Khalkha
te in Zomite tung a a neih a lungsim tawng nung CNF te makai pi a sem
ngei pu Vum Son leh pu Nang Lian Thang te na ngawn in a theih khak lo
thu . Ka lai gelh na bek hi lo. Video sung ah a ki cian zaw gen ing ,
sau sim tuak a hih man in thu piang taktak te bang hang piang hiam cih
na thei nop leh a vek in nana sim in video zong na en suak in.
Falam
khua hong bang na vem, tua sangin a siat zawk ding hoh lam et huai zaw
lai, a do te leh mipi aa ding in ki do kei leh a zah tam pi a hoih zaw
hi.
A
ma kai te in democracy ci kaan kaan geuh, CNF sawl taak a, Khalkha te
ngian lel vive hi. CNF te in thau tawi dang teng thazawm cip na ding a,
SAC a do theihna ding a tawsawn a hih lam thei lo uh ahihkei leh a
theih phial ahih leh zong CNF te a kih taak man a, SAC te zo lo ding
theisa tawh ki pat a sawm uh hi, mipi kiang pan a sum ngah sunsun teng
uh a ma kai teng in a nek bang teng tawh, thau tang lei a, galkap te
nek ding teng khua sung ah luh ding a, khangno thu thei lo pawl teng ut
leh ut loh tawh ki sai lo a a pum sawl gawp uh hi a, khang note a tai
mang kei uh leh luang tampi in sih lawh lai ding hi.
Tedim
khua mipi teng gal tai mang ta, a ciah kik teh a inn uh a na om nawn lo
a, ten na ding om lo a, galtai na a bei sum bat teng tawh nek ding om
lo, teen na ding om lo tawh a nung ta sun teng in khitawhnap tawh dah
leh sin kham tawh ki dim ding ka muh kholh ciang ka khi tui hong luang
sak hi.
Hi pen a taktak a Khalkha te ii taang tawng pek a, Zomite tung a tung
ding a.a tup den thu khat hi. CNF te in a hih zawh zah in, khua no lam
te ah ngong tat in hong that hong bawl sia uh a, tua pen ZRA hong om teh
hong khawl kik pian hi, a hi zong in a dah husi mahmah thu khat ah ZRA
te mahmah pah phot in mipi a hung a dal ding kim lai CNF te sang in a
Zomi pih te a zah nih val in mipi hong pum thah lup zawk mawk ciang in
mipi a pau ngam loh hangin na ki sa mah mah a lam et bei in ki om khin
khian hi.
Tu ni dong in ZRA makai te khat beek mipi te mai ah mipi tung
ah a bawl na te, khial ki sa a, thum na pulakna ki cian na ngawn a neih
loh uh zong lam dang ki sa mahmah lai hi. CNF te in Zomite tung a ngong
tat uh hang in a mau mipih te tung ah tua bang a ngong tat peuh mah lo ,
a khua pi uh Khalkha bang hal tum cih tha dah puah mahmah, dal tinten
uh, mipi te khual mahmah mawk uh hi.
CNF
te in ngian koi tawh na sem hi in a min peuh laih laihlaih pong in a
tup a sawmna ki laih ki khel hi tuan lo hi, Zomi ki pil sak ciim lo hon
khat sumleh pai leh pan mun piak ding tawh khem in nana zol in, Zomite
te siatna ding a, a ngimna te a taangtun na dingin a sem ding a , SAC
te deuh loh na paulam in a Zomite tenna teng ah saang khak cip na ding
tawh na khem zo uh hi. CNF te SAC deih lo ahIh leh bang hang Khalkha ah
SAC te do hiam. bang hangin Khalkha khua leh a gam ah sang khak cip lo
hiam?
Tua ngimna pen Tedim khua ah taang tung zo nai lo ahihmanin a
taang tun na dingin Zomite mah khem in ngian koi tawh na sem uh hi. Zomi
khang thak ten lai thei lo hai cip ding, Khalkha lai leh pau bek tawh
Zomite uk cip a, a mau mi hong suak sak ding cih ciang zong hi lo lai in
sila hong khoi ding , a ut ut a hong that ziauziau lel ding a bei sa
a.khua no pawl khat te a a bawl dan mah bang a, hong bawl ding, a mau
tung phiangsiah ki pia sak ding, neih leh lam a hal tum loh teng uh a
deih peuh hong lak sak ziauzisu ding tua hi a ngimna pi uh.
Zomite
bang ci lung tang nei mawk hi ding i hiam ei leh mah ki tawng tawng ,
ki ha za tha pai, ki that that ta lawm lawm liang , ii khuapi teng haal
tum , inn 80 a kaang baang sa lung kim zo nai lo, a kaat tum na ding vai
hawmhawm lai, hih zah a Pasiab um ing a ci vive , pawl khat bang pastor
khong hi lailai mi nam te tung zong a hi lo, Zomite beh ki bang, kam
pau ki bang, khua khat nam khat mah biakna ki bang teng mah ii ki hi cih
cih ka ngaih sut kik kik teh 1970 pawl a Tedim leh khua kiim ah khan
lawhna hong tun tawh ki zui a, upna maan lo, LaiSiangtho tawh ki tuak lo
gupkhiatna na ngah khit teh bangbang na sem a, mi na thah hang in na
gup na taan lo ding cih hell sung tun na ding zuau thu hamsiatna piang
sak khai ci sia hong ki tuh na hang hi a, tu in a gah a ki at ta hi cih
pen Pasian KhaSiangtho in hong tel sak hi.
Gupkhiatna ki taan kik thei
lo cih um peih mah Pasian kih tak na them nei lo a, mi inn hal ding , mi
that ding pen hak sa sa lo in zong ci zaa bek lo hi. Hih khan lawh na
hong tun ma in, khang lui dawi biak hun lai pek pan in, mi inn haal sak
leh mithat cih te a ki ci za mahmah, ki gim neih mahmah thu te hi zaw
lai hi
Heb.5:7-8;
IPet.1:17; Mat.10:28 Gupna ki taan thei lo cih upna in Pasian kihtaakna
bei sak a pumpi leh kha aa ding hamsiatna hong tun hi.
Shared by>>>PAUL MUNG KHAN
