’n thupha
Hong pia ta hen.

Kha Siangtho in hong makaih nuamin lam hong hilh
nuam hi. Na nasepzia ding zong hong hilh nuam hi. Saklam zin
ding maw, khanglam ah? Bang vante  lei dinga, bangte lei lo ding
cih dongin  hong  hilh  nuam hi. Kei Bang gamdang ka pai ding
ciangin bang ni ciang pai ding, bang gam tengah pai ding , kuate
Tawh kimu ding, bang thu gen ding bang  thute  gen lo ding ciha kipan
Topa’n a hunhunin hong   hilh  hi. Kha Siangtho makaihna nuai ah
Na kalsuan leh na van hong zang mahmah ding hi.

GTI pan tawpin  Pasian’  nasem  dingin  ka ki-ap cil lai-in
Pastor kum  30  bang a semsa Sia khat  in “Mungtawng na sang kah
Lel lo a, Pasian’ nasep  i cih baih lo hi,....”ci-in thu tampi hong hilh hi.
Pasian’  na ka sep  zawh  kum 25 cing ta  a, ka van zangin nuam ka
Sa semsem hi. Pawlpi hong liat  semsem  zah  khatin nasep zong
Hong tam semsem a, ahi zongin Pasian in a hunhunin ka naseppih
Ding hong puakpuakin amau teng in amau sep  ding   tek sem
Diamdiam  uh a, kei pen vanzang  mahmah hi’ng. Biakinn thak lei
Na-ding leibat pen K.million 100 kim bang a om hangin an ne lah
Loin ihmu mawh lo hi’ng. Topa hong koihna munah oma, Ama
Makaih-na nuaiah na kalsuan nak leh na van zang mahmah lel ding hi.

Tu zingsang a Topa hong thugen khat hong gen nuam ing.
Thungen  ding  cial  a, a  tai  kawikawite  in kei  hong  zong hi
Loin ama lungkimna a zong hi, hong ci hi. A  thungetsaknate
Thusuak khat a lungkim keileh adang khat kiangah va kingensak
Leuleu uh a, amau lungkimna a zonghi, Topa’n ci hi. “ Thusuak in
Tua ci veh aw,” a cite aw,Pasian in nang sungah  hong gen pen
Thupipen hi. Thusuak  om  lo  hi, khial  hi, cihna hi  lo hi. Thusuak
Pen a om mah ding hi. Ahi zongin kizopna thupizaw  hi.

Pawlkhatte’n ka mailam  ah bang  piang ding, ci-in  khutlam
Et, aisandan khatin dong thei  uh hi. Pasian in mailam  thu theih
Nading hong pia lo a, mailam ading thuneipa Amah i muan ding
Hong deihzaw hi.  Tuni  tuhun  pen Kha Siangtho in nang
Mahmah hong hilh theilua hi. Kha Siangtho makaihna nuaiah i
Kalsuan a, Kha Siangtho thu i man leh i gualzo ding hi.