Pasian sawlna hong tung ahih manin, 1995 kumin Zangkong ah
Agape Center cih min phuakin , nu le pa neilo naupang kep nasep
ka kipan uh hi. Tu in Hlegu, Zangkong ah kibusa in, naupang 50val
tawh kaki innkuan uh hi. Leitang, inn buhlei cihte banah kumpi in
zong theihpihna No (2) licence hongpia hi. Kicing keei hi cih ahih
loh hangin ka nak dan uh hong nuam zaw deuh ta cih ding ahi hi.
Ka lam kiatna Tonzang khua ah Zomite Zo ngeina tawh a khan
khiat ding deihsak na tawh 2004 kumin Pasian muangin naupang
4 tawh kana kipan uh hi. Pu Cin Za Khup nuntak lai-in ka vaihawm
khopkhop uh ahih na tawh kizui in amau inn hong zang sak uh
hi.Tuni ciangciang naupang ( 35 ) kemin, tu ni ( 21 ) om hi, tan
10 zo ( 2 ) om khin ta hi. Rev.Pau Khan Dalte innkuan in Pasian
a itna leh tagahte a hehpih na uh tawh a innpi hong pia uh hi.
Tonzang khua a om thu-um mite pawlpite in zong ahih theihna
lampanun hong panpih tek uh hi.
Ngimna/Tupna
1.Naupang te gupngah ki tel kim nang
2.Lungsim,pumpi kha lamah khantoh kim nang
3.Minam a ding in mihoih mimuanhuai a suah nang
4.Pilna leh siamna tawh a nuntak zawh nang
5.Pasian mi a hih kim nang
Naupangte Khuate:
Zungkhua
Mualpi
Gelmual
Lomzang
Tahzang
Buang mual
Khianglam
Salzang
Tuitum
Suangzang,..A vekpi ( 21 )
Khuasak Kalsuan dan:
Nasep kipat a kipan tuni ciang, Sm Niang Nuam Cing ( ngeknu )
in Nu mun la-in sumbei a tawm theithei dingin gankhawina, mehteh/gah cin na, huhna ngah bangbang leh Zangkong pan
khak zawh zahzah tawh a hi theih liailiai in kikalsuan hi a, haksatna
tampi om hi. Ahi zong in nu le pa neilo te Pa ka hi aci Pasian in
a om khol cih a om ngeiloh hangin, kitatsat cih zong hong omsak
ngeilo hi, cih thu in ka kalsuan dan uh ahi hi.
Pasian hoih mahmah hi. Amen!
Kepzia le Pattah zia:
Agape Home ii thupi sak penin, naupangte hi-a, ki-itna, ki maisak
na , kitel siamna . lungduaina, lungkiatloh na ahi hi. Tua ahih
manin makaite zong sia kici lo-in Nu le Pa naupangte zong u le
nau mah in kisamin innkuan gim a namtui mahmah dingin ki
makaih na phualpi ahi hi. Kumpi sang ah sangkah sak in, zing leh
nitak in lai simpih na, a zawhna uh tawh kizui-in pahtawina nono
piak na, tan 8-10 te tuition kahsak na, sang leh siate mai ah mai
zumna aom lo dingin hih theih tawpin kikemin tavuan kila hi.
Cidam na dingin, tui minsa bek dawnsak na, zing simin exercise
bawl pih na, pumpi sianthon na leh cidamna tawh kituak nek leh
dawn zatui zahaa a hunhun in kivaihawm sak den a, ni khat an
thumvei kipia hi. Damlohna khat peuh a om ciang in Zatopi tawh
kinai in ki mel theih mahmah kahih man un lem mahmah hi.
Pasian thu ah Pasian nasem te innkuan bangin zingsim nitaksim
in Lai Siangtho simpihna leh biakpiakna, phatna leh thungetnate
ki neih pih den hi. Pasian thu sungah nop a sak ding uh, lai a pil
ding uh leh a cidam ding uh leh sikan a neih dinguh a thupi pen
pen in kingaihsunin hih theih tawpin kipantah hi.
Naupang San Dan:
Kum 2 pan kum 10, nu le pa a site, nu le pa nusiatte, pi leh pu
tawh a omte, pa tawh a omte, nu tawh a omte zomi a hih nak
leh kisang hi.
Pasian hong kalsuan pih na sa teng:
1.Innmun acres nih nei khinta
2.Innpi 36' * 24' * 10' nei khinta
3.Anbuk 18' * 18' * 10' nei khinta
4.Dilen bul leh kisilna buk khat nei khinta
5.Mei EPC leh Solar nei khinta
6.Phone nei khinta
7.Tui-Kongpilui 2-5 mile pan tuinaak nei-in la zota
8.Huang sungah hai, zawngtah, manawi, lenggah, coffee,
thawhbat, nahtang leh paak namkim suan khinta
9.Nailung lo acres 10 nei khin, acres 5 suan khinta
Thu ngetna leh Geelna
1.Naupang 50 kep zawh nang
2.Naupangte tan 10 zo in degree a ngah kim nang
3.Inn 36' * 24' * 10' a zai inn khat lam beh zawh nang
4.Lupna , Sabuai, Laibu a kicing in neihzawh nang
5.Khasim sumlut 700,000/- kyats ngah nang
6.Manglai sang hon zawh nang
7.Kumpi licence ngah zawh nang
8.Huang um zawh nang
9.Innmai tual zik beh zawh nang
10.Motor lampi khelzawh nang
Sum zonna ding geelna te
1.Kelpi 50 khawi zawh nang
2.Nailung GM-50 khawi zawh nang
3.Coffee acres 10 suan zawh nang
4.Lenggah huan acres 10 suan zawh nang
5.Agape Damtui set neih zawh nang ( Purified drinking water )
Mizawng, naupangte tung a pia te in Topa tungah a pia hi a,
Topa in a cingin amaute tungah loh kik ding hi.
Paunak 19 : 17
" Mizawng a huhte cimawh ngeilo ding a,
huhna a pia nuamlote in samsiatna ngah ding hi ."
Paunak 28 : 27
Naupangte kemkhawm dingin , Nang mahmah kong zawn uh hi.
Nong thungetsakna kisam, nong itna, hehpihna kisam.
Naupangte khatta in tavuan kila thei hi. Khakhat 20,000/-ks.
Na birthday ni leh nithupi ni cihte ah an kivaak thei hi.
Laibu, laikung, zatui, puansilh, puanza, khedap, kawllukhu
cihte tawh thupha kibawl thei hi.
