THUKHUAL CITAK DING THUPI
God will reward your faithfulness
( Matthew 25:23)
Khatvei Melbourne khuapi Pakenham Station ah meileng ticket khat na kia aa ka tawm hi. Australia gam ah Metro public transport ticket pen kaal khat, kha khat, kum khat ai ding prepaid ticket ki leikhol thei hi. Ka ticket muh pen kha khat ticket.
Nitak gamdaih thungetna a, tua ticket mansuah pa lunggim pian ding cih ka phawk hi. Tua dungzui in a zing ciangin
Pakenham meileng zum lai-at pa tungah tua ticket va ap kik ing.
Tua khit a sawtlo in ka lawm it mah mah Bob and Don Baker te nupa in Christmas lunch nekhawm ci in dingin hong sam uh hi. Tui -ak(Turkey) gual khat na go uh in eel zen a ne. An nek khit ciang niangtui nekkawm in ka kiho ho.
Bob in 'inn khat ka zuak uh, na hoih khot bilbel ungin Pasian tungah lungdam kohna in letsong khat hong pia nuam ung' ci kawmin lai ip khat hong pia hi. 'Hong tel khial ke'n. Hehpihna tawh hong sang ou' hong ci.
'Lungdam zen sing ee' ci in maitai sa in sang pah. 'Ka en thei dia?' Ka cih leh 'en ve' hong ci uhi. Lawp tak in ka hon leh a sungah Dollar 2000 na om hi.
A nitak ciangin gamdaih thungetna nei. Pasian tungah lungdam kohna leh phatna nei ziah ziah. Ka sung pan thu khat hong ki lo.
Mihing te nuntakna i cih, sangnaupangte bang aa nisim a lai kivuan hi gi ge ta aa. Sawm ganan thuneu khat tungah thukhual, citak zo kei kha leng tul ganan thupha taan lawh ding. Sawm ganan tung a Topa min tawh citak na in tul ganan thupha kong hong honna hi ei.
I gam i nam Pasian thupha tawh i khantohna dingin i pu i pate khekhap zui in thukhual citakna khasuah kei ni.
U Thang No
5-3-2016(Saturday)
Yangon
5-3-2016(Saturday)
Yangon
0 coment�rios:
Post a Comment