ZOGAM SALPHA MUALSUANG HON NA

Tuni zingsang nai 8:00 in YPA han, New Lamka ah Zogam Salpha 
Pu Danny Mang Khan Khup (Suantak) leh Pu Thang Len Piang 
(Thangnawk) te' mualsuang honna nei hang.
Azahtak huai ulian tampi, minam makaite leh 
it leh ngaih ahi thei teng hong kihel thei hi

Lungdam Kohna

Hih mualsuangte bawlna ding in hong gimpih hong tawlpih ban ah
ahun manphate uh hong pia khempeuhte' tung ah lungdam hi.

Sum mahmah tawh hong panpih Pu Nang Khan Suan (Canada), 

Pu Steven Thang Suan Mang (USA), Pu Gin Pian Khup (USA), 

Pu Thomas Thang Lian Piang (USA) leh akuama peuh' tungah 

lungdam mahmah hi.

Pakkual hong pia ZRO/ZRA te, ADC pu leh pite, ZOLLS te, ZYA te,

ZWAte, ban ah US,Kawlpi, leh Tedim pan pakkual hong piate ban 

ah adangdang pakkual hong piate' tung ah lungdam mahmah hi.

Mangpha khakna lai hong khak ZSYO tung ah lungdam mahmah hi.

An hong vaksak ban ah a inn hong zangsak Pi Mangnu (Pu Thang Lian Pau' zi)' 

tung ah zong lungdam mahmah hi.

Tedim pan a hong zuito Cin Lian Khai' tung ah zong lungdam mahmah hi.

Vekpi vekpi tung ah lungdam mahmah hi. Video hoihtak kila ahih man in
asawt lo in a video zong enkha ding in ki lam en hang.

Lungdam
Mung Laan Thang
Tawmvei
Zogam

Read More

ZBCA YOUTH MEETING

Ani: October 13, 2018 Saturday
Ahun: 3:30pm (Tulsa Time); Online Videoconference
Meeting kah teng:
1, Rev Kaang Pau, 2) Pa Enno (GRZBC, Grand Rapids), 3) Rev Muana Khuptong,
4, Rev Hau Suan Mung, 5) Pastor Thang Khan Sang, 6) Tg. Dal Lam Tuang (ZACC, Seattle),
7) Rev Dr Tun Cin Kap, 8) Rev Pau Khan Khai
Meeting kipatna ding in Rev Dr Tun Cin Kap in thungetna ong nei a, Youth President Rev Suan Mung ong kihel theilo ahih manin Rev Kaang Pau in meeting chairman ong sem hi.
Thu kikup leh khensat teng:
ZBCA-Y/2018:-1: Khangno Youth Conference neih ding vai,
Youth Conference neih ding vai kikupna om a, hih anuaia bang in thukimna leh thukhentat na ki nei hi.
i) Amun ding: ZBCM of Tulsa
ii) Ahun ding: July 16-18, 2019
iii) Seminar neih ding hoih kisa a; Topic leh Thuhilh ding zong kiseh hi
a) Youth and Christian Ethics: by Rev. Pau Khan Khai
b) Youth and Mission: by Rev. Dr. Tun Cin Kap
c) Youth and Career: by Rev. Muana Khuptong
iv) Conference theme: “A lian mah mah Gupna” Heb 2:3
v) Zan sim Gupkhaitna cialpi/Crusade ki nei ding a, Speaker ding in GS pu Rev Pau Khan Khai
kiseh hi.
vi) Kidemna tuam tuam te zong hih hun ah ki nei ding hi. Worship leh game tuam tuam ong makaih ding in inteek pawlpi te kiseh hi. Akul leh aki tangsam bang bang ahuh ding in Tg. Dal Lam Tuang leh Pastor Thang Khan Sang te kiseh hi.
ZBCA-Y/2018:2: ZBCA min tawh CD khui thoh ding hoih kisa a, mohpuakna ong la ding in Music Committee te kiseh hi. Amaute in makaite tawh kithuza in ong sem ding uh hi.
Note: 2018 Delegate ah $ 5000 zat khuan ong kipia khin hi.
ZBCA-Y/2018:3, Mailam ah ZBCA gambup pawlpi kim in Youth Service ineih zawh ciat na ding zong lungulhna ki ciamteh hi.
ZBCA-Y/2018:4: Fund zonna ding T-Shirt bawl ding hoih kisa a, Pastor Thang Khan Sang leh Tg Dal Lam Tuang (Seattle) te muanna lianpi toh kiseh hi.
ZBCA-Y/2018-5: ZBCA gambup ah Pawlpi mite Law Enforcement leh Military (Palik galkap) tum te khangno khawmpi ciang in pahtawina piak ding hoih kisa hi.
Next meeting ding sehna: February 16, 2019 Saturday at 7:00pm
Meeting hun zawhna ding in Rev Hau Suan Mung in lungdamkoh thungetna ong nei a, meeting nuam takin ki man hi.
Thu Ciamteh,
Sd/- Sd/-
Rev. Muana Khuptong Rev. Kaang Pau
Youth Secretary Youth Vice President

Read More

ZBCA ZUMPI VAI PULAAKNA

Agape Mission Church, Nashville in Biakinn pi 

Room hoih mahmah khat ZBCA zumpi dingin 

hongkawm  uh ahih manin ilungdam mahmah hi.

1- Nov 11,2018 ni-in AMC Biakinn hon ma in ZBCA

    Signboard honna leh apna kinei masa Ding .
2- Signboard pen apua leh asungah akilang thei thei in kisuang ding hi.
3- Zumpi sungah Sabuai leh tutna hoih mahmah kikoih Ding hi .
4- USA Laan leh ZBCA Laan kikoih Ding hi .
5-Man Thupi te leh Pahtawina lai Thupi te kikoih ding hi.
6- Bizu hoih mahmah zong kikoih Ding hi.
7- Zum Inn tawh man kizaih nuam tam mahmah ding hi.

AMC Pawlpi te tungah gambup kilungdam mahmah hi.

Shared by ZBCA

Read More